2015 جىلعى 28 قاراشا, استانا قالاسى
مەملەكەتتىك اۋديت جانە قارجىلىق باقىلاۋ ورگاندارىنىڭ ۇيلەستىرۋ كەڭەسى تۋرالى ەرەجەنى بەكىتۋ تۋرالى
«مەملەكەتتىك اۋديت جانە قارجىلىق باقىلاۋ تۋرالى» قازاقستان رەسپۋبليكاسىنىڭ 2015 جىلعى 12 قاراشاداعى زاڭىنىڭ 46-بابىنىڭ 1-تارماعىنا سايكەس رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتى (بۇدان ءارى – ەسەپ كوميتەتى) قاۋلى ەتەدى:
1. قوسا بەرىلىپ وتىرعان مەملەكەتتىك اۋديت جانە قارجىلىق باقىلاۋ ورگاندارىنىڭ ۇيلەستىرۋ كەڭەسى تۋرالى ەرەجە بەكىتىلسىن.
2. زاڭ ءبولىمى زاڭنامادا بەلگىلەنگەن تارتىپپەن:
1) وسى نورماتيۆتىك قاۋلىنىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن;
2) وسى نورماتيۆتىك قاۋلى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ مەرزىمدى ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالانۋعا جىبەرىلۋىن;
3) وسى نورماتيۆتىك قاۋلىنىڭ ەسەپ كوميتەتىنىڭ ينتەرنەت-رەسۋرسىنا ورنالاستىرىلۋىن قامتاماسىز ەتسىن.
3. نورماتيۆتىك قاۋلىنىڭ ورىندالۋىن باقىلاۋ ەسەپ كوميتەتىنىڭ اپپارات باسشىسىنا جۇكتەلسىن.
4. وسى نورماتيۆتىك قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
توراعا ق.جاڭبىرشين.
رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ
2015 جىلعى 28 قاراشاداعى № 12-نق نورماتيۆتىك قاۋلىسىمەن بەكىتىلگەن
مەملەكەتتىك اۋديت جانە قارجىلىق باقىلاۋ ورگاندارىنىڭ ۇيلەستىرۋ كەڭەسى تۋرالى ەرەجە
1. جالپى ەرەجەلەر
1. مەملەكەتتىك اۋديت جانە قارجىلىق باقىلاۋ ورگاندارىنىڭ ۇيلەستىرۋ كەڭەسى تۋرالى ەرەجەدە (بۇدان ءارى – ەرەجە) مەملەكەتتىك اۋديت جانە قارجىلىق باقىلاۋ ورگاندارىنىڭ ۇيلەستىرۋ كەڭەسىنىڭ (بۇدان ءارى – كەڭەس) ماقساتتارى, مىندەتتەرى جانە وكىلەتتىكتەرى, سونداي-اق ونىڭ قىزمەتىن قالىپتاستىرۋ جانە ۇيىمداستىرۋ ءتارتىبى ايقىندالعان.
2. كەڭەس قىزمەتىنىڭ ماقساتى:
1) مەملەكەتتىك اۋديت جانە قارجىلىق باقىلاۋ سالاسىندا قۇقىق قولدانۋ پراكتيكاسىن, مەملەكەتتىك اۋديت جانە قارجىلىق باقىلاۋ ستاندارتتارىن ساقتاۋ ماسەلەلەرىن قاراۋ ءۇشىن مەملەكەتتىك اۋديت جانە قارجىلىق باقىلاۋ ورگاندارىنىڭ (بۇدان ءارى – اۋديت ورگاندارى) قىزمەتىن ۇيلەستىرۋ;
2) مەملەكەتتىك اۋديت جانە قارجىلىق باقىلاۋ سالاسىنداعى وزەكتى پروبلەمالاردى, زاڭنامانى بىرىڭعاي قولدانۋدى القالىق تالقىلاۋ ارقىلى اۋديت ورگاندارىنىڭ ءوزارا ءتيىمدى ءىس-قيمىل جاساۋى;
3) بيۋدجەتتى جوسپارلاۋ جانە ونىڭ بارلىق دەڭگەيىندە اتقارۋ كەزىندە قارجى ءتارتىبىن نىعايتۋ, اۋديت ورگاندارىنىڭ قىزمەتىن ۇيىمداستىرۋدا اشىقتىق پەن وبەكتيۆتىلىكتى قامتاماسىز ەتۋ;
4) مەملەكەتتىك ءاۋديتتى جانە قارجىلىق باقىلاۋدى جۇرگىزۋ كەزىندە اۋديت ورگاندارىنىڭ تاۋەلسىزدىگىنە قول سۇعاتىن ارالاسۋعا جول بەرمەۋ بولىپ تابىلادى.
3. كەڭەس ءوز قىزمەتىندە قازاقستان رەسپۋبليكاسىنىڭ كونستيتۋتسياسىن, «مەملەكەتتىك اۋديت جانە قارجىلىق باقىلاۋ تۋرالى» قازاقستان رەسپۋبليكاسىنىڭ زاڭىن (بۇدان ءارى – زاڭ), قازاقستان رەسپۋبليكاسى پرەزيدەنتىنىڭ اكتىلەرىن, وسى ەرەجەنى جانە قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىن باسشىلىققا الادى.
2. كەڭەستىڭ نەگىزگى مىندەتتەرى مەن وكىلەتتىكتەرى
4. كەڭەستىڭ نەگىزگى مىندەتتەرى:
1) مىنالار:
مەملەكەتتىك اۋديت جانە قارجىلىق باقىلاۋ سالاسىنداعى زاڭنامانانى جەتىلدىرۋ;
مەملەكەتتىك اۋديت جانە قارجىلىق باقىلاۋ جۇرگىزۋدىڭ ادىسنامالىق نەگىزىن جەتىلدىرۋ;
اۋديتورلىق جانە ساراپتامالىق-تالداۋ ءىس-شارالارىن جوسپارلاۋ, ۇيىمداستىرۋ جانە جۇرگىزۋ كەزىندە اۋديت ورگاندارىنىڭ ءوزارا ءىس-قيمىلىنىڭ تيىمدىلىگىن ارتتىرۋ بويىنشا ۇسىنىستار ازىرلەۋ;
2) مەملەكەتتىك ءاۋديتتىڭ جانە قارجىلىق باقىلاۋدىڭ وزەكتى تەوريالىق جانە پراكتيكالىق ماسەلەلەرى بويىنشا اۋديت ورگاندارىنىڭ ءوزارا ءىس-قيمىلىن قامتاماسىز ەتۋ;
3) مەملەكەتتىك اۋديت جانە قارجىلىق باقىلاۋدى جۇرگىزۋ مەن جەتىلدىرۋ سالاسىندا يدەيالارمەن جانە تاجىريبەمەن ءوزارا ءتيىمدى الماسۋ;
4) مەملەكەتتىك اۋديت جانە قارجىلىق باقىلاۋ سالاسىنداعى ادىسنامالىق قۇجاتتاردى, سونىڭ ىشىندە كەڭەس ۇسىنىمدارىنىڭ شەڭبەرىندە ازىرلەنگەن قۇجاتتاردى ماقۇلداۋ;
5) مىنالارعا:
بىرلەسكەن جانە (نەمەسە) قاتار تەكسەرۋلەردى جانە ساراپتامالىق-تالداۋ ءىس-شارالارىن جۇرگىزۋگە;
اۋديت ورگاندارىنىڭ مەملەكەتتىك اۋديتورلارىنىڭ كاسىبي داعدىلارى مەن بىلىكتىلىگىن ساقتاۋعا جانە جەتىلدىرۋگە;
اۋديت ورگاندارىنىڭ قىزمەتىنە قۇقىققا سىيىمسىز ارالاسۋىنا جول بەرمەۋگە جاردەمدەسۋ بولىپ تابىلادى.
5. كەڭەس وزىنە جۇكتەلگەن مىندەتتەردى جۇزەگە اسىرۋ ءۇشىن ءوز قۇزىرەتى شەگىندە:
1) مەملەكەتتىك ورگاندارمەن, قوعامدىق بىرلەستىكتەرمەن جانە ۇيىمدارمەن ءوزارا ءىس-قيمىل جاسايدى, قاجەت بولعان جاعدايدا جۇمىس توپتارىن قۇرادى;
2) زاڭعا سايكەس, كەڭەستىڭ قۇزىرەتىنە كىرەتىن ماسەلەلەر بويىنشا اقپارات سۇراتادى جانە الادى;
3) جۇمىس ساپاسىن ارتتىرۋ, مەملەكەتتىك اۋديت جانە قارجىلىق باقىلاۋ سالاسىنداعى زاڭنامانى قولدانۋدىڭ بىرىڭعاي پراكتيكاسىن قالىپتاستىرۋ ءۇشىن اۋديت ورگاندارىنان ولاردىڭ قىزمەتىنىڭ قورىتىندىلارى جانە مەملەكەتتىك اۋديت جانە قارجىلىق باقىلاۋ ناتيجەلەرى بويىنشا ەسەپتەر مەن جيناقتاۋلار سۇراتادى;
4) ءوزىنىڭ قۇزىرەتىنە كىرەتىن ماسەلەلەر بويىنشا ۇسىنىمدار ازىرلەيدى جانە ۇسىنىستار ەنگىزەدى;
5) اۋديت ورگاندارىنا, قازاقستان رەسپۋبليكاسىنىڭ پرەزيدەنتىنە, قازاقستان رەسپۋبليكاسى پارلامەنتىنىڭ پالاتالارىنا, قازاقستان رەسپۋبليكاسىنىڭ ۇكىمەتىنە, وبلىستاردىڭ, رەسپۋبليكالىق ماڭىزى بار قالالار, استانانىڭ ءماسليحاتتارىنا مەملەكەتتىك اۋديت وبەكتىلەرىنىڭ اۋديت ورگاندارىنىڭ تاۋەلسىزدىگىن شەكتەۋ فاكتىلەرى تۋرالى اقپارات (ۇسىنىستار) بەرەدى;
6) مەملەكەتتىك ءاۋديتتىڭ جانە قارجىلىق باقىلاۋدىڭ وزەكتى تەوريالىق جانە پراكتيكالىق پروبلەمالارى بويىنشا عىلىمي-پراكتيكالىق كونفەرەنتسيالار, سەمينارلار, مامانداندىرىلعان كۋرستار, بىرلەسكەن زەرتتەۋلەر ۇيىمداستىرۋعا جاردەم كورسەتەدى;
7) كەڭەس وتىرىستارىنا مەملەكەتتىك ورگاندار مەن ۇيىمداردىڭ لاۋازىمدى ادامدارىن شاقىرادى.
3. كەڭەس قىزمەتىن قالىپتاستىرۋ جانە ۇيىمداستىرۋ
6. كەڭەس رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ (بۇدان ءارى – ەسەپ كوميتەتى) توراعاسىنان جانە ءۇش مۇشەسىنەن, ىشكى مەملەكەتتىك اۋديت جونىندەگى ۋاكىلەتتى ورگاننىڭ ءبىرىنشى باسشىسىنان, وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ تەكسەرۋ كوميسسيالارىنىڭ (بۇدان ءارى – تەكسەرۋ كوميسسيالارى) توراعالارىنان, بيۋدجەتتى اتقارۋ جونىندەگى ورتالىق ۋاكىلەتتى ورگاننىڭ ىشكى اۋديت قىزمەتىنىڭ باسشىسىن قوسپاعاندا, ىشكى اۋديت قىزمەتىنىڭ ەكى باسشىسىنان تۇرادى.
7. كەڭەستىڭ قۇرامى ەسەپ كوميتەتى توراعاسىنىڭ بۇيرىعىمەن بەكىتىلەدى.
8. كەڭەستىڭ قۇرامىنا ىشكى اۋديت قىزمەتى باسشىلارىنىڭ ەكى كانديداتۋراسىن (ورتالىق مەملەكەتتىك ورگاننان جانە وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ جەرگىلىكتى اتقارۋشى ورگانىنان ءبىر-بىردەن) قوسۋ جونىندەگى ۇسىنىستى ىشكى مەملەكەتتىك اۋديت جونىندەگى ۋاكىلەتتى ورگان ۇسىنادى.
ىشكى اۋديت قىزمەتىنەن ەنگەن كەڭەس مۇشەلەرىنە جىل سايىن روتاتسيا جۇرگىزىلەدى.
9. كەڭەستى ەسەپ كوميتەتىنىڭ توراعاسى بولىپ تابىلاتىن توراعا باسقارادى.
10. كەڭەس توراعاسى:
1) كەڭەس قىزمەتىنە جالپى باسشىلىقتى جۇزەگە اسىرادى;
2) كەڭەس جۇمىسىن جوسپارلايدى;
3) كەڭەس وتىرىستارىن وتكىزۋ ورنى مەن ۋاقىتىن ايقىندايدى;
4) كەڭەس وتىرىستارىندا توراعالىق ەتەدى. كەڭەس توراعاسى بولماعان كەزدە ونىڭ تاپسىرماسى بويىنشا وتىرىستاردا كەڭەس مۇشەلەرىنىڭ ءبىرى توراعالىق ەتەدى;
5) كەڭەستىڭ الداعى كۇنتىزبەلىك جىلعا ارنالعان جۇمىس جوسپارىن جانە كەڭەس وتىرىسىندا قابىلدانعان شەشىمدەردى بەكىتەدى.
11. كەڭەس مۇشەلەرى:
1) كەڭەستىڭ جۇمىس جوسپارى, ونىڭ وتىرىستارىنىڭ كۇن ءتارتىبى جانە ماسەلەلەردى تالقىلاۋ ءتارتىبى بويىنشا ۇسىنىستار ەنگىزەدى;
2) كەڭەس وتىرىستارىنا ماتەريالداردى, ونىڭ شەشىمدەرىنىڭ جوبالارىن دايىنداۋعا قاتىسادى;
3) كەڭەس وتىرىسىندا قارالاتىن ماسەلەلەردى تالقىلاۋعا قاتىسادى.
12. ەسەپ كوميتەتىنىڭ اپپاراتى كەڭەستىڭ جۇمىس ورگانى (بۇدان ءارى –جۇمىس ورگانى) بولىپ تابىلادى. ەسەپ كوميتەتىنىڭ توراعاسى مەن ءۇش مۇشەسىن قوسپاعاندا, كەڭەس مۇشەلەرىنىڭ ارقايسىسى:
ءوزىنىڭ تاعايىندالۋى تۋرالى;
كەڭەستىڭ الدىنا قويىلعان مىندەتتەردى ىسكە اسىرۋ بويىنشا ۇيلەستىرۋدى جۇزەگە اسىراتىن جاۋاپتى ورىنداۋشىنى بەلگىلەۋ نەمەسە اۋىستىرۋ تۋرالى شەشىم قابىلدانعاننان كەيىن جەتى جۇمىس كۇنى ىشىندە جۇمىس ورگانىنا ءتيىستى اقپارات ۇسىنادى.
13. كەڭەس مۇشەلەرى جوسپارلاناتىن جىلدىڭ الدىنداعى جىلدىڭ 20 قىركۇيەگىنەن كەشىكتىرمەي, كەڭەستىڭ الداعى كۇنتىزبەلىك جىلعا ارنالعان جۇمىس جوسپارىنىڭ جوباسىنا ۇسىنىستارىن جۇمىس ورگانىنا ۇسىنادى.
14. جۇمىس ورگانى:
1) كەڭەس وتىرىسىنىڭ كۇن ءتارتىبىن قالىپتاستىرادى;
2) كەڭەس شەشىمدەرىنىڭ ورىندالۋىن قامتاماسىز ەتەدى جانە باقىلايدى;
3) كەڭەس مۇشەلەرىنىڭ جانە ونىڭ قىزمەتىنە تارتىلعان مامانداردىڭ جۇمىسىن ۇيلەستىرەدى;
4) كەڭەس مۇشەلەرى ۇسىنعان ۇسىنىستار ەسكەرىلە وتىرىپ قالىپتاستىرىلعان, كەڭەستىڭ ءبىر جىلعا ارنالعان جۇمىس جوسپارىنىڭ جوباسىن بەكىتۋ ءۇشىن كەڭەس توراعاسىنا ەنگىزەدى.
كەڭەستىڭ جۇمىس جوسپارى جىل سايىن جوسپارلاناتىن جىلدىڭ الدىنداعى جىلدىڭ 20 جەلتوقسانىنان كەشىكتىرىلمەي بەكىتىلەدى جانە ەسەپ كوميتەتىنىڭ ينتەرنەت-رەسۋرسىنا ورنالاستىرۋعا, كەڭەس مۇشەلەرىنە جىبەرىلۋگە جاتادى.
15. جۇمىستى ۇيىمداستىرۋدى, كەڭەس وتىرىسىنا ءتيىستى قۇجاتتار مەن ماتەريالداردى دايىنداۋدى جانە حاتتامانى رەسىمدەۋدى كەڭەس توراعاسى جۇمىس ورگانى قىزمەتكەرلەرىنىڭ اراسىنان تاعايىندايتىن كەڭەس حاتشىسى جۇزەگە اسىرادى.
حاتشى كەڭەستىڭ مۇشەسى بولىپ تابىلمايدى.
16. كەڭەس وتىرىستارىندا قاراۋعا ارنالعان ماسەلەلەر تىزبەسى كەڭەستىڭ جۇمىس جوسپارىنا, كەڭەس توراعاسىنىڭ تاپسىرمالارىنا سايكەس جانە (نەمەسە) ونىڭ مۇشەلەرىنىڭ ۇسىنىستارى بويىنشا جاسالادى.
17. كەڭەس وتىرىستارىنىڭ ماتەريالدارى كەڭەس وتىرىسىنا دەيىنگى ءۇش جۇمىس كۇنىنەن كەشىكتىرىلمەي كەڭەس مۇشەلەرىنە جىبەرىلەدى.
18. كەڭەس وتىرىسى جىلىنا كەمىندە ءبىر رەت وتكىزىلەدى جانە ەگەر وعان مۇشەلەرىنىڭ جالپى سانىنىڭ كەمىندە جارتىسى قاتىسسا, ول زاڭدى دەپ ەسەپتەلەدى.
كەڭەس مۇشەلەرى ونىڭ وتىرىستارىنا اۋىستىرۋ قۇقىعىنسىز قاتىسادى.
19. شۇعىل شەشىم قابىلداۋ قاجەت بولعان كەزدە كەڭەستىڭ كەزەكتەن تىس وتىرىسىن وتكىزۋگە رۇقسات ەتىلەدى.
كەزەكتەن تىس وتىرىس كەڭەس توراعاسى نەمەسە ونى الماستىراتىن ادامنىڭ ءوزىنىڭ باستاماسى بويىنشا نە كەڭەس قۇرامىنىڭ كەمىندە جارتىسى قولداۋ بىلدىرگەن, كەڭەس مۇشەسىنىڭ باستاماسى بويىنشا شاقىرىلادى.
20. كەڭەس وتىرىسىنىڭ ناتيجەلەرى بويىنشا توراعالىق ەتۋشى قول قوياتىن حاتتاما جاسالادى. كەڭەستىڭ شەشىمدەرى اشىق داۋىس بەرۋ ارقىلى قابىلدانادى جانە ەگەر وعان وتىرىسقا قاتىسۋشى كەڭەس مۇشەلەرىنىڭ جالپى سانىنىڭ كوپشىلىگى داۋىس بەرسە, قابىلدانعان بولىپ سانالادى. داۋىستار تەڭ بولعان جاعدايدا, كەڭەس توراعاسى داۋىس بەرگەن شەشىم قابىلدانعان بولىپ ەسەپتەلەدى. كەڭەس مۇشەلەرiنiڭ ەرەكشە پiكiر ايتۋعا قۇقىعى بار, ول بىلدىرىلگەن جاعدايدا, جازباشا تۇردە جازىلادى جانە كەڭەس وتىرىسىنىڭ حاتتاماسىنا قوسا تىگىلەدى.
21. كەڭەس شەشىمدەرى اۋديت ورگاندارى ءۇشىن مىندەتتى بولىپ تابىلادى.
22. اۋديت ورگاندارى جىل سايىن كەڭەس شەشىمدەرىنىڭ ورىندالۋ بارىسى تۋرالى وسى ەرەجەگە 2-قوسىمشاعا ساي نىساندا ەسەپ جاسايدى.
23. جۇمىس ورگانىنا جىل سايىن ەسەپتى جىلدان كەيىنگى جىلدىڭ 20 قاڭتارىنان كەشىكتىرىلمەي, مىنالار:
تەكسەرۋ كوميسسيالارى جانە ىشكى مەملەكەتتىك اۋديت جونىندەگى ۋاكىلەتتى ورگاننىڭ كەڭەستىڭ شەشىمدەرىن وزدەرىنىڭ ورىنداۋ بارىسى تۋرالى ەسەبى;
ىشكى مەملەكەتتىك اۋديت جونىندەگى ۋاكىلەتتى ورگاننىڭ كەڭەستىڭ شەشىمدەرىن ىشكى اۋديت قىزمەتتەرىنىڭ ورىنداۋ بارىسى تۋرالى جيناقتالعان اقپاراتى ۇسىنىلادى.
24. جۇمىس ورگانى قاجەت بولعان جاعدايدا سۇراۋ سالۋ ارقىلى ەسەپ جانە اقپارات ۇسىنۋدىڭ وزگە دە مەرزىمدەرىن بەلگىلەيدى.
25. اۋديت ورگاندارىنىڭ باسشىلارى كەڭەستىڭ شەشىمدەرىنىڭ ۋاقتىلى جانە ساپالى ورىندالۋىنا جانە ولاردىڭ ورىندالۋ بارىسى تۋرالى اقپاراتتى ۇسىنۋعا جاۋاپتى بولادى.
26. كەڭەس شەشىمدەرىنىڭ ورىندالۋ بارىسى تۋرالى اقپارات كەڭەستىڭ وتىرىستارىندا قارالادى.
27. جۇمىس ورگانى كەڭەس شەشىمدەرىنىڭ (تاپسىرمالارىنىڭ) ۋاقتىلى مەن تولىق ورىندالۋىنا تالداۋ جاسايدى.
جۇمىس ورگانى كەڭەستىڭ شەشىمدەرىنىڭ (تاپسىرمالارىنىڭ) ورىندالۋىن تالداۋدىڭ قورىتىندىلارى بويىنشا زاڭنىڭ جانە وسى ەرەجەنىڭ تالاپتارىنا سايكەس كەڭەستىڭ شەشىمىن (تاپسىرماسىن) ورىنداماعان اۋديت ورگاندارى باسشىلارىنىڭ جاۋاپتىلىعىن قاراۋ تۋرالى كەڭەستىڭ توراعاسىنا ۇسىنىستار ەنگىزەدى.
28. كەڭەستىڭ كوشپەلى وتىرىستارىن وتكىزۋگە رۇقسات ەتىلەدى.
كەڭەستىڭ كوشپەلى وتىرىستارىن ۇيىمداستىرۋ ولاردى وتكىزەتىن اۋماقتارداعى ءتيىستى تەكسەرۋ كوميسسيالارىنىڭ اپپاراتتارىمەن بىرگە جۇمىس ورگانىنا جۇكتەلەدى.
29. كەڭەس وزىنە جۇكتەلگەن مىندەتتەردى جۇزەگە اسىرۋ ءۇشىن قاجەت بولعان جاعدايدا جۇمىس توپتارىن قۇرادى. جۇمىس توپتارىنىڭ قۇرامدارى كەڭەس مۇشەلەرىنىڭ ۇسىنىستارى بويىنشا قالىپتاستىرىلادى جانە ونى كەڭەس وتىرىسىندا كەڭەستىڭ توراعاسى بەكىتەدى.
جۇمىس توپتارى كەڭەسكە ادىسنامالىق قۇجاتتاردى, ۇسىنىمدار ازىرلەيدى, ولار كەڭەس وتىرىسىندا قارالادى جانە ونىڭ حاتتاماسىمەن ماقۇلدانادى.
مەملەكەتتىك اۋديت جانە قارجىلىق باقىلاۋ ورگاندارىنىڭ ۇيلەستىرۋ كەڭەسى تۋرالى ەرەجەگە قوسىمشا
نىسان
مەملەكەتتىك اۋديت جانە قارجىلىق باقىلاۋ ورگاندارى ۇيلەستىرۋ كەڭەسىنىڭ شەشىمدەرىن
ورىنداۋ بارىسى تۋرالى ەسەپ
20__ جىلعى «__» _____ وتىرىستىڭ №__ حاتتاماسى
ر/س№ ۇيلەستىرۋ كەڭەسىنىڭ تاپسىرماسى (شەشىمى) ورىندالۋ بارىسى (ورىندالدى, ءىشىنارا ورىندالدى, ورىندالعان جوق) قول جەتكىزىلگەن ناتيجە
(نەمەسە ورىندالماۋ, ءىشىنارا ورىنداۋ نەمەسە
ءىس-شارانىڭ ورىندالۋ مەرزىمدەرىن ۇزارتۋ سەبەپتەرى, سونداي-اق قابىلدانعان شارالار)
1. ____________________________________________________ ماسەلە
1.
2.
2. ____________________________________________________ ماسەلە
1.
2.
20__ جىلعى «__» _____ _ وتىرىستىڭ №_حاتتاماسى
1. ____________________________________________________ ماسەلە
1.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 24 جەلتوقسان نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12493 بولىپ ەنگىزىلدى.