قىزىلوردا. 17 اقپان. قىزىلوردا وبلىسىندا سپورتتى دامىتۋ ماقساتىندا جاڭا نىسانداردىڭ قاتارى ارتىپ كەلەدى. بۇل تۋرالى قىزىلوردا وبلىسىنىڭ اكىمى قىرىمبەك كوشەرباەۆتىڭ حالىق الدىندا ەسەپ بەرگەن كەزدە ايتقان اقپارى بويىنشا egemen.kz ءتىلشىسى حابارلادى.
وتكەن جىلدىڭ وزىندە يپپودروم, «بوكس» ورتالىعى, قازالى اۋدانىنداعى ايتەكە بي, جاڭاقورعان اۋدانى جاڭاقورعان كەنتىندە سپورتتىق-ساۋىقتىرۋ كەشەندەرى مەن سىرداريا اۋدانىنداعى ن.ءىلياسوۆ ەلدى مەكەنىندەگى ستاديون پايدالانۋعا بەرىلدى. ناتيجەسىندە سپورتپەن تۇراقتى شۇعىلدانۋشىلاردىڭ سانى 25,3 پايىزعا جەتتى.
66 سپورتشىعا, ونىڭ ىشىندە 10 مۇگەدەك سپورتشىعا ستيپەنديا تولەۋ ءۇشىن وبلىستىق بيۋدجەتتەن 69,5 ملن. تەڭگە ءبولىندى.
وتكەن جىلى جوعارعى شەبەرلىك دەڭگەيىندەگى سپورتشىلاردى دايىنداۋ ماقساتىندا 227 وقۋ-سپورتتىق جيىندار وتكىزىلىپ, وعان 2417 سپورتشى قاتىستى. 278 حالىقارالىق, رەسپۋبليكالىق جارىستارعا وبلىستىڭ 2468 سپورتشىسى قاتىستى. قازاقستان چەمپيوناتتارىندا وبلىس سپورتشىلارى 165 التىن, 138 كۇمىس جانە 221 قولا مەدالداردى يەلەنسە, ازيا جانە الەم چەمپيوناتتارىندا 23 التىن, 11 كۇمىس, 19 قولا مەدالدى جەڭىپ الدى. قازاقستاننىڭ ۇلتتىق قۇراما كوماندالارىنا وبلىستىڭ 306 سپورتشىسى كىردى.
ەرجان بايتىلەس.
دەرەك, سۋرەت: egemen.kz