ەلباسىمەن بىرگەمىز!
قازاقستاندىقتار ن.نازارباەۆتىڭ پرەزيدەنتتىك وكىلەتتىگىن ۇزارتۋدى قولدايدى
«ءبىزدىڭ تاڭداۋىمىز – نۇرسۇلتان نازارباەۆ»
دەدى دەموكراتيالىق كۇشتەردىڭ جالپىۇلتتىق
كواليتسياسى اكتسياسىنا قاتىسۋشىلار
13 قاڭتاردا تالدىقورعان قالاسىندا «نۇر وتان» حالىقتىق- دەموكراتيالىق پارتياسىنىڭ «قازاقستان-2020» جالپىۇلتتىق دەموكراتيالىق كۇشتەر كواليتسياسىن قۇرۋ تۋرالى باستاماسىنا قولداۋ كورسەتۋ جانە قوسىلۋ ماقساتىندا اكتسيا ءوتتى. جاستاردىڭ جالىندى سوزدەرى اسقاقتاپ, 103 ۇلتتىڭ وكىلىنەن قۇرالعان قاۋىم «ءبىزدىڭ قۋاتىمىز – بىرلىكتە», «ءبىزدىڭ تاڭداۋىمىز – نازارباەۆ», «جاستار – ەلباسىمەن بىرگە», «ءبىز – بەيبىتشىلىكتى قولدايمىز» دەپ وتانىنىڭ ەرتەڭىنە دەگەن بەرىك سەنىمدەرىن اشىق ءبىلدىردى. دەموكراتيالىق كۇشتەر كواليتسياسىن ۇيىمداستىرۋ ارقىلى ەلباسىنىڭ وكىلەتتىگىن ۇزارتۋ باستاماسىن جالپى حالىق بولىپ, بارلىق ساياسي جانە ۇكىمەتتىك ەمەس ۇيىمدار قوسىلىپ, رەفەرەندۋم وتكىزۋگە العاشقىلاردىڭ قاتارىندا جەتىسۋلىق جاستاردىڭ ءۇن قوسۋى تەگىن ەمەس. ويتكەنى, ءوڭىر ەكونوميكاسى دامىپ, حالىقتىڭ الەۋمەتتىك-تۇرمىستىق جاعدايى كۇن وتكەن سايىن جاقسارۋدا. كوپشىلىك الدىندا سپيكەر, وبلىستىق ءماسليحاتتىڭ دەپۋتاتى, «قابىرعاتال ونىمدەرى» ءوندىرىستىك كووپەراتيۆىنىڭ توراعاسى, ارداگەر امانتاي زيادانوۆ ءسويلەدى. نۇروتاندىقتاردىڭ باستاماسىمەن ەلىمىزدەگى دەموكراتيالىق كۇشتەر بىرىكتى. بۇل ۇيىم كوشباسشىمىز نۇرسۇلتان نازارباەۆتىڭ پرەزيدەنتتىك وكىلەتتىگىن 2020 جىلعا دەيىن ۇزارتۋ ماقساتىندا قۇرىلعانىن بىلەسىزدەر. مەن, وزدەرىڭىز سايلاعان وبلىستىق ءماسليحاتتىڭ دەپۋتاتى رەتىندە 20704 سايلاۋشىنىڭ, اۋىل شارۋاشىلىعى ەڭبەككەرلەرىنىڭ اتىنان ۇيىمدى قولداۋعا شاقىرامىن. باردىڭ بارىن اسىرىپ, جوقتىڭ جوعىن تۇگەندەگەن تۇڭعىش پرەزيدەنتىمىزدى الەم بىلەدى. ءبىز مۇنى ماقتان ەتەمىز دەگەن ارداگەردىڭ ءسوزىن جينالعاندار «قازاقستان – مەنىڭ وتانىم», «ءبىز ەلباسىن قولدايمىز» دەگەن اسقاق شاقىرۋلارعا ۇلاستىردى. ارداگەردىڭ ءسوزىن وبلىستىق «جاسىل ەل» شتابىنىڭ باستىعى تولەگەن كەنجەبەكوۆ ءىلىپ اكەتتى. – جەتىسۋداعى حالىقتىڭ 691734-ءى جاستار. وسى جاستاردىڭ اتىنان كواليتسيا باستاماسىن قولداپ, قوسىلۋعا شاقىرامىن. وسى جيىنعا 3 مىڭعا جۋىق وكىل قاتىسىپ وتىر. ءبىزدىڭ ۇرانىمىز – «ەلباسى بىرەۋ, حالىق وعان تىرەۋ!», «ءبىز ەلباسىمەن بىرگەمىز, بەرىك ءبىزدىڭ ىرگەمىز». ءوز تاعدىرىمىزدى ەلباسىنا تاپسىرامىز, دەگەن ءسوزىن جاستار ءبىراۋىزدان قولدايتىندىقتارىن ايقىن اڭعارتتى. بۇدان كەيىن دە ءىلياس جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىنىڭ كافەدرا مەڭگەرۋشىسى امانگەلدى كاتەنوۆ, قازاقستان حالقى اسسامبلەياسىنىڭ مۇشەسى اتساليم يديگوۆ, «ەرلىك» مۇگەدەكتەر قوعامىنىڭ ءتورايىمى روزا اقجاركەنوۆا, ستۋدەنت سامات سۇلەيمەنوۆ جينالعانداردى ەلباسىنىڭ وكىلەتتىگىن 2020 جىلعى 6 جەلتوقسانعا دەيىن ۇزارتۋ جونىندەگى دەموكراتيالىق كۇشتەر كواليتسياسىنىڭ باستاماسىن قولداۋعا ۇندەدى. كۇمىسجان بايجان, الماتى وبلىسى.رۋحاني قۇندىلىقتار قولداۋشىسى
سارسەنبى كۇنى قازاقستان رەسپۋبليكاسى ۇلتتىق اكادەميالىق كىتاپحاناسىندا ەلباسى نۇرسۇلتان نازارباەۆتىڭ پرەزيدەنتتىك وكىلەتتىگىن 2020 جىلعا دەيىن ۇزارتۋ جونىندەگى رەسپۋبليكالىق رەفەرەندۋمدى قولداۋعا ارنالعان جينالىس ءوتتى. وعان مادەنيەت مينيسترلىگى مادەنيەت كوميتەتى توراعاسىنىڭ ورىنباسارى روزا كارىپجانوۆا, ۇلتتىق اكادەميالىق كىتاپحانانىڭ باس ديرەكتورى جاننا شايمۇحانبەتوۆا جانە كىتاپحانانىڭ بارلىق قىزمەتكەرلەرى قاتىستى. «بيىل قازاقستان تاۋەلسىزدىگىنىڭ 20 جىلدىعى» – دەپ ءسوز باستاعان جاننا شايمۇحانبەتوۆا ەلدىك پەن ەرلىك, ەل تاۋەلسىزدىگى جايىندا ءوز ويىن ورتاعا سالدى. «وسى جىلدار ىشىندە مەملەكەت قۇرۋدىڭ تاڭعاجايىپ جولىنان ەلىمىز سۇرىنبەي ءوتتى. مەملەكەتتىلىگىمىز نىعايىپ, جاڭارۋلار مەن جاڭعىرۋلارعا قاراي بەت الدىق, الەمنىڭ ءار الۋان ەلىمەن دوستىق بايلانىس ورناتتىق. باس قالامىز – استانا ءوسىپ, وركەن جايىپ كەلەدى. ال 2010 جىلى قازاقستان ەقىۇ توراعاسى رەتىندە تاريحتىڭ تورىنە كوتەرىلدى. بۇلاردىڭ بارىنە ءبىز ەلباسىمىز نۇرسۇلتان ءابىش ۇلى نازارباەۆتىڭ ساليقالى ساياساتىنىڭ, قازاقستاندا تۇرىپ جاتقان حالىقتاردىڭ بەرىك دوستىعى مەن بەرەكە-بىرلىگىنىڭ ارقاسىندا قول جەتكىزىپ وتىرمىز. بۇگىن ەلباسى نۇرسۇلتان نازارباەۆتىڭ پرەزيدەنتتىك وكىلەتتىگىن 2020 جىلدىڭ 6 جەلتوقسانىنا دەيىن ۇزارتۋ جونىندە رەسپۋبليكالىق رەفەرەندۋم وتكىزۋ تۋرالى ماسەلە كوتەرىلىپ وتىر. بۇعان ءبىز – ۇلتتىق اكادەميالىق كىتاپحانانىڭ ۇجىمى ءبىراۋىزدان كەلىسىم بەرەمىز» – دەدى كىتاپحانا ديرەكتورى ءوز سوزىندە. كىتاپحانا قىزمەتكەرلەرى بارشا قازاقستاندىقتار سياقتى ەلدىڭ ەكونوميكالىق تۇراقتىلىعى مەن حالقىمىزدىڭ الەۋمەتتىك جاعدايىنىڭ دامۋىن, وسى جانە باسقا دا اۋقىمدى ماقساتتاردى ىسكە اسىرۋ جوسپارلارىن تەك ەلباسى نۇرسۇلتان نازارباەۆتىڭ باسشىلىعىمەن بايلانىستىراتىندىقتارىن جەتكىزدى. سونداي-اق پرەزيدەنت نۇرسۇلتان نازارباەۆتىڭ ۇلتتىق ءداستۇرىمىز بەن رۋحاني قۇندىلىقتاردى جاڭعىرتۋ مەن ساقتاۋداعى قىزمەتىن جوعارى باعالاي وتىرىپ, پرەزيدەنتتىڭ وكىلەتتىگىن ۇزارتۋ جونىندەگى رەفەرەندۋمدى قولدايتىندىقتارىن ءبىلدىردى. اراي ۇيرەنىشبەكقىزى.«زاڭگەرلەر ادىلەتتى سايلاۋ ءۇشىن»
رەسپۋبليكالىق قوعامدىق بىرلەستىگىنىڭ ۇندەۋى
قۇرمەتتى قازاقستاندىقتار, قادىرلى زاڭگەر-ارىپتەستەر! بىزدەر – «زاڭگەرلەر ادىلەتتى سايلاۋ ءۇشىن» رەسپۋبليكالىق قوعامدىق بىرلەستىگىنىڭ وكىلدەرى, ميلليونداعان وتانداستارىمىز –قازاقستان رەسپۋبليكاسىنىڭ ازاماتتارى سەكىلدى, قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان ءابىش ۇلى نازارباەۆتىڭ وكىلەتتىگىن 2020 جىلعا دەيىن ۇزارتۋ جونىندەگى ماسەلە بويىنشا رەفەرەندۋم وتكىزۋ تۋرالى باستامانى قىزۋ قولدايمىز. قازاقستاننىڭ دەموكراتيالىق, زايىرلى, قۇقىقتىق جانە الەۋمەتتىك مەملەكەت رەتىندە ودان ءارى ورنىعۋى جاعدايىندا, ەلىمىز ءۇشىن الەۋمەتتىك ىلگەرىلەۋگە قاراتىلعان ستراتەگيالىق باعىتتىڭ قالىپتى ءارى دايەكتىلىكپەن ىسكە اسىرىلعانى, ىشكى جانە سىرتقى ساياسي باسىمدىقتاردىڭ ۇلتارالىق تاتۋلىق, ءوزارا سەنىم, ءداستۇردى قۇرمەتتەۋ, اشىقتىق جانە توزىمدىلىك نەگىزىندە جۇزەگە اسىرىلعانى قاجەت ەكەنىنە ءبىز سەنىمدىمىز. جاڭا ەۋرازيالىق قاۋىپسىزدىكتى قۇرۋ, پوستكەڭەستىك كەڭىستىكتەگى ينتەگراتسيانى, اسىرەسە, تاياۋداعى ونجىلدىقتا جالعاستىرۋ جانە تەرەڭدەتۋ حالىقتىڭ ەرىك-جىگەرىنە نەگىزدەلگەن بەرىك ساباقتاستىققا سۇيەنۋگە ءتيىس. پرەزيدەنت ن.ءا.نازارباەۆتىڭ كونستيتۋتسيوناليزم يدەالدارىنا دەن قويعاندىعى جانە ونىڭ سان قىرلى قايراتكەرلىك قىزمەتى ارقاسىندا ازامات پەن مەملەكەت اراسىندا بارعان سايىن سەنىمنىڭ ارتىپ, ءوزارا قارىم-قاتىناس قالىپتاسقانىن; ادامداردىڭ سانا-سەزىمى مەن تۇرمىس-تىرشىلىگىنە كونستيتۋتسيالىق قۇندىلىقتار سىڭگەنىن; حالىقتىڭ قۇقىق مادەنيەتىنىڭ جانە ونىڭ بيلىككە دەگەن سەنىمىنىڭ دەڭگەيى وسكەنىن, قۇقىق قورعاۋ ورگاندارى مەن سوتتاردىڭ, بۇكىل قۇقىق قورعاۋ مەحانيزمىنىڭ كاسىبيلىگى جانە جۇمىس تيىمدىلىگى ارتقانىن ءبىز كورىپ وتىرمىز. مەملەكەت باسشىسى بەكىتكەن 2010-2020 جىلدارعا دەيىنگى كەزەڭگە ارنالعان قۇقىقتىق ساياسات تۇجىرىمداماسىنىڭ ىسكە اسىرىلۋى بارىسىندا ادامنىڭ جانە ازاماتتىڭ قۇقىقتارى مەن بوستاندىقتارىنا بەرىلەتىن كەپىلدىك, كاسىپكەرلەردىڭ قورعالۋ دەڭگەيى ارتا تۇسەدى; زاڭنامانىڭ جاڭا سالالارى مەن باعىتتارى پايدا بولادى; ءبىزدىڭ قۇقىعىمىز زاماناۋي, جەدەل ءارى پراكتيكانىڭ قاجەتى مەن ادامداردىڭ مۇقتاجىنا ىڭعايلاستىرىلعان بولادى. قۇقىقتى قوعامنىڭ شىن مانىندەگى جاسامپاز كۇشىنە اينالدىرۋ ءۇشىن وسىنشا قاجىر-قايرات جۇمساپ جۇرگەن ەلباسىن ءبىز قازىرگى مەملەكەتتەر مىسالىنان تابا المايمىز. زاڭگەر-عالىمدار, قۇقىق ءپانىنىڭ وقىتۋشىلارى, جەكە جانە جاريا قۇقىق سەكتورىنداعى, قوعامدىق بىرلەستىكتەردەگى زاڭگەرلەر, ادۆوكاتتار جانە نوتاريۋستار رەسپۋبليكا پرەزيدەنتىنىڭ جان-جاقتى قولداۋىن سەزىنەدى, بارشامىزدىڭ جانە ارقايسىمىزدىڭ مۇددەمىزگە جاۋاپ بەرەتىن, ەلىمىزدىڭ ودان ءارى سەرپىندى دامۋىنىڭ قۇقىقتىق ۆەكتورىن قامتاماسىز ەتۋگە قابىلەتتى تۇلعالار رەتىندە ولار وزدەرىنىڭ بيىك ءارى جاۋاپتى ميسسياسىن ۇعىنادى. «زاڭگەرلەر ادىلەتتى سايلاۋ ءۇشىن» رەسپۋبليكالىق قوعامدىق بىرلەستىگى قازاقستان رەسپۋبليكاسىنىڭ تۇڭعىش پرەزيدەنتى – ەلباسى ن.ءا.نازارباەۆتىڭ وكىلەتتىگىن 2020 جىلعا دەيىن ۇزارتۋ تۋرالى رەسپۋبليكالىق رەفەرەندۋم وتكىزۋ ءۇشىن, قولدانىستاعى 1995 جىلعى كونستيتۋتسيانىڭ, «رەسپۋبليكالىق رەفەرەندۋم تۋرالى», «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭداردىڭ, وزگە دە كونستيتۋتسيالىق جانە جاي زاڭداردىڭ يدەيالارى مەن ەرەجەلەرىنە, سونداي-اق مەملەكەتتىك قۇرىلىستىڭ شەتەلدىك تاجىريبەسىنە نەگىزدەلگەن قاجەتتى قۇقىقتىق شارتتاردىڭ ءبارى بار دەپ سەنىم بىلدىرەدى. مەملەكەتتىك بيلىكتىڭ بىردەن-ءبىر باستاۋى, وسى بيلىكتى ءوزىنىڭ وكىلدەرى ارقىلى عانا ەمەس, كونستيتۋتسيانىڭ 3-بابىنىڭ 2-تارماعىنا سايكەس تىكەلەي رەسپۋبليكالىق رەفەرەندۋم ارقىلى دا جۇزەگە اسىراتىن قازاقستاننىڭ تاۋەلسىز حالقى بۇل ماسەلەنىڭ بۇكىلحالىقتىق داۋىس بەرۋگە قويىلۋىنا باستاما جاساۋعا جانە قازاقستاننىڭ مەملەكەتتىك تاۋەلسىزدىگىنىڭ جيىرما جىلدىعىندا بۇل ماسەلە بويىنشا تاريحي ءادىل جانە مەيلىنشە قۇىقتىق شەشىم قابىلداۋعا ەجەلدەن قۇقىلى. ءبىز بارلىق قازاقستاندىقتاردى جانە ءبىرىنشى كەزەكتە, زاڭگەر-ارىپتەستەرىمىزدى رەسپۋبليكالىق رەفەرەندۋم وتكىزۋ تۋرالى يدەيانى جان-جاقتى قولداۋعا, وعان باستاما جاساۋشىلارعا بارىنشا كومەكتەسۋگە, مەملەكەتتىڭ, وتاندىق, شەتەلدىك جانە حالىقارالىق ۇكىمەتتىك ەمەس ۇيىمداردىڭ وكىلدەرىمەن ىنتىماقتاسا جۇمىس ىستەۋگە ۇندەيمىز. قازاقستان زاڭگەرلەرى – رەفەرەندۋمدى قولدايدى, ونى وتكىزۋ حالىقتىڭ ەرىك-جىگەرىنە, ەل كونستيتۋتسياسىنىڭ اتىنا دا, زاتىنا دا سايكەس كەلەدى. الماتى قالاسى.ەل دامۋىنىڭ باستى شارتى
قازاقستان ماشينە جاساۋشىلار وداعىنا كىرەتىن جانە كاسىپورىنداردا جۇمىس جاسايتىن ءۇش ءجۇز مىڭ جۇمىسشىلار مەن ينجەنەرلەردىڭ اتىنان ءبىز قازاقستان رەسپۋبليكاسىنىڭ پرەزيدەنتى – ەلباسى نۇرسۇلتان ءابىش ۇلى نازارباەۆتىڭ وكىلەتتىگىن 2020 جىلعا دەيىن ۇزارتۋ بويىنشا رەفەرەندۋم وتكىزۋ جونىندەگى باستامانى تولىق جانە ءسوزسىز قولدايتىنىمىزدى مالىمدەيمىز. دومەن جانە مارتەن پەشتەرىنىڭ جالىنىندا شىنىققان ءبىزدىڭ پرەزيدەنتىمىز جۇمىسشىلاردىڭ بۇگىنگى تۇرمىس-تىرشىلىگىن جانىنداي تۇسىنەدى, قازاقستاندىق ازاماتتارعا نە قاجەت ەكەندىگىن جاقسى بىلەدى. پرەزيدەنتپەن بىرگە ءبىز نەشە ءتۇرلى سىناقتاردان ءوتىپ, قيىن جىلداردى ويداعىداي ەڭسەردىك. ەلباسىنىڭ سارابدال ساياساتىنىڭ ارقاسىندا تاۋەلسىزدىك جىلدارى حالقىمىزدىڭ ەرتەڭگى كۇنگە دەگەن سەنىمى نىعايىپ, تۇراقتى تابىسقا, جالاقىعا, زەينەتاقىعا, تۇرعىن ۇيگە قول جەتكىزىپ, بەيبىتشىلىك پەن كەلىسىم سالتانات قۇرعان ەلدە بالالارىن تاربيەلەۋگە مۇمكىندىك الدى. بۇگىندە قازاقستاندى بۇكىل الەم گۇلدەنگەن, بەيبىت ومىرگە ۇمتىلعان, جارقىن كەلەشەككە نىق قادام باسىپ كەلە جاتقان ەل رەتىندە تانيدى. كەمەڭگەر پرەزيدەنتىمىزدىڭ ارقاسىندا عانا ەلىمىزدىڭ ۇدەمەلى يندۋستريالىق-يننوۆاتسيالىق دامۋ باعدارلاماسى دۇنيەگە كەلدى. وندا ماشينە جاساۋ كەشەنىن جاڭارتۋ ماسەلەسىنە ەرەكشە كوڭىل بولىنگەن. جوعارى تەحنولوگيالى قۇرىلعىلارمەن جابدىقتالعان جانە جوعارى بىلىكتى ماماندارمەن قامتاماسىز ەتىلگەن جاڭا كاسىپورىندار سالۋ – ءبىزدىڭ جاقىن كەزەڭگە ارنالعان باستى مىندەتىمىز. مەملەكەتىمىزدىڭ نەگىزىن قالاۋشى, تۇڭعىش پرەزيدەنت – ەلباسىمىز نۇرسۇلتان ءابىش ۇلى نازارباەۆتىڭ بارلىق بولاشاق وزگەرىستەردىڭ باسى-قاسىندا بولۋى – قازاقستاننىڭ قارىشتاپ دامۋىنىڭ باستى شارتى بولىپ تابىلادى. ول – رەفورمالاردىڭ تولىعىمەن جۇزەگە اسۋىنىڭ, ەلىمىزدىڭ ىلگەرى دامۋىنىڭ, ءبىزدىڭ ورتاق ۇيىمىزدەگى بەيبىتشىلىك پەن كەلىسىمنىڭ كەپىلى. ءبىز گۇلدەنگەن جانە تۇراقتى قازاقستان ءۇشىن! وسى ۇندەۋمەن قازاقستاننىڭ ماشينە جاساۋشىلار وداعى جانە وعان كىرەتىن كاسىپورىندار قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان ءابىش ۇلى نازارباەۆتىڭ پرەزيدەنتتىك وكىلەتتىگى مەرزىمىن 2020 جىلعى 6 جەلتوقسانعا دەيىن ۇزارتۋ بويىنشا جالپىحالىقتىق پلەبيستسيتتى قولدايتىنىن جانە رەفەرەندۋمدى قولداۋ ءۇشىن دەموكراتيالىق كۇشتەردىڭ «قازاقستان-2020» جالپىۇلتتىق كواليتسياسىنا كىرەتىنىن مالىمدەيدى. ءماجىلىس دەپۋتاتى, «قازاقستان ماشينە جاساۋشىلار وداعى» زتب-ءنىڭ باسقارما توراعاسى م.پىشەمباەۆ, «كازاگروفينانس» اق-تىڭ باسقارما توراعاسى د.ايتجانوۆ, «قازمۇنايگاز» ۇك» اق-تىڭ باسقارما توراعاسى ق.قابىلدين, «قازاقسەلماش» كورپوراتسياسى» جشس ديرەكتورلار كەڭەسىنىڭ توراعاسى ا.قاجكەنوۆ, «ماشزاۆود №1» جشس-ءنىڭ باس ديرەكتورى ب.كەنجين, «قازاقستان تەمىر جولى» ۇك» اق پرەزيدەنتى ا.مامين, «قازاقستاندىق قۇبىر يزولياتسياسى زاۋىتى» جشس ديرەكتورى ق.مەيرامبەكوۆ, ءماجىلىس دەپۋتاتى ۆ.روگالەۆ, قاراعاندى ماشينە جاساۋ كونسورتسيۋمى ديرەكتورلار كەڭەسىنىڭ توراعاسى س. ستيۋكوۆ, «قازاقتەلەكوم» اق-تىڭ باسقارما توراعاسى ك. ەسەكەەۆ.تاتۋلىق پەن تۇراقتىلىقتىڭ التىن ارقاۋى
حقتۋ-ءى شىمكەنت اكادەميالىق يننوۆاتسيالىق ۋنيۆەرسيتەتىنىڭ ۇجىمى ەلباسىنىڭ پرەزيدەنتتىك وكىلەتتىگىن 2020 جىلدىڭ 6 جەلتوقسانىنا دەيىن ۇزارتۋ جونىندەگى رەسپۋبليكالىق رەفەرەندۋم وتكىزۋ تۋرالى باستامانى قولداۋ جونىندە جيىن ءوتكىزدى. وبلىستىڭ وزگە ۇلت وكىلدەرى اراسىنداعى قازاق ءتىلى بايقاۋىنىڭ باس جۇلدەگەرى, فيلولوگيا فاكۋلتەتىنىڭ ستۋدەنتى س.چەكۋشين: «مەن قازاقستان ازاماتى بولعانىما ماقتانامىن. سەبەبى, ەلىمىز ءوز تاريحىندا تالاي قيىن-قىستاۋ كەزەڭدەردى باسىنان ءوتكەرسە دە, ەلدىگىن ساقتاپ قالا ءبىلدى. ال مەملەكەتىمىزدىڭ تاۋەلسىزدىك جىلدارى جەتكەن جەتىستىكتەرى, باعىندىرعان اسۋلارى ەشكىمدى دە تامساندىرماي, تاڭقالدىرماي قويمايدى. وسىنىڭ بارلىعى ەلباسىنىڭ ارقاسى ەكەندىگىنە ەشكىم كۇمان كەلتىرمەيدى. ءبىلىم الامىن, ەڭبەك ەتەمىن دەگەن ادامعا بارلىق جاعداي جاسالعان», دەسە, بىلتىرعى «ەڭ ۇزدىك جاس عالىم» نوميناتسياسىنىڭ يەگەرى, 2-كۋرس ماگيسترانتى ع.پيشەروۆ: «قازاقستان حالقى تاتۋلىق پەن تۇراقتىلىقتىڭ التىن ارقاۋىنا اينالدى. تاعدىر تابىستىرعان, تاريح توعىستىرعان ءتۇرلى وكىلدەر وتانىمىزدى بىرگە كوركەيتۋدە, ءبىر شاڭىراقتىڭ استىندا ۇرپاق وسىرۋدە. ولار تاعدىرىن ەلباسىمەن بايلانىستىرادى», دەدى. الەم جانە وليمپيادا ويىندارىنىڭ كۇمىس جۇلدەگەرى, ۋنيۆەرسيتەتتىڭ اعا وقىتۋشىسى مۇحتارحان ءدىلدابەكوۆ: «بۇل – ەلىمىزدىڭ ەلدىگىن, ۇلتىمىزدىڭ ۇلىلىعىن, حالقىمىزدىڭ بىرلىگىن تانىتار قاسيەت. بۇگىنگى تىلەكتەرىمىزدى, مەملەكەتتىڭ مەرەيلى بولاشاعىن ادالدىقپەن اڭسايتىن, ءوزىن وتانىمىزدىڭ شىن پاتريوتى, شىنايى جاناشىر ازاماتى دەپ ەسەپتەيتىن ءاربىر قازاق جانە ءاربىر قازاقستاندىق قولدايدى دەگەن سەنىمدەمىز. قورعاۋعا تۇرار ەلىمىز, قولداۋعا تۇرار كوشباسشىمىز بار. ەندەشە نەگە وسىنداي جارقىن ىستەردىڭ باستاۋى بولا بىلگەن جاناشىر ەلباسىمىزدى ءبىراۋىزدان قولداماسقا. ءبىز ارقاشان ەلباسىمەن بىرگەمىز», – دەپ ءسوز ساباقتادى. ماجىلىستە شىعىپ سويلەۋشىلەردىڭ ءبارى دە ەلباسىنىڭ وكىلەتتىگىن ۇزارتۋدىڭ قاجەتتىلىگى تۋرالى ويلارىن ءبىلدىردى. باقتيار تايجان, وڭتۇستىك قازاقستان وبلىسى.مادەنيەت قىزمەتكەرلەرى قىزۋ قولداۋدا
پرەزيدەنتتىك مادەنيەت ورتالىعىندا ەلباسى نۇرسۇلتان نازارباەۆتىڭ وكىلەتتىگىن 2020 جىلعا دەيىن ۇزارتۋ تۋرالى رەفەرەندۋم وتكىزۋدى قولداۋ ماقساتىندا اكتسيا بولىپ ءوتتى. اكتسياعا پرەزيدەنتتىك مادەنيەت ورتالىعى, ۇلتتىق مۇراعات, ۇلتتىق كىتاپحانا, التىن جانە باعالى مەتالدار مۋزەيى مەكەمەلەرىنىڭ قىزمەتكەرلەرى, ءمادەنيەت جانە قوعام قايراتكەرلەرى قاتىستى. باسقوسۋدى اشقان پرەزيدەنتتىك مادەنيەت ورتالىعىنىڭ ديرەكتورى, فيلولوگيا عىلىمدارىنىڭ دوكتورى, پروفەسسور مىرزاتاي جولداسبەكوۆ ءتاۋەلسىزدىكتىڭ ەلەڭ-الاڭ شاقتارىندا ەلباسىنىڭ جانىندا بولىپ, ەلىن سۇيگەن, ەلى سۇيگەن ازاماتتىڭ حالقى ءۇشىن تالاي تولعانعان جان كۇيزەلىسىن بىرگە سەزىنگەنىن, قازاقستاننىڭ اينالدىرعان 19 جىلدا بەلگىسىز ەلدەن بەدەلدى مەملەكەتكە اينالۋىنا پرەزيدەنت نۇرسۇلتان نازارباەۆتىڭ سىڭىرگەن ەرلىككە تولى ەرەن ەڭبەگىن اسەرلى اڭگىمەلەپ بەردى. جازۋشى, مەملەكەتتىك سىيلىقتىڭ لاۋرەاتى, «مادەني مۇرا» جۋرنالىنىڭ باس رەداكتورى ءدۇكەنباي دوسجان رەفەرەندۋم وتكىزىپ, پرەزيدەنتتىڭ وكىلەتتىگىن 2020 جىلعا دەيىن ۇزارتۋ بۇگىنگى ۋاقىت تالابىنان تۋىنداپ وتىرعانىن, ەلباسىنىڭ الەم باسشىلارىن اۋزىنا قاراتقان ءمامىلەگەرلىك, الىستى بولجايتىن كورەگەندىك قاسيەتتەرىن ايتا كەلە, ەڭ باستىسى شىعارماشىل تۇلعا ەكەندىگىن باسا ايتتى. تۇركولوگ عالىم, تاريح عىلىمدارىنىڭ دوكتورى, پرەزيدەنتتىك مادەنيەت ورتالىعىنىڭ باس عىلىمي قىزمەتكەرى ايمان دوسىمباەۆا تاۋەلسىزدىك جىلدارىنا دەيىن قازاقستان تاريحىنا جانە تۇركولوگيا عىلىمىنا قاتىستى وقۋلىقتاردىڭ وتە از بولعاندىعىن, بولعان كۇننىڭ وزىندە عىلىمنىڭ ءوزى ساياساتتىڭ قۇرالىنا اينالىپ كەلگەنىن اتاپ ءوتتى. سونداي-اق بۇگىنگى كۇنى اقپارات الماسۋدىڭ اشىقتىعىن, پوستكەڭەستىك ەلدەرىن ايتپاعاندا اقش, جاپونيا, تۇركيا ەلدەرى عالىمدارىمەن ەركىن پىكىر الماساتىن زامانعا جەتىپ وتىرعانىمىزدى ەلباسىنىڭ ەڭبەگىمەن بايلانىستىراتىنىن كوڭىلگە قونىمدى دالەلدەرمەن جەتكىزدى. پرەزيدەنتتىك مادەنيەت ورتالىعى كىتاپحاناسىنىڭ شەتەل ادەبيەتى ءبولىمىنىڭ باستىعى تاتيانا شەۆچەنكو قازاقستان ءبۇگىندە بەيبىتشىلىكتىڭ بەسىگىنە اينالعانىن, ەڭبەك ەتەمىن دەگەن ادامعا ۇلتىنا قاراماي بارلىق جاعدايدىڭ جاسالعانىن, ءوزىنىڭ كوپ بالا ءتاربيەلەپ وتىرعان انا ەكەندىگىن, بالالارى مەن نەمەرەلەرىنىڭ بولاشاعى ءۇشىن قازىرگىدەي قوي ۇستىنە بوزتورعاي جۇمىرتقالايتىن زاماننىڭ جالعاسا بەرگەنىن قالايتىنىن ايتتى. قازاقستاننىڭ ەڭبەك سىڭىرگەن قايراتكەرى, كونتسەرتتىك جانە تەاتر قىزمەتىنىڭ كوركەمدىك جەتەكشىسى ءساۋلەبەك اسىلحان ەلباسىنىڭ, اسىرەسە, ونەر ادامدارىنا دەگەن قامقورلىعىنىڭ ەرەكشە ەكەندىگىن, بۇگىندە استانا ناعىز ونەردىڭ ورداسىنا اينالعانىن, پرەزيدەنتتىك مادەنيەت ورتالىعىنداعى ۇلتتىق داستۇرلەر تەاترىنىڭ دا پرەزيدەنتتىڭ قولداۋىنىڭ ارقاسىندا جەمىستى جۇمىس جاساپ جاتقانىن اتاپ ءوتتى. قازاقستاننىڭ ەڭبەك سىڭىرگەن قايراتكەرى, پرەزيدەنتتىك مادەنيەت ورتالىعى ۇلتتىق ءداستۇرلەر تەاترىنىڭ ءانشىسى گۇلزيرا بوكەيحانقىزى قازاقستان ءوز تاۋەلسىزدىگىن العاندا شەتتە ءجۇرگەن قانداستاردىڭ قاتارىندا جۇرەگى جارىلا قۋانىپ, العاشقى لەكپەن اتاجۇرتقا كەلگەنىن جانە ونەرىمەن ءوز حالقىنىڭ قۇرمەتىنە بولەنگەنىن ايتتى. اكتسيا قورىتىندىسىندا قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ وكىلەتتىلىك مەرزىمىن 2020 جىلعا دەيىن ۇزارتۋدى ءبىر اۋىزدان قولداۋ جونىندە شەشىم قابىلداندى. «ەگەمەن-اقپارات».الاڭسىز جۇمىس ىستەۋگە كەپىلدىك
«اتامەكەن» وداعى» قازاقستاننىڭ ۇلتتىق ەكونوميكالىق پالاتاسى دەموكراتيالىق كۇشتەردىڭ «قازاقستان-2020» جالپىۇلتتىق كواليتسياسىنا كىرەدى. وسى جايىندا كەشە ۇلتتىق باسپاسوز-ورتالىعىندا وتكەن ءباسپاسوز ءماسليحاتىندا ا.پەرۋاشەۆ ءمالىم ەتتى. نۇرسۇلتان نازارباەۆتىڭ ءبىزدىڭ جۇمىسىمىزدى تەرەڭ ءتۇسىنۋىنىڭ ارقاسىندا جۇزدەگەن مىڭ ازامات ءوز ءىسىن باستاۋعا, ءوزىنىڭ جوبالارى مەن ويلارىن جۇزەگە اسىرۋ مۇمكىندىكتەرىن پايدالانا الدى. كاسىپكەرلەر, ورتا تاپ كەز كەلگەن مەملەكەتتىڭ تىرەۋى دەپ تەگىن سانالمايدى. بۇل ادامدار ءوز جەتىستىكتەرىمەن ماقتانا الادى جانە نەنى كوزىنىڭ قاراشىعىنداي قورعايتىندىعىن بىلەدى. سوندىقتان دا رەفەرەندۋم كەزەكتى ونجىلدىقتا الاڭسىز جۇمىس ىستەۋگە كەپىل بولا الادى. «قاراپايىم ادامدار پرەزيدەنتتىك نازارباەۆقا ەمەس, بىزگە, ءبىزدىڭ ەلىمىز بەن ءبىزدىڭ ازاماتتارىمىزعا پرەزيدەنت نازارباەۆتىڭ قاجەت ەكەندىگىن جاقسى تۇسىنەدى», – دەيدى كاسىپكەرلەر. ءباسپاسوز ءماسليحاتىنا «اتامەكەن» باسشىلىعىمەن قاتار, ماشينە جاساۋشىلار وداعى باسقارماسىنىڭ توراعاسى مەيرام پىشەمباەۆ, استىق وداعىنىڭ پرەزيدەنتى نۇرلان تىلەۋباەۆ جانە قارجى جانە سالىق كەڭەسشىلەرى پالاتاسىنىڭ ءتورايىمى ەكاتەرينا نيكيتينسكايا, قازاقستان ەلەكتر-ەنەرگەتيكالىق قاۋىمداستىعىنىڭ توراعاسى شايمەردەن ورازالينوۆ, تاۋ-كەن ءوندىرىسى مەن مەتاللۋرگيا كاسىپورىندارى قاۋىمداستىعىنىڭ اتقارۋشى ديرەكتورى تولەگەن مۇقانوۆ, فەرمەرلەر وداعىنىڭ ۆيتسە-پرەزيدەنتى اقجول ابدۋكاليموۆ, قۇرىلىسشىلار وداعىنىڭ اتقارۋشى ديرەكتورى التىناي قۇسبەكوۆا, قازاقستان حيميا ونەركاسىبى وداعىنىڭ اتقارۋشى ديرەكتورى دىنمۇحامەت ابسەمەتوۆ, ەت وداعىنىڭ اتقارۋشى ديرەكتورى ءابجاپار يسا جانە باسقالار قاتىستى, دەپ حابارلادى «اتامەكەن» وداعى» ۇەپ ءباسپاسوز قىزمەتى.قورىتىندى حاتتاما بەكىتىلدى
ورتالىق سايلاۋ كوميسسياسى ەلىمىزدىڭ رەسپۋبليكالىق رەفەرەندۋمعا قاتىسۋ قۇقىعى بار, ونى تاعايىنداۋ تۋرالى باستاماشىلىق بىلدىرگەن ەلىمىزدىڭ ازاماتتارى قولدارىنىڭ راستىعىن تەكسەرۋ ناتيجەلەرى تۋرالى قورىتىندى حاتتامانى بەكىتتى. شاراعا ورتالىق سايلاۋ كوميسسياسىنىڭ ءتوراعاسى قۋاندىق تۇرعانقۇلوۆ قاتىستى. ونىڭ ايتۋىنشا, ەلباسىنىڭ وكىلەتتىگىن ۇزارتۋ جونىندەگى رەفەرەندۋمدى قولداعان 5 ملن. 16 مىڭ قول جينالعان. – زاڭناماعا سايكەس, رەفەرەندۋمدى تاعايىنداۋ تۋرالى ماسەلەگە باستاماشىلىق ەتۋ ءۇشىن باستاماشى توپ مۇشەلەرى بارلىق وبلىستاردى, استانا مەن الماتى قالالارىن تەڭ ءمولشەردە بىلدىرەتىن كەمىندە 200 مىڭ ازاماتتىڭ قولىن جيناۋعا ءتيىس بولاتىن. ياعني, ءار وڭىردەن 12,5 مىڭ قول جينالۋى قاجەت بولاتىن. زاڭنىڭ بۇل نورماسى تولىعىمەن ورىندالدى. ايماقتىق سايلاۋ كوميسسيالارىنىڭ ادىلەت ورگاندارىمەن بىرلەسىپ وتكىزگەن تەكسەرىس ءناتيجەسىندە قولداردىڭ ءتيىستى سانى راستالىپ وتىر, – دەدى وسك توراعاسى. 13 قاڭتارداعى جاعداي بويىنشا, وسك-گە بارلىق وبلىستار مەن استانا جانە الماتى قالالارىنىڭ سايلاۋ كوميسسيالارىنان قولداردى تەكسەرۋ ءناتيجەلەرى تۋرالى حاتتامالار كەلىپ ءتۇسىپتى. «رەسپۋبليكالىق رەفەرەندۋم ءوتكىزۋ تۋرالى باستامانى قولداپ بارلىعى 5 ملن. 16 مىڭ قول جينالعان. بۇل رەفەرەندۋمعا قاتىسۋ قۇقىعى بار ازاماتتاردىڭ 55,2 پايىزى», – دەدى ق.تۇرعانقۇلوۆ. تاعى ءبىر اتاپ وتەرلىگى, اۋماقتىق سايلاۋ كوميسسيالارى تەكسەرىس ناتيجەسىندە ازاماتتاردىڭ 194 جارامسىز قولىن انىقتاعان. جارامسىز دەپ تانۋدىڭ نەگىزگى سەبەپتەرى: ءوزىنىڭ قولىن قويعان ازاماتتىڭ تىركەلۋ ورنىنىڭ قول جيناۋ جۇرگىزىلگەن وڭىرمەن سايكەس كەلمەۋى, ازاماتتار تۋرالى ءمالىمەتتەردى تولتىرۋ بارىسىندا جول بەرىلگەن تەحنيكالىق قاتەلەر, قايتالانعان قولداردىڭ بولۋى, ياعني ءبىر ازامات قولىنىڭ بىرنەشە قول قويۋ پاراقتارىنا قويىلۋى, رەفەرەندۋمعا قاتىسۋ قۇقىعى جوق ازاماتتاردىڭ قولىنىڭ بولۋى (بۇل نەگىزىنەن جاسى 18-گە جەتپەگەن تۇلعالاردىڭ قولدارى), ءبىر ازاماتتىڭ بارلىق وتباسى مۇشەلەرى ءۇشىن قول قويۋى. بۇعان قوسا, «رەسپۋبليكالىق رەفەرەندۋم تۋرالى» كونستيتۋتسيالىق زاڭ تالاپتارىن بۇزا وتىرىپ تولتىرىلعان قول قويۋ پاراقتارى جارامسىز دەپ تانىلعان. «دەگەنمەن, قولداردى جيناۋ بويىنشا جۇمىستى ۇيىمداستىرۋداعى بىرقاتار كەمشىلىكتەرگە قاراماستان, رەفەرەندۋم وتكىزۋ تۋرالى باستاماشىلىقتى زاڭمەن كوزدەلگەننەن الدەقايدا كوپ ازاماتتار قولدادى», – دەدى قورىتىندى ءسوزىندە وسك توراعاسى. ەندى «رەسپۋبليكالىق رەفەرەندۋم تۋرالى» كونستيتۋتسيالىق زاڭنىڭ 16-بابى 2-تارماعىنا سايكەس, قورىتىندى حاتتاما قازاقستان رەسپۋبليكاسى پرەزيدەنتىنە جولداناتىن بولادى. ءلايلا ەدىلقىزى.