ازيادا ايشىقتارى

ازياداعا 18 كۇن قالدى

استانا قالاسىنداعى «MEGA As­ta­na» ساۋدا ويىن-ساۋىق ورتالىعىندا ازيادانىڭ كىشكەنتاي ارۋى مەن كىشكەنتاي سۇلتانى سۇلۋلىق بايقاۋى ءوتتى. وعان قاتىسۋ ءۇشىن 100 ۇمىتكەردەن 25 ۇزدىك قاتىسۋشى ىرىكتەلىپ الىندى. 4 جاستان 12 جاسقا دەيىنگى بايقاۋدىڭ قا­تى­سۋ­شى­لارى ءۇش اي بويى دەفيلە نەگىزدەرى مەن اكتەرلىك شەبەرلىكتى مەڭگەردى. ساحنادا ولار وزدەرىنىڭ بي, ۆوكالدىق ءمۇم­كىن­دىكتەرىن جانە كەشتەرگە كيەتىن كيىمدەرىن كورسەتتى. قازىلار القاسى مۇشەلەرىنىڭ تاڭداۋ قورىتىندىسى بويىنشا 5 جاسار نۇراي سۇلتان ازيادانىڭ كىشكەنتاي ارۋى اتانسا, ازيادانىڭ كىشكەنتاي سۇلتانى اتا­عى­نا 12 جاسار ءسۇلتانالى نۇرمانوۆ يە بول­دى. ال ازيادانىڭ بالعىن ارۋى نومي­نا­تسيا­سىنا 8 جاسار كارينا مىر­زابەكوۆا تاڭ­داپ الىندى. بايقاۋدىڭ جەڭىمپاز­دا­رى­نا ازيادانىڭ ۇيىم­داس­تىرۋ كومي­تە­تىنىڭ, «ADIDAS», «MEGA Astana» سوو اتىنان كادەسىيلارمەن «يميدج ستۋدي بلاگورودنىح دەۆيتس» اتى­نان 600 مىڭ تەڭگە سومانىڭ سەرتيفيكاتى تابىس ەتىلدى. *  *  * تاياۋدا وزبەكستاندا ازياداعا ار­نال­­عان «VII قىسقى ازيا ويىندارى. اس­تانا – الماتى» اتتى ارنايى ەكى جاڭا پوشتا ماركاسى اينالىمعا ەنگىزىلدى. مانەرلەپ سىرعاناۋ مەن فريستايلعا ارنالعان قوس ماركانىڭ بىرىندە مۇزداعى مانەرلەپ بيلەۋ كورىنىسى بەينەلەنسە, ەكىنشىسىندە فريستايل سپورت ءتۇرىنىڭ ۇزدىك بەينەسى سالىنعان. ماركالاردىڭ وڭ جاقتاعى جوعارعى بۇرىشىندا ازيادا ەمبلەماسى مەن «7-Qishki osiyo o`yinlari (Astana – Alma-Ata)» دەپ جازىلعان. *  *  * ازيادا كۇندەرى جانكۇيەرلەردى قوسا ەسەپتەگەندە استاناعا شەتەلدەن 12 مىڭ­نان استام قوناق كەلەدى دەپ كۇتىلۋدە. ولار­دى قالانىڭ 34 قوناق ۇيىنە ورنالاستىرۋ جوسپارلانۋدا. وسىعان بايلانىستى قالا اكىمدىگى بارلىق قوناق ءۇيدى پاسپورتتاندىرۋدان وتكىزدى. جانكۇيەرلەردى ورنالاستىرۋعا بولاتىن قوسىمشا مەيمانحانالار انىق­تالىپ, سپورت نىسان­دا­رىندا  سپورت­شىلار مەن كورەرمەندەردى تاماق­تاندىرۋ ماسە­لە­سى پىسىقتالدى. ولارمەن جۇمىس ىستەۋ ءۇشىن مىڭ ەرىكتى تارتىلدى. جالپى, ازياداعا 2239 ادام كەلەدى دەپ جوسپارلانۋدا. ونىڭ ىشىندە 836 سپورتشىلار, جاتتىقتىرۋشىلار, تورەشىلەر, دارىگەرلەر مەن 403 رەسمي لاۋازىم يەلەرى جانە باسقا قۇرمەتتى قوناقتار بار. مىڭ ادام شەتەلدىك جانە وتاندىق باق وكىلدەرى بولادى. سونىمەن بىرگە ءار ەلدەن كوپتەگەن جانكۇيەرلەر كەلەدى دەلىنۋدە. «ەگەمەن-اقپارات».