قاشاندا قوعامدىق-ساياسي ءومىردىڭ بەل ورتاسىنان تابىلاتىن تەمىرتاۋلىقتاردىڭ بۇگىندە ەل تىنىس-تىرشىلىگىندەگى بەلسەندىلىكتەرى دە ەرەكشە. بۇل رەتتە جۇرتتى جاسامپاز ىستەرگە جۇمىلدىرۋدا «نۇر وتان» حدپ قالالىق فيليالىنىڭ ىقپالى زور. ول وسى كۇندە 7 مىڭنان استام ازاماتتى قاتارىنا قامتىعان وبلىستاعى ءىرى ۇيىمداردىڭ ءبىرى سانالادى. ولاردىڭ اراسىنان سايلانعان دەلەگاتتار كەزەكتى ەسەپ بەرۋ-سايلاۋ كونفەرەنتسياسىندا الدا تۇرعان مىندەتتەردى بىرگە تالقىلادى.
ءسوز سويلەۋشىلەر اتاپ ءوتكەندەي, قالادا پارتيا بەدەلى جىلدان جىلعا نىعايىپ كەلەدى. بىلتىر «نۇر وتانعا» 192 ادامنىڭ ءوز ەركىمەن مۇشە بولۋى – سونىڭ جارقىن ايعاعى.فيليال بىرىكتىرگەن 15 باستاۋىش ۇيىم پارتيالىق باعدارلامالاردى ىسكە اسىرۋدىڭ ۇيىتقىسى بولىپ وتىر. بارشا قازاقستاندىقتارداي, تەمىرتاۋلىق نۇروتاندىقتار دا قازاقستان رەسپۋبليكاسىنىڭ تۇڭعىش پرەزيدەنتى ن.ا.نازارباەۆتىڭ مەملەكەتىمىزدى باسقارۋداعى وكىلەتتىگىن ۇزارتۋعا ءبىراۋىزدان قولداۋ كورسەتۋدە.
كونفەرەنتسيادا «نۇر وتان» حدپ توراعاسىنىڭ ءبىرىنشى ورىنباسارى نۇرلان نىعماتۋلين ءسوز الىپ, ەسەپ بەرۋ-سايلاۋ جينالىستارىنىڭ ءبىرىنشى كەزەڭى اياقتالعانىن, ونىڭ 6 مىڭ باستاۋىش پارتيا ۇيىمدارىندا ۇلكەن بەلسەندىلىكپەن وتكەنىن ايتتى. بۇل جيىنداردا پارتيانىڭ 2020 جىلعا دەيىنگى باعدارلاماسى جوباسى كەڭىنەن تالقىلانعانى اتالدى. اقپان ايىندا بولاتىن سەزدە قابىلداناتىن جاڭا باعدارلاما «نۇر وتاننىڭ» ءىس-قىزمەتىنە تىڭ سەرپىن بەرەدى.
جينالىستا قالالىق فيليال ۇيىمىنىڭ ءىس-شارالارى بەلگىلەندى.
ايقىن نەسىپباي, تەمىرتاۋ.