استانا. 18 اقپان. نيكاراگۋادا زيكا بەزگەگىن جۇقتىرعاندار سانى 74 ادامعا جەتتى. ولاردىڭ اراسىندا بۇلدىرشىندەر مەن جۇكتى ايەلدەر دە بار. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
«ماڭىزدىسى اۋرۋ تاراتقىش ماسالارعا قارسى كۇرەستى توقتاتپاۋ قاجەت. ىندەتتەن قۇتىلۋ ءۇشىن كۇندەلىكتى ءۇيىمىزدى, ورتامىزدى زياندى جاندىكتەردەن تازا ۇستاۋىمىز قاجەت», – دەدى نيكاراگۋانىڭ ساياسي قايراتكەرى روساريو مۋريلو .
2015 جىلدىڭ قاراشا ايىندا برازيليانىڭ دەنساۋلىق ساقتاۋ مينيسترلىگى اتالعان ىندەتتىڭ اسىرەسە, جۇكتى ايەلدەر ءۇشىن اسا قاۋىپتى ەكەنىن ەسكەرتتى. زيكا ىندەتىن جۇقتىرعان بولاشاق انادان ميكروتسەفاليا اۋرۋىمەن اۋىراتىن سابيلەر دۇنيەگە كەلەدى. ول ءوز كەزەگىندە ءسابيدىڭ باس سۇيەگىنىڭ قاجەتتى مولشەردە وسۋىنە كەدەرگى جاساپ, مي قۇرىلىسىنىڭ دامۋىنا زيانىن تيگىزەدى. بۇل كەزدە ارنايى ۆاكتسينالار ەش كومەكتەسپەيدى.
ايان ءابدۋالي.
دەرەك: تاسس.
سۋرەت: livemint.com.