الماتى. 17 ناۋرىز. قىتاي جاڭا ەكونوميكالىق ترانسفورماتسيانى ىلگەرىلەتۋ مەن جاڭا قوزعاۋشى كۇشتىڭ قۋاتىن ارتتىرۋ ءۇشىن «جاڭا ەكونوميكالىق» تۇجىرىمداما جاسادى. بۇكىلقىتايلىق حالىقتار وكىلدەرىنىڭ (بقحو) ءحىى شاقىرىلعان سەسسياسىنىڭ اياقتالۋىنا وراي ءباسپاسوز ءماسليحاتىن وتكىزگەن قىتاي حالىق رەسپۋبليكاسى مەملەكەتتىك كەڭەسىنىڭ پرەمەرى لي كەتسيان وسىلاي مالىمدەدى. بۇل تۋرالى «سينحۋا» اگەنتتىگىنە سىلتەمە جاساعان egemen.kz ءتىلشىسى حابارلادى.
ساياساتكەر ءوز سوزىندە «جاڭا ەكونوميكا» تۇجىرىمداماسىندا قىزمەت كورسەتۋ يندۋسترياسى مەن ەلەكتروندى كوممەرتسيادان, ينتەرنەتتەن تىس ونەركاسىپ پەن اۋىلشارۋاشىلىعى سالاسىن مەيلىنشە نىعايتۋ كوزدەلگەنىن ەرەكشە اتاپ ءوتتى.
ەسكىرگەن وندىرىستىك قۋاتتاردى جاڭالاپ, جاڭا جۇمىس ورنىن اشۋ – باسى ارتىق وندىرىستىك قۋات كوزدەرىن قىسقارتۋعا توتە جول اشادى.
«ەگەر حالىق بۇرىنعىدان دا بەلسەندىلىك تانىتىپ, جىگەرلى ءىس-قيمىل ءۇردىسىن ۇدەتسە, قىتاي ەكونوميكالىق قۇلدىراۋ قىسىمىنان وڭاي قۇتىلادى, سول ارقىلى ەكونوميكالىق ترانسفورماتسيانى العا جىلجىتادى دەگەن سەنىمدەمىن», – دەدى لي كەتسيان تىلشىلەرگە بەرگەن سۇحباتىندا.
تالعات ءسۇيىنباي.
دەرەك, سۋرەت: «سينحۋا».