2015 جىلعى 30 قاراشا, استانا قالاسى
ەڭبەككە ۋاقىتشا قابىلەتسىزدىك بويىنشا الەۋمەتتىك جاردەماقىنى تاعايىنداۋ جانە تولەۋ قاعيدالارىن بەكىتۋ تۋرالى
2015 جىلعى 23 قاراشاداعى قازاقستان رەسپۋبليكاسى ەڭبەك كودەكسىنىڭ 16-بابى 32) تارماقشاسىنا جانە 133-بابى 5-تارماعىنا سايكەس بۇيىرامىن:
1. قوسا بەرiلiپ وتىرعان ەڭبەككە ۋاقىتشا قابىلەتسىزدىك بويىنشا الەۋمەتتىك جاردەماقىنى تاعايىنداۋ جانە تولەۋ قاعيدالارى بەكiتiلسiن.
2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ەڭبەك جانە الەۋمەتتىك ارىپتەستىك دەپارتامەنتى زاڭنامادا بەلگiلەنگەن تارتiپپەن:
1) وسى بۇيرىقتى قازاقستان رەسپۋبليكاسى ادiلەت مينيسترلiگiندە مەملەكەتتiك تiركەۋدi;
2) وسى بۇيرىق مەملەكەتتiك تiركەلگەننەن كەيىن كۇنتiزبەلiك ون كۇن iشiندە ونى مەرزiمدi باسپا باسىلىمدارىندا جانە «ادiلەت» قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ اقپاراتتىق-قۇقىقتىق جۇيەسiندە رەسمي جاريالاۋعا جiبەرۋدi;
3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىنا ورنالاستىرۋدى;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسiن.
3. «ەڭبەككە ۋاقىتشا جارامسىزدىعى بويىنشا الەۋمەتتىك جاردەماقىنى تاعايىنداۋ جانە تولەۋ قاعيدالارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 30 ناۋرىزداعى № 176 بۇيرىعىنىڭ (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10810 بولىپ تىركەلگەن, 2015 جىلعى 5 مامىردا «ادىلەت» اقپاراتتىق-قۇقىقتىق جۇيەسىندە جاريالانعان) كۇشى جويىلدى دەپ تانىلسىن.
4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ جاۋاپتى حاتشىسى ا.د. قۇرمانعاليەۆاعا جۇكتەلسىن.
5. وسى بۇيرىق 2016 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس.
قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت.دۇيسەنوۆا.
كەلىسىلدى
قازاقستان رەسپۋبليكاسى سىرتقى ىستەر ءمينيسترىنىڭ
مىندەتىن اتقارۋشى _______________ ا. ۆولكوۆ
2015 جىلعى 3 جەلتوقسان
قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ
2015 جىلعى 30 قاراشاداعى № 907 بۇيرىعىمەن بەكىتىلگەن
ەڭبەككە ۋاقىتشا قابىلەتسىزدىك بويىنشا الەۋمەتتىك جاردەماقىنى تاعايىنداۋ
جانە تولەۋ قاعيدالارى
1. وسى ەڭبەككە ۋاقىتشا قابىلەتسىزدىك بويىنشا الەۋمەتتىك جاردەماقىنى تاعايىنداۋ جانە تولەۋ قاعيدالارى (بۇدان ءارى – قاعيدالار) 2015 جىلعى 23 قاراشاداعى قازاقستان رەسپۋبليكاسى ەڭبەك كودەكسىنىڭ (بۇدان ءارى – كودەكس) 16-بابى 32) تارماقشاسىنا جانە 133-بابى 5-تارماعىنا سايكەس ازىرلەندى جانە جۇمىس بەرۋشىنىڭ قاراجاتى ەسەبىنەن ەڭبەككە ۋاقىتشا قابىلەتسىزدىك بويىنشا الەۋمەتتىك جاردەماقى (بۇدان ءارى – جاردەماقى) تاعايىنداۋدىڭ جانە تولەۋدىڭ ءتارتىبىن ايقىندايدى.
2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 31 ناۋرىزداعى №183 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10964 بولىپ تىركەلگەن) بەكىتىلگەن ەڭبەككە ۋاقىتشا قابىلەتسىزدىككە ساراپتاما جۇرگىزۋ, ەڭبەككە ۋاقىتشا قابىلەتسىزدىك پاراعىن جانە انىقتاماسىن بەرۋ قاعيدالارىنا سايكەس بەرىلەتىن ەڭبەككە ۋاقىتشا قابىلەتسىزدىك پاراعى, ال ول جوعالعان كەزدە – تەلنۇسقاسى جاردەماقىنى تاعايىنداۋ جانە تولەۋ ءۇشىن نەگىزدەمە بولىپ تابىلادى.
بولعان ەلدىڭ ەرەجەلەرىنە سايكەس رەسىمدەلگەن ناۋقاستانۋ, جاراقاتتانۋ سالدارىنان ەڭبەككە ۋاقىتشا قابىلەتسىزدىكتىڭ تۋىنداۋ فاكتىسىن راستايتىن قۇجات شەتەلدە بولعان كەزەڭىندە ديپلوماتيالىق قىزمەت پەرسونالىنا جاردەماقىنى تاعايىنداۋ جانە تولەۋ ءۇشىن نەگىزدەمە بولىپ تابىلادى.
3. جۇمىسكەردىڭ ەڭبەككە ۋاقىتشا قابىلەتسىزدىگى ەڭبەك جاراقاتى نەمەسە كاسىپتىك اۋرۋى سالدارىنان تۋىنداعان كەزدە جاردەماقى كودەكستىڭ 190-بابى 1-تارماعىنا سايكەس وندىرىستەگى جازاتايىم وقيعا تۋرالى اكتى بولعان كەزدە تاعايىندالادى جانە ەڭبەككە قابىلەتسىزدىك باستالعان العاشقى كۇننەن باستاپ جۇمىسقا شىققانعا نەمەسە مۇگەدەكتىك بەلگىلەنگەنگە دەيىن تولەنەدى.
4. جاردەماقى ەڭبەككە ۋاقىتشا قابىلەتسىزدىك پاراعىندا بەلگىلەنگەن مەرزىمگە جۇمىس ىستەيتىن ورنى بويىنشا تولەنەدى.
ەگەر ادام بىرنەشە جۇمىس بەرۋشىدە جۇمىس ىستەيتىن بولسا, جاردەماقى ءاربىر جۇمىس ورنى بويىنشا تاعايىندالادى جانە تولەنەدى.
5. ەڭبەك شارتى بۇعان زاڭدى نەگىزسىز توقتاتىلعاننان كەيىن جۇمىسكەردى جۇمىسقا قايتا العان جاعدايدا, جاردەماقى جۇمىسقا شىققان كۇنىنەن باستاپ تولەنەدى.
6. جۇمىسكەر جۇمىستان شەتتەتىلگەن كەزەڭدە ەڭبەككە ۋاقىتشا قابىلەتسىزدىك تۋىنداعان كەزدە, كودەكستىڭ 48-بابىنىڭ 4-تارماعىنا سايكەس جاردەماقى تولەنبەيدى. ەگەر ەڭبەككە ۋاقىتشا قابىلەتسىزدىك جۇمىسقا جىبەرىلگەننەن كەيىن دە جالعاساتىن بولسا, جاردەماقى جۇمىسكەر جۇمىسقا جىبەرىلگەن كۇننەن باستاپ تولەنەدى. جۇمىس بەرۋشى جۇمىسكەردى جۇمىستان زاڭسىز شەتتەتكەن جاعدايدا ونىڭ جاردەماقىسى ساقتالادى.
7. كودەكستىڭ 133-بابى 4-تارماعىنا سايكەس جاردەماقى:
1) زاڭدى كۇشىنە ەنگەن سوت ۇكىمىمەن كىنالى ەكەندىگى انىقتالعان جاعدايدا, ءوزىنىڭ قىلمىستىق قۇقىق بۇزۋشىلىق جاساۋ كەزىندە العان جاراقاتتارىنىڭ سالدارىنان ەڭبەككە ۋاقىتشا قابىلەتسىزدىگى تۋىنداعان جۇمىسكەرگە;
2) سوتتىڭ ۇيعارىمى بويىنشا جۇمىسكەردى ماجبۇرلەپ ەمدەگەن (پسيحيكالىق ناۋقاستاردان باسقا) ۋاقىت ءۇشىن;
3) زاڭدى كۇشىنە ەنگەن سوت ۇكىمىمەن نەمەسە قاۋلىسىمەن جۇمىسكەردىڭ كىنالى ەكەنى انىقتالعان جاعدايدا, ول قاماۋدا بولعان ۋاقىت ءۇشىن جانە سوت-مەديتسينالىق ساراپتاما جاسالعان ۋاقىت ءۇشىن;
4) جۇمىسكەر الكوگولدى, ەسىرتكىنى جانە ۋىتقۇمارلىق زاتتاردى پايدالانۋى سالدارىنان تۋىنداعان اۋرۋلاردان نەمەسە جاراقاتتاردان ەڭبەككە ۋاقىتشا قابىلەتسىز بولعان كەزدە;
5) جىل سايىنعى اقى تولەنەتىن ەڭبەك دەمالىسىمەن سايكەس كەلەتىن ەڭبەككە ۋاقىتشا قابىلەتسىزدىك كۇندەرى ءۇشىن تولەنبەيدى.
ەگەر ەڭبەككە قابىلەتسىزدىك دەمالىس اياقتالعاننان كەيىن دە جالعاساتىن بولسا, وندا جاردەماقى جۇمىسكەر جۇمىسقا كىرىسكەن كۇننەن باستاپ بەرىلەدى.
8. نەگىزگى جۇمىس ورنىنداعى جالاقىسى تولىق نەمەسە ءىشىنارا ساقتالا وتىرىپ, باسقا ۇيىمعا جۇمىس ىستەۋگە جىبەرىلگەن, ماۋسىمدىق جۇمىس ىستەيتىن جۇمىسكەرلەرگە, ءۇي جۇمىسكەرلەرىنە جانە ۇيدە جۇمىس ىستەيتىن جۇمىسكەرلەرگە, كادرلاردى دايارلاۋ, قايتا دايارلاۋ جانە ولاردىڭ بىلىكتىلىگىن ارتتىرۋ كۋرستارىنىڭ تىڭداۋشىلارىنا, ەگەر ولاردى كۋرسقا جۇمىس بەرۋشى جىبەرگەن جانە وقۋ كەزەڭىندە ولاردىڭ جالاقىسى ساقتالعان بولسا, وسى كەزەڭدە بولاتىن جاردەماقى ولاردىڭ جۇمىس ورنى بويىنشا تولەنەدى.
9. جۇمىسكەردى پروتەزدىك-ورتوپەديالىق ۇيىمنىڭ ستاتسيونارىنا جاتقىزعان كەزدە جاردەماقى ستاتسيوناردا بولعان بارلىق ۋاقىتىنا جانە ستاتسيونارعا بارۋعا جانە كەرى قايتۋعا كەتكەن ۋاقىتىنا دا تولەنەدى.
10. جۇمىسكەر ەڭبەككە ۋاقىتشا قابىلەتسىزدىك پاراعىن جۇمىس بەرۋشىگە ەڭبەككە ۋاقىتشا قابىلەتسىزدىك پاراعىندا بەلگىلەنگەن جۇمىسقا شىعاتىن كۇنى نە ول اياقتالعانعا دەيىن ۇسىنادى.
11. جاردەماقى تولەۋ ءۇشىن ۇسىنىلعان ەڭبەككە ۋاقىتشا قابىلەتسىزدىك پاراقتارى جۇمىس بەرۋشىنىڭ بۋحگالتەرياسىنا تاپسىرىلادى.
12. جاردەماقى قازاقستان رەسپۋبليكاسىنىڭ ەڭبەك زاڭناماسىندا جالاقى تولەۋ ءۇشىن بەلگىلەنگەن مەرزىمدەردە تولەنەدى.
13. جۇمىسكەردىڭ ءوتىنىشى بويىنشا جاردەماقى, جاردەماقىنى الۋعا ءتيىستى سەنىمحاتتى ۇسىنعان سەنىمدى ادامعا نەمەسە قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن زاڭدى وكىلىنە بەرىلەدى.
14. ديپلوماتيالىق قىزمەت پەرسونالى شەتەلدە بولعان كەزەڭىندە ەڭبەككە ۋاقىتشا قابىلەتسىزدىك پاراعىمەن راستالعان ناۋقاستانۋ, جاراقاتتانۋ فاكتىسى بولعان جاعدايدا كودەكستىڭ 15-بابى 2) تارماقشاسىنا سايكەس قازاقستان رەسپۋبليكاسىنىڭ ۇكىمەتى ايقىنداعان مولشەرلەردە:
ۇلتتىق ۆاليۋتادا – ەڭبەككە ۋاقىتشا قابىلەتسىز ۋاقىتىنا;
شەتەلدىك ۆاليۋتادا – ەكى ايدان اسپايتىن مەرزىمگە جاردەماقى الادى.
ەگەر اۋرۋى ەكى ايدان ارتىق ۋاقىتقا سوزىلسا جانە دەنساۋلىق جاعدايى بويىنشا ناۋقاس قازاقستان رەسپۋبليكاسىنا جول جۇرە الماسا (كولىك قيىندىعىن كوتەرە الماسا), وندا جاردەماقى دارىگەرلەردىڭ قازاقستان رەسپۋبليكاسىنا ەۆاكۋاتسيالاۋ مۇمكىندىگى تۋرالى شەشىمى شىققانعا دەيىن شەتەلدىك ۆاليۋتادا ونىڭ ەمدەۋ مەكەمەسىندە بولعان بارلىق ۋاقىتى ءۇشىن تولەنەدى.
قازاقستان رەسپۋبليكاسى ادىلەت مينيسترلىگى نورماتيۆتىك قۇقىقتىق اكتى 2015 جىلعى 26 جەلتوقساندا نورماتيۆتىك قۇقىقتىق اقتىلەردى مەملەكەتتىك تىركەۋ تىزىلىمىنە № 12521 بولىپ تىركەلدى.