شىمكەنت. 28 قاڭتار. وڭتۇستىك قازاقستان وبلىسى ينۆەستيتسيا تارتۋدا رەسپۋبليكادا الدىڭعى ورىندا. بۇل تۋرالى وبلىستىق كاسىپكەرلىك, يندۋستريالدى-يننوۆاتسيالىق دامۋ جانە تۋريزم باسقارماسىنىڭ باسشىسى ماقسات قاراباەۆ مالىمەتىنە سۇيەنىپ egemen.kz ءتىلشىسى حابارلادى.
ماقسات قاراباەۆ استانادا بيزنەس فورۋمى ءوتىپ, شەتەل ينۆەستورلارى شاقىرىلعاندا شەتەلدىك ينۆەستورلاردىڭ العاشقى سۇراعى «جەر بار ما؟» بولادى دەيدى. ەلىمىزدىڭ بارلىق وبلىستارىنان كەلگەن وكىلدەر «بار» دەپ جاۋاپ قاتادى. «ولارعا ينفراقۇرىلىم تارتىلعان با؟» دەپ سۇراعاندا بارلىعى دەرلىك ءۇنسىز قالادى. ءبىز «ينفراقۇرىلىم تارتىلعان» دەپ جاۋاپ بەرەمىز. ويتكەنى, ءبىز ينۋستريالدىق ايماقتارعا ەڭ الدىمەن ينفراقۇرىلمىن جاساپ الامىز», دەدى ول.
سونىمەن قاتار وبلىستا «بجك 2020» باعدارلاماسىنىڭ ىسكە اسىرىلۋىنان باستاپ جالپى قۇنى 482,1 ملرد. تەڭگە بولاتىن 997 جوبا ماقۇلدانىپ, 16 مىڭنان استام جۇمىس ورنى اشىلدى. ونىڭ ىشىندە 2015 جىلى جالپى قۇنى 202,6 ملرد.تەڭگەگە 275 جوبا ماقۇلدانعان. سونداي-اق, بۇگىندە وبلىستا اۋىلدى جەرلەردەن شىققان كاسىپكەرلەردى قولداۋ ماقساتىندا ارنايى باعدارلاما ازىرلەنۋدە. اتالعان باعدارلاما اياسىندا كاسىپكەرلەرگە بار بولعانى 0,5 پايىزبەن سۋبسيديا بەرۋ جوسپارلانۋدا.
قۇداي قوس كورسە, وڭتۇستىكتىڭ اۋىلدارىندا شاعىن جانە ورتا كاسىپ قاناتىن بۇرىنعىدان دا كەڭ جايادى.
باقتيار تايجان.
دەرەك, سۋرەت: وڭتۇستىك قازاقستان وبلىستىق ايماقتىق كوممۋنيكاتسيا قىزمەتى.