الماتى. 15 ناۋرىز. قالانىڭ 1000 جىلدىعىنا وراي «1000 قايىرىمدى ءىس» جوباسىنىڭ اياسىندا «كەرەمەت» ستۋدەنتتەرگە قىزمەت كورسەتۋ ورتالىعى اشىلدى. بۇل تۋرالى ءال-فارابي اتىنداعى قازاق ۇلتتىق ۋنيۆەرسيتەتىنىڭ ءباسپاسوز قىزمەتىنە سىلتەمە جاساعان egemen.kz ءتىلىشىسى حابارلادى.
ورتالىقتىڭ ىشىندە سۇلۋلىق سالونى, كىر جۋاتىن ورىن, كىتاپ دۇكەنى, فوتوستۋديا, مەديتسينالىق ورىندار, ستۋدەنتتىك كافە, ءدارىحانا, تىگىن بولمەسى, سونداي-اق, اياق كيىم شەبەرحاناسى دا جۇمىس ىستەيدى. ورتالىق ەلباسى ن.ءا. نازارباەۆتىڭ «باقۋاتتى قوعام قۇرۋ» تۇجىرىمداماسىن نەگىزگە الا وتىرىپ جۇزەگە استى.
جاڭا عيمارات مەملەكەتتىك-جەكەمەنشىك ارىپتەستىك نەگىزىندە سالىنعان. وتكەن جىلى وسىنداي تاسىلمەن جاڭا كىتاپحانا عيماراتى پايدالانۋعا بەرىلسە, الداعى جىلى باسساەيندەر دە ىسكە قوسىلاتىن بولادى.
تالعات ءسۇيىنباي.
دەرەك, سۋرەت: ءال-فارابي اتىنداعى قازاق ۇلتتىق ۋنيۆەرسيتەتىنىڭ ءباسپاسوز قىزمەتى.