استانا. 9 قاڭتار. نيكاراگۋادا زيكا بەزگەگىن جۇقتىرعاندار سانى 38 ادامعا جەتتى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
قاۋىپتى ىندەتتى جۇقتىرعانداردىڭ باسىم بولىگى مەملەكەت استاناسى ماناگۋا قالاسىنىڭ تۇرعىندارى. وسىعان بايلانىستى وتكەن اپتانىڭ سوڭعى كۇندەرى اۋرۋ تاراتقىش aedes aegypti ماسالارىن جويۋ ءۇشىن 1 مىڭعا جۋىق ادام جۇمىلدىرىلدى. سونداي-اق, تۇرعىن ءۇي كەشەندەرى مەن مەكەمەلەردە ارنايى ءىس-شارالار ۇيىمداستىرىلدى.
دۇنيەجۇزىلىك دەنساۋلىق ساقتاۋ ۇيىمى 2016 جىلدىڭ 1 اقپانىندا وڭتۇستىك جانە سولتۇستىك امەريكا ەلدەرىندە زيكا بەزگەگىنىڭ جىلدام تارالۋىنا بايلانىستى دابىل قاققان. بۇل ىندەتتى جۇقتىرعان بولاشاق انادان ميكروتسەفاليا اۋرۋىمەن اۋىراتىن سابيلەر تۋىلادى. ول ءوز كەزەگىندە ءسابيدىڭ باس سۇيەگىنىڭ قاجەتتى مولشەردە وسۋىنە كەدەرگى جاساپ, مي قۇرىلىسىنىڭ دامۋىنا زيانىن تيگىزەدى. وسىدان سوڭ, نارەستەنىڭ ويلاۋ, كورۋ, ەستۋ قابىلەتتەرى تومەندەيدى. بۇل كەزدە ارنايى ۆاكتسينالار كومەكتەسپەيدى.
ايان ءابدۋالي.
دەرەك: تاسس.
سۋرەت: ilpost.it.