قاراعاندى. 24 اقپان. قاراعاندى وبلىسىنداعى 52 859 اسكەري بولىمشەسىنىڭ ساربازى ازامات ماكەنوۆ «توتەنشە جاعدايداعى ەرلiگi ءۇشiن» توسبەلگىسىمەن ماراپاتتالدى. بۇل تۋرالى nv.kz سايتىنا سىلتەمە جاساعان egemen.kz ءتىلشىسى حابارلادى.
اسكەري قىزمەتكەر ازامات ماكەنوۆ بىلتىرعى كۇزدە قىزىل جالىن وراعان ءۇي ىشىنەن ءۇش بىردەي ادامدى قۇتقارىپ العان بولاتىن.
ازامات ماكەنوۆ كەشكىسىن جۇمىستان ۇيىنە قايتىپ كەلە جاتقانىندا موسكوۆسكايا كوشەسىندە ۇيلەردىڭ بىرىنەن ءورت شىققانىن بايقاپ قالادى. كىشى سەرجانت ويلانىپ جاتپاستان, جانىپ جاتقان ءۇيدىڭ ىشىنە كىرىپ بارىپ, ەكى ادامدى تىسقا الىپ شىعادى. سول كەزدە تاعى ءبىر ايەلدىڭ ىشتە قالعانىن ەستىپ, بۇل ۋاقىتتا ءورت قۇشاعىندا تۇتاستاي قالعان ۇيگە قايتا كىرەدى. وسىلايشا ول ءۇشىنشى ادامدى دا اجالدان امان الىپ قالادى.
بەيبىت كۇندەگى وسى ەرلىگى ءۇشىن ۇلتتىق گۆارديانىڭ كىشى سەرجانتى ازامات ماكەنوۆ ىشكى ىستەر ءمينيسترىنىڭ بۇيرىعىمەن «توتەنشە جاعدايداعى ەرلiگi ءۇشiن» توسبەلگىسىمەن سالتاناتتى تۇردە ماراپاتتالدى.
قايرات ءابىلدينوۆ.
دەرەك, سۋرەت: nv.kz.