قازاقستان رەسپۋبليكاسى ۇلتتىق بانكىنىڭ رەسمي حابارى
الماتى 2011 جىلعى 15 قاڭتار
«قازاقستان رەسپۋبليكاسىنىڭ ۇلتتىق بانكى تۋرالى» قازاقستان رەسپۋبليكاسىنىڭ 1995 جىلعى 30 ناۋرىزداعى № 2155 زاڭىنا سايكەس قازاقستان رەسپۋبليكاسىنىڭ ۇلتتىق بانكى 2011 جىلعى 17 قاڭتاردان باستاپ 2011 جىلعى قازاقستانداعى VII ازيا ويىندارىنا ارنالعان 2011 جىلعى ۇلگىدەگى نومينالى 2000 تەڭگەلىك ەسكەرتكىش بانكنوتالاردى اينالىسقا شىعارادى. 2011 جىلعى ۇلگىدەگى نومينالى 2000 تەڭگەلىك ەسكەرتكىش بانكنوتانىڭ سيپاتتاماسى تارالىمى: 20 000 000 دانا ولشەمى: 139ح73 مم باسىم ءتۇسى: كوكشىل-جاسىل بەت جاعى باسىم بەينەسى – تىگىنەن. ورتالىق بولىگىندە «استانا-بايتەرەك» مونۋمەنتى بەينەلەنگەن. بانكنوتانىڭ ورتاسىندا قويۋ جاسىل جانە كوك جولاقتاردا قازاقستان رەسپۋبليكاسىنىڭ مەملەكەتتىك ءانۇرانى نوتالارىنىڭ فراگمەنتتەرى اق تۇسپەن بەينەلەنگەن, وسى جەرگە نومينالدىڭ ساندىق بەلگىسىنىڭ كونتۋرى اق سىزىقتارمەن جۇرگىزىلگەن. «بايتەرەك» مونۋمەنتىنىڭ سول جاعىندا قازاقستان رەسپۋبليكاسىنىڭ مەملەكەتتىك ەلتاڭباسى التىن تۇسپەن بەينەلەنگەن. جوعارعى وڭ جاق بولىكتە قازاقستان رەسپۋبليكاسىنىڭ مەملەكەتتىك تۋى بەينەلەنگەن. بانكنوتانىڭ تومەنگى جاعىندا اشىق الاقان جانە وزگەرمەلى بوياۋمەن ورىندالعان قار ۇشقىنى بەينەلەنگەن. تومەنگى سول جاعىندا نومينالدىڭ مەملەكەتتىك تىلدەگى ارىپتىك بەلگىسى ورنالاسقان. «قازاقستان ۇلتتىق بانكى» جازۋى تومەندە وڭ جاعىندا تىگىنەن ورنالاسقان, ونىڭ ۇستىندە جالعان اقشا جاساۋ جاۋاپكەرشىلىگىن ەسكەرتەتىن «بانكنوتتاردى قولدان جاساۋ زاڭمەن قۋدالانادى» دەگەن مەملەكەتتىك تىلدەگى جازۋ ورنالاسقان. سىرت جاعىباسىم بەينە – كولدەنەڭ. نەگىزگى بەينە: تاۋ اياسىنداعى شاڭعىشى جانە VII ازيا ويىندارىنىڭ سيمۆوليكاسى. تومەنگى سول جاق بولىگىندە بانكنوتا نومينالىنىڭ ساندىق بەلگىسى, ال تومەندە ورتادا ورىس تىلىندەگى ارىپتىك بەلگى ورنالاسقان. جوعارىدا ورتاسىندا «قازاقستان ۇلتتىق بانكى» جازۋى جانە ەميتەنت بانكتىڭ لوگوتيپى باسىلعان. جالعان اقشا جاساۋ جاۋاپكەرشىلىگىن ەسكەرتەتىن «پوددەلكا بانكنوت پرەسلەدۋەتسيا پو زاكونۋ» دەگەن ورىس تىلىندەگى جازۋ اشىق جەردىڭ جوعارعى سول جاق بۇرىشىندا ورنالاسقان. بانكنوتانىڭ ءبۇكىل ءونبويىندا اشىق ورىندارعا قازاقتىڭ ۇلتتىق ويۋ-ورنەگىنىڭ ءموتيۆى پايدالانىلعان.
جاسا, قازاقستان! جەلبىرە, قازاق بايراعى!
ازيادا الاۋى – شىمكەنتكە 13 قاڭتار كۇنى شام جامىراعان شاقتا ۇشاقپەن جەتتى. الاۋ ەستافەتاسىن شىمكەنت قالاسىندا وتكىزىلۋى بويىنشا ۇيىمداستىرۋ كوميتەتىنىڭ توراعاسى, وبلىس اكىمىنىڭ ورىنباسارى ءا.بەكتاەۆ, توراعا ورىنباسارلارى – شىمكەنت قالاسىنىڭ اكىمى ا.جەتپىسباەۆ پەن وبلىستىق تۋريزم جانە سپورت باسقارماسىنىڭ باستىعى بولات قىرىقباەۆ جانە “قازاقستاننىڭ حالىق بانكى” اق وبلىستىق فيليالىنىڭ توراعاسى ءا.ماقۇلباەۆ باستاعان دەلەگاتسيا قارسى الىپ, اۋەجايدا باق وكىلدەرىمەن ءباسپاسوز-ءماسليحاتى ءوتتى. 14 قاڭتار. ا.اسقاروۆ اتىنداعى يپپودروم ماڭايى قاراعۇرىم جۇرت. سالتاناتتى كونتسەرت. بىرەر اپتادان بەرى تۇماندى البيون سەكىلدى تۇنەرىڭكىرەپ تۇرعان شىمكەنت اسپانىنان قىلاۋلاپ قار جاۋدى. اقشا قار جانە قارداي اپپاق كيىم كيگەن الاۋ ەستافەتاسىنا قاتىساتىن ادامدار قالانىڭ ءتۇندىگىن سەرپىگەندەي كۇيگە ءتۇسىردى. ازيا ويىندارى وليمپيا ويىندارى سياقتى ءتورت جىلدا ءبىر-اق رەت بولاتىن سپورت مەرەكەسى. ونى وتكىزۋ قۇرمەتىنە دۇنيە جۇزىندە ءباسى بولەك, وزىندىك ورنى بار, الەۋەتى كۇشتى مەملەكەتتەر عانا يە بولادى. وسىنداي قۇرمەت قازاقستانعا كورسەتىلدى. جينالعان جۇرتقا وبلىس اكىمى اسقار مىرزاحمەتوۆ وسىنى ايتتى. كەشە عانا قىتايدىڭ گۋانچجوۋ قالاسىندا وتكەن جازعى ازيا ويىندارىندا وبلىستار اراسىنان ءبىرىنشى ورىن العان ايماقتىڭ باسشىسى قىسقى ازيا ويىندارىن وتكىزۋ مارتەبەسىنە يە بولۋ ەلباسىمىزدىڭ ارقاسى ەكەندىگىن ايتىپ, ەندى سپورتتاعى دەرجاۆا مەملەكەتتەردىڭ بىرىنە اينالامىز دەدى. م.اۋەزوۆ اتىنداعى وقمۋ ۋنيۆەرسيتەتىنىڭ رەكتورى, اكادەميك ءۋاليحان بيشىمباەۆ زيالى قاۋىم اتىنان اق تىلەۋ ايتتى. ساعات 12-دە الاۋ ەستافەتاسى ديرەكتسياسى باسشىسىنىڭ ورىنباسارى س.قۇرمانبەك پەن الاۋ ساقشىلارى ساحناعا شىعىپ, وتتىقتان ءبىرىنشى الاۋ قۇتىنى تۇتاندىرىپ, وبلىس اكىمى ا.مىرزاحمەتوۆكە تاپسىردى. الاۋ الىپ جۇگىرگەن وبلىس باسشىسىن حالىق قۇتتىقتادى. “العا, قازاقستان!” دەيدى جۇزدەرى الاۋلاعان جانكۇيەرلەر, وقۋشىلار. وبلىس اكىمى ەستافەتانى مۇحتارحان دىلدابەكوۆكە تاپسىردى. ون سەگىز جاسىندا بوكسقا كەلىپ, اينالدىرعان ءتورت-بەس جىلدىڭ ىشىندە كەيبىر بوكسشىلاردىڭ قيالىنا سىيمايتىن جەڭىستەرگە جەتكەن, وليمپيا ويىندارى مەن الەم چەمپيوناتىنىڭ اقتىق سىنىندا ونەر كورسەتكەن وعلان الاۋدى الىپ بايدىبەك بي كوشەسىمەن جۇگىردى. ءبىز كاراتەدەن حالىقارالىق ءدارەجەدەگى سپورت شەبەرى, قازاقستاننىڭ بىرنەشە دۇركىن چەمپيونى, ازيا چەمپيوناتى مەن ازيا ويىندارىنىڭ جۇلدەگەرى, قازاق دالاسىنىڭ باتىرى – قاجىمۇقان مۇڭايتپاسوۆتىڭ نەمەرەسى شاتتىق قاجىمۇقانمەن تىلدەستىك. – مۇنداي بايراقتى باسەكەنى وتكىزۋ نەسىبەسى اناۋ-مىناۋ مەملەكەتتەرگە بۇيىرا بەرمەيدى, – دەيدى شاتتىق. – كەشە عانا ەۋروپانىڭ تورىندە وتىرىپ تورەلىك ايتىپ, جىل سوڭىندا 56 مەملەكەتتىڭ باسشىلارىنىڭ باسىن قوسىپ سامميت وتكىزگەن سۇيىكتى وتانىمىز ءۇشىن قۋانىشىم ءجۇرەگىمدى جارارداي بولىپ تۇر. الاۋ الىپ جۇگىرۋ قۇرمەتىنە يە بولعانىمدى وزىمە زور باقىت سانايمىن. وتانىمىزدىڭ مارتەبەسى قاشاندا بيىك بولىپ, وسى ازيادادا سپورتشىلارىمىزدىڭ بيىك ناتيجەلەرگە جەتۋىنە شىن جۇرەكتەن تىلەكتەسپىن. الاۋ ەستافەتاسىن الىپ جۇگىرۋشىلەر بايدىبەك بي, قوناەۆ داڭعىلى ارقىلى جەلتوقسان كوشەسىنىڭ بويىنداعى اباي ساياباعىنا جەتتى. تۇسكى استان كەيىن ب.مومىش ۇلى كوشەسى ارقىلى تاۋكە حان داڭعىلىن باسىپ, قازىبەك بي كوشەسى مەن ورداباسى الاڭىنا جەتكىزىلدى. كوركەم گيمناستيكاداعى كوركەم قىزىمىز, ازيا جانە ازيا ويىندارىنىڭ ابسوليۋتتى جەڭىمپازى, الەم كۋبوگىنىڭ ءجۇلدەگەرى ءاليا ءجۇسىپوۆانىڭ قولىنان الاۋدى العان سپورت ارداگەرى ماحامبەت ساپارباەۆ سالتاناتتى تۇردە ساحناعا كوتەرىلىپ قازاندىقتاعى الاۋدى جاقتى. مەرەكە سوڭى كونتسەرتتىك باعدارلاماعا ۇلاستى. باقتيار تايجان , شىمكەنت.