شىمكەنت. 7 ءساۋىر. بيىل وڭتۇستىكتە اۋىلشارۋاشىلىق داقىلدارىنىڭ كولەمى وتكەن جىلدارمەن سالىستىرعاندا 4 مىڭ 700 گەكتارعا ارتتى. بۇل تۋرالى egemen.kz ءتىلشىسى حابارلادى.
وبلىس اكىمى بەيبىت اتامقۇلوۆ ماقتا القابىن كوبەيتۋگە دەپ قويىپ وتىر. بىلتىر 99,3 مىڭ گەكتارعا ماقتا ەگىلسە, بيىل ونىڭ كولەمى 110,6 مىڭ گەكتارعا كوبەيەدى. سونداي-اق, التىن ءدان كولەمى دە ۇلعايادى.
ماسەلەن, بيىل 41,2 مىڭ گەكتارعا جازدىق استىق ەگۋ مەجەلەنسە, بۇگىنگە دەيىن جوسپار 108 پايىزعا ارتىعىمەن ورىندالىپ, 44,3 مىڭ گەكتارعا (7,2 مىڭ گا بيداي, 33,9 مىڭ گا ارپا) ءدان سەبىلگەن. سونداي-اق, ءوڭىر ديقاندارى 33 مىڭ گەكتارعا (مەجە – 46 مىڭ گا) جوڭىشقا, 45,6 مىڭ گەكتارعا (مەجە – 72,4 مىڭ گا) ماقسارى, 6,5 مىڭ گەكتارعا (مەجە – 13,8 مىڭ گا) كارتوپ, 16 مىڭ گەكتارعا (مەجە – 35,7 مىڭ گا) كوكونىس ەگىپ ۇلگەردى. ەگۋ جۇمىستارى بۇدان ءارى جالعاسادى. ايتا كەتكەن ءجون, بيىلعى جەر ايداۋ جۇمىستارى 460,6 مىڭ گەكتارعا مەجەلەنىپ, 5 ساۋىردەگى مالىمەت بويىنشا ناقتى 450,2 مىڭ گەكتار جەر جىرتىلىپ, جۇمىستار 98 پايىزعا ورىندالدى.
باقتيار تايجان.
دەرەك, فوتو: egemen.kz