قاراعاندى. 16 اقپان. جەزقازعان قالالىق سوتى اقشالاي سىيلىق العان قالالىق ادىلەت باسقارماسىنىڭ باسشىسىنا ايىپپۇل سالۋ جونىندە قاتاڭ شەشىم شىعاردى. بۇل تۋرالى وبلىستىق سوتتىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
جەرگىلىكتى كاسىپكەردىڭ ءبىرى قالالىق ادىلەت باسقارماسىنىڭ باسشىسىنا الداعى تويىنا ارناپ, 20 مىڭ تەڭگە كولەمىندە اقشا بەرگەن. كونۆەرتتىڭ ىشىنە سالىنعان اقشانى العان شەنەۋنىك ونى ۇستەلدىڭ سۋىرماسىنا سالىپ, كاسىپكەردىڭ شارۋاسىن شەشىپ بەرۋگە ۋادە ەتكەن.
قالالىق سوت ەكس-باسشىنىڭ ءىس-ارەكەتىنەن زاڭعا قايشىلىق تاۋىپ, 1 ميلليون 387 مىڭ تەڭگە ايىپپۇل سالدى جانە مۇلكىن تاركىلەپ, ونى ءومىر بويى مەملەكەتتىك قىزمەتتەن شەتتەتۋ تۋرالى ۇكىم شىعاردى.
قايرات ءابىلدينوۆ.
دەرەك: قاراعاندى وبلىستىق سوتتىڭ ءباسپاسوز قىزمەتى.
سۋرەت: diapazon.kz.