اقتاۋ. 28 قاڭتار. اقتاۋدا قاراقشى قۇنداقتاعى سابيگە تاپانشا تاقاۋ ارقىلى اناسىن قورقىتىپ, ءۇيدى توناعان. بۇل تۋرالى tumba.kz سايتىنا سىلتەمە جاساعان egemen.kz ءتىلشىسى حابارلادى.
وقيعا 27 قاڭتاردا اقتاۋ قالاسىنىڭ 1-شاعىن اۋدانىندا بولعان. «اقتاۋ قالالىق گاز قىزمەتىنەنمىن» دەپ ەسىك قاققان قاراقشى پاتەرگە كىرىسىمەن نارەستەنىڭ باسىنا تاپانشا تاقاپ, ايەلدەن ۇيدەگى بارلىق باعالى زاتتاردى بەرۋدى تالاپ ەتكەن. بالانى ساقتاپ قالۋ ءۇشىن قورىققان ءۇي يەسى ايەل قولىنداعى بار مۇلكىن بەرگەن. قازىر اقتاۋدا قالالىق گاز قىزمەتى مەكەمەسى جوق. الايدا, ءدال سول كۇنى «قازترانسگازايماق» مەكەمەسىنىڭ قىزمەتكەرلەرى اتالعان شاعىن اۋداندا جوسپارلى تەكسەرۋ جۇمىستارىن جۇرگىزگەن.
وقيعادان سوڭ ىسكە كىرىسكەن جەرگىلىكتى ءتارتىپ ساقشىلارى قاراقشىنىڭ فوتوروبوتىن جاساپ, ىزدەستىرۋ جۇمىستارىن جۇرگىزۋدە. قۇقىق قورعاۋ ورىندارىنداعى دەرەككوزدەردىڭ مالىمەتىنشە, كۇدىكتى بۇرىننان پوليتسيانىڭ دەرەكتەر بازاسىندا تىركەۋدە تۇرعان وزبەكستاننان كەلگەن ميگرانت بولۋى مۇمكىن. ول تونالعان ءۇيدىڭ اۋقاتتى ەكەنىن بىلگەن, سوندىقتان قىلمىس ۇيىمداسقان سيپاتتا, ياعني, سىبايلاستارمەن بىرگە جاسالۋى مۇمكىن دەپ بولجانۋدا.
گۇلايىم شىنتەمىرقىزى.
دەرەك: tumba.kz.
سۋرەت: nikpravda.com.ua, tumba.kz.