مەملەكەت باسشىسى نۇرسۇلتان نازارباەۆ VI شاقىرىلىمداعى پارلامەنت ماجىلىسىنە «نۇر وتان» پارتياسىنان سايلانعان دەپۋتاتتارمەن كەزدەستى, دەپ حابارلادى پرەزيدەنتتىڭ ءباسپاسوز قىزمەتى.
كەزدەسۋ بارىسىندا ەلباسى دەپۋتاتتاردى سايلانۋلارىمەن قۇتتىقتاپ, جۇمىستارىنىڭ تابىستى بولۋىنا تىلەكتەستىگىن ءبىلدىردى.
نۇرسۇلتان نازارباەۆ قازاقستاندىقتار «نۇر وتان» پارتياسىنا ءماجىلىس قانا ەمەس, بارلىق دەڭگەيدەگى ءماسليحاتتار سايلاۋىندا دا قولداۋ كورسەتكەنىن اتاپ ءوتتى.
قازاقستان پرەزيدەنتى سايلاۋالدى تۇعىرناماداعى ماقساتتارعا جەتۋ ءۇشىن پارتيانىڭ ءاربىر مۇشەسىنە زور جاۋاپكەرشىلىك جۇكتەلەتىنىن ايتتى.
– ءبىز «نۇر وتاننىڭ» ارقاشان دا ناقتى ىستەر پارتياسى ەكەنىن دالەلدەي الاتىنىمىزعا سەنىمدىمىن. سوندىقتان, پارلامەنت, ۇكىمەت جانە ۇلتتىق جاڭعىرتۋ جونىندەگى كوميسسيا ناقتى ءارى ۇيلەسىمدى جۇمىس ىستەۋى قاجەت. ءبىز قويىلعان مىندەتتەردى تۇتاستىق پەن ءوزارا تۇسىنىستىك ارقىلى عانا شەشەتىن بولامىز. ءبىزدىڭ بارلىق رەفورمالارىمىزدىڭ تابىستىلىعى وسىعان بايلانىستى. داعدارىس كەزەڭى – تىڭ وزگەرىستەر جاسايتىن كەز. ءبىز ەشتەڭەگە قاراماستان, وسىنى قولعا الدىق. سوندىقتان, سىزدەرگە ءبىرىنشى كۇننەن-اق بۇل جۇمىسقا كىرىسۋ كەرەك بولادى, – دەدى قازاقستان پرەزيدەنتى.
كەزدەسۋ بارىسىندا «نۇر وتان» پارتياسىنىڭ پارلامەنتتەگى فراكتسياسىنىڭ مۇشەلەرى گ.ششەگەلسكي, م.ايسينا جانە ب.ماكەن ءسوز سويلەدى.
سۋرەتتەردى تۇسىرگەندەر
س.بوندارەنكو, ب.وتارباەۆ.