قوستاناي. 13 ءساۋىر. وبلىستىق پروكۋراتۋرادا وتكەن بريفينگتە وبلىس پروكۋرورىنىڭ اعا كومەكشىسى بولات تولەۋباەۆ جىل باسىنان بەرى وبلىستاعى كاسىپورىندار مەن شارۋاشىلىقتاردىڭ جۇمىسشىلارعا ەڭبەكاقى قارىزى 88 ميلليون تەڭگەدەن 6 ميلليون تەڭگەگە دەيىن قىسقارعانىن ايتتى. بۇل تۋرالى egemen.kz ءتىلشىسى حابارلادى.
639 جۇمىسشى ءوزىنىڭ ەڭبەكاقىسىن الدى. بولات تولەۋباەۆتىڭ ايتۋىنشا, كوپتەگەن كاسىپورىندار مەن شارۋاشىلىق باسشىلارى ادامدار باقىلاۋ ورگاندارىنا شاعىمدانبايىنشا, پروكۋراتۋرا ارالاسپايىنشا جۇمىسشىلارىنىڭ ەڭبەكاقىسىن تولەۋگە اسىقپايتىن سەكىلدى. جىل باسىنان بەرى جۇمىسشىلاردىڭ 70 پايىزى پروكۋرور نۇسقاۋىنان كەيىن عانا ءوز اقشاسىنا قول جەتكىزگەن. مىسالى, «سەۆەر-پتيتسا» اكتسيونەرلىك قوعامىنىڭ باسشىلارى ءوزىنىڭ 293 جۇمىسشىسىنا 24 ميليون تەڭگە بەرەشەگىن پروكۋراتۋرا تەكسەرىسىنەن كەيىن ەكى كۇندە تاۋىپ بەرگەن. مۇنداي مىسال ءجيى كەزدەسەدى. كوبىنە ادامدار الا الماعان ەڭبەكىقىسى ءۇشىن ءوز قۇقىن سوتتا قورعاپ الادى. وسى جىلدان باستاپ جەكە تۇلعالار ءۇشىن شىعارعان سوت شەشىمىن جەكە مەنشىك سوت ورىنداۋشىلارى اتقاراتىن بولادى. پروكۋرور اعا كومەكشىسىنىڭ ايتۋىنشا, جەكە مەنشىك سوت ورىنداۋشىلارى ەڭبەكاقى قارىزىن الىپ بەرۋدە ءتيىمدى جۇمىس ىستەگەن. 88 ميلليون ەڭبەكاقى قارىزىنىڭ 13 ميلليون تەڭگەسىن وسى جەكەمەنشىك سوت ورىنداۋشىلارى الىپ بەرگەن.
وبلىستا 50 جەكەمەنشىك سوت ورىنداۋشىلارى بار, ولاردىڭ قىرىق شاقتىسى قوستاناي قالاسىندا. ولاردىڭ ەڭبەكاقىسى قارىزدار جاعىنان وندىرىلەدى.
ءنازيرا جارىمبەتوۆا.
دەرەك, فوتو: egemen.kz.