قاراعاندى. 9 اقپان. قاراعاندى وبلىسىنداعى ساتباەۆ قالاسىندا ورنالاسقان اۋرۋحانالاردىڭ بىرىندە ەكى ناۋقاس توبەلەسىپ, ءبىرى ەكىنشىسىن پىشاقتاپ تاستادى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
وقىس وقيعا تۋبەركۋلەزگە قارسى اۋرۋحانادا بولدى. دەنە جاراقاتىن العان ناۋقاسقا قاجەتتى مەديتسينالىق كومەك كورسەتىلگەننەن سوڭ, دارىگەرلەر زارداپ شەككەن ازاماتتىڭ دەنساۋلىعىنا تونگەن قاۋىپتىڭ جوقتىعىن مالىمدەدى.
قازىرگى ۋاقىتتا وسى وقيعا بويىنشا سوتقا دەيىنگى تەرگەۋ امالدارى جۇرگىزىلىپ جاتىر.
قايرات ءابىلدينوۆ.
دەرەك: قاراعاندى وبلىسى ىشكى ىستەر دەپارتامەنتىنىڭ ءباسپاسوز قىزمەتى.
سۋرەت: slawyanka.info.