اتىراۋ. 16 اقپان. اتىراۋ وبلىسىندا اڭشى قارۋىن زاڭسىز ساقتاۋشىعا 42 420 تەڭگە ايىپپۇل سالىندى. قارۋى تاركىلەندى. بۇل تۋرالى وبلىستىق سوتتىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
قىزىلقوعا اۋدانىنىڭ تۇرعىنى ىشكى ىستەر ورگاندارىندا تىركەلمەگەن تەگىس ۇڭعىلى, زك مودەلدى, 16 كاليبرلى اڭشى قارۋىن تۇرعىن ۇيىندە زاڭسىز ساقتاپ كەلگەن. وسىعان بايلانىستى قىزىلقوعا اۋداندىق سوتىندا قارالعان قۇقىقبۇزۋشىعا قاتىستى اكىمشىلىك ءىس بارىسىندا ونىڭ تۇرعىن ۇيىندە ءتيىستى قۇجاتسىز, تىركەلمەگەن قارۋدى ساقتاعانى انىقتىلدى. مۇنى قۇقىق بۇزۋشىنىڭ ءوزى دە راستاپ بەردى.
ال وبلىستىق ىشكى ىستەر دەپارتامەنتى جەدەل-كريميناليستيكا ءبولىمىنىڭ مامانى ءوز قورىتىندىسىندا زاڭسىز ساقتالعان قارۋدىڭ اتۋعا جارامدى ەكەنىن انىقتاپ بەرگەن. دەمەك, بۇل قارۋدىڭ زاڭسىز ساقتالۋى قاۋىپتى ەكەنىن بايقاتادى. وسىنداي جايتتار ەسكەرىلگەن اۋداندىق سوتتىڭ قاۋلىسىمەن اتىلاتىن قارۋدى زاڭسىز ساقتاۋشى اكىمشىلىك قۇقىق بۇزۋشىلىق تۋرالى كودەكستىڭ 482-بابىنىڭ 1-بولىگىمەن كىنالى دەپ تانىلدى. سونداي-اق, كىنالىنىڭ قارۋى تاركىلەنىپ, وعان 20 ايلىق ەسەپتىك كورسەتكىش مولشەرىندەگى 42 420 تەڭگەلىك ايىپپۇل سالىندى.
جولداسبەك شوپەعۇل.
دەرەك: اتىراۋ وبلىستىق سوتىنىڭ ءباسپاسوز قىزمەتى.
سۋرەت: kz.otyrar.kz.