استانا. 2 ءساۋىر. تۇركيانىڭ ماردين پروۆينتسياسىنا قاراستى كىزىلتەپە قالاسىندا جارىلىس بولدى. بۇل تۋرالى 24.kz-كە سىلتەمە جاساعان egemen.kz ءتىلشىسى حابارلادى.
ەلدىڭ وڭتۇستىك-شىعىسىندا جارىلعىش زات ورناتىلعان اۆتوموبيل جارىلدى. سالدارىنان 1 ادام قازا تاۋىپ, 18 ادام ءتۇرلى دەنە جاراقاتىن الدى. قازىرگى كەزدە پوليتسيا قىزمەتكەرلەرى وقيعا ورنىندا تەرگەۋ امالدارىن جۇرگىزىپ جاتىر.
ايتا كەتەيىك, سوڭعى ءبىر ايدىڭ ىشىندە تۇركيادا لاڭكەستىك ارەكەتتەردەن 50-گە جۋىق ادام مەرت بولىپ, جۇزدەن استامى ءتۇرلى جاراقات الدى. ناۋرىز ايىنىڭ 13 كۇنى انكارادا جولاۋشىلار اۆتوبۋسى جارىلىپ, ونداعان ادام وپات بولسا, وسىدان بىرنەشە كۇن بۇرىن ديارباكىر قالاسىنداعى تەررورلىق شابۋىلدان 7 پوليتسيا قىزمەتكەرى قازا تاپتى.
ايان ءابدۋالي.
دەرەك, فوتو: 24.kz.