پەتروپاۆل. 28 قاڭتار. سولتۇستىك قازاقستان وبلىستىق مامانداندىرىلعان اۋدانارالىق ەكونوميكالىق سوتتىڭ توراعاسى اندرەي ديگانت ءوز ەركىمەن قىزمەتتەن كەتتى. بۇل تۋرالى وبلىستىق سوتتىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
سوت توراعاسىنىڭ قىزمەتتەن بوساتۋ تۋرالى ءوتىنىش جازۋىنا قاپشاعايداعى كازينولاردىڭ بىرىندە وتىرعانى جايلى تۇسىرىلگەن بەينەجازبا نەگىز بولعان.
وبلىستىق سوتتىڭ وزىندىك قاۋىپسىزدىك قىزمەتى ويىنقۇمار سۋدياعا قاتىستى تەكسەرۋ جۇرگىزىپ, فاكتىنى راستاعان. ونىڭ بۇل ارەكەتى سۋديالاردىڭ ادەپ كودەكسىنە كەرەعار دەگەن شەشىم شىعارىلىپ, ءوز ارىزىمەن كەتۋگە ءماجبۇر بولعان.
اندرەي ديگانت مامانداندىرىلعان اۋدانارالىق ەكونوميكالىق سوتتىڭ توراعاسى بولىپ ءبىر جىل بۇرىن تاعايىندالعان. وعان دەيىن اقمولا وبلىستىق سوتىندا قىزمەت ەتكەن.
ءومىر ەسقالي.
دەرەك: egemen.kz.
سۋرەت: sud.gov.kz.