استانا. 15 ناۋرىز. قىتايدىڭ شىڭجاڭ-ۇيعىر اۆتونوميالىق ولكەسىنە قاراستى ءۇرىمشى قالاسىندا 25 جاستاعى قازاقستان ازاماتى ەربول سۋحانوۆ ءوز-وزىنە قول جۇمساپ, قازا تاپتى. ول سول قالاداعى «ادەمى» ءدامحاناسىندا كاسسير بولىپ جۇمىس ىستەگەن. بۇل تۋرالى zakon.kz-كە سىلتەمە جاساعان egemen.kz ءتىلشىسى حابارلادى.
«ادەمى» ءدامحاناسىنىڭ يەلەرى ەربول سۋحانوۆتىڭ قازاسى تۋرالى اقپاراتتى ءبىرىنشى بولىپ پوليتسيا حابارلاعان. ولاردىڭ ايتۋىنشا, ەربول كەشە, 14 ناۋرىز كۇنى ساعات 8.00 شاماسىندا ءوزى تۇرىپ جاتقان قوناقۇيدىڭ اۋلاسىندا وزىنە-ءوزى قول سالعان. سونداي-اق, ءدامحانا يەلەرى قابىل شالقار مەن بولات جاقىپوۆ ونىڭ 100 مىڭ دوللاردى ۇرلاعانىن انىقتاعانىن, بۇل جايت بەينەباقىلاۋ تاسپاسىنداعى جازبامەن راستالعانىن مالىمدەگەن. قازىرگى تاڭدا ءتارتىپ ساقشىلارى ەربول سۋحانوۆقا قاتىستى زورلىق-زومبىلىق ارەكەتتەرىنىڭ ورىن الماعانىن انىقتادى. دەسە دە, تەرگەۋ امالدارى جۇرگىزىلۋدە.
ايتا كەتەيىك, قازا تاپقان ازاماتتىڭ اتا-اناسى ءۇرىمشى قالاسىنا بارىپ, ۇلىنىڭ دەنەسىن الىپ كەتۋ ءۇشىن قۇجاتتاردى راسىمدەۋدە.
تالعات رايىمبەك.
دەرەك: zakon.kz.
سۋرەت: kursiv.kz.