2016 جىلى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە زەينەتاقىمەن قامسىزداندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ 2016 جىلعى 2 تامىزداعى № 342-V زاڭىمەن «قازاقستان رەسپۋبليكاسىندا زەينەتاقىمەن قامسىزداندىرۋ تۋرالى» قازاقستان رەسپۋبليكاسىنىڭ زاڭىنا ەنگىزىلگەن وزگەرىستەر مەن تولىقتىرۋلارعا سايكەس «بجزق» اق-تان تولەنەتىن زەينەتاقى تولەمدەرىن الۋ ءتارتىبى وزگەردى.
بجزق-دا زەينەتاقى جيناقتارى بولعان كەزدە بەلگىلەنگەن كەستە بويىنشا مىندەتتى زەينەتاقى جارنالارى (مزج), مىندەتتى كاسىپتىك زەينەتاقى جارنالارى (مكزج) ەسەبىنەن بجزق-دان تولەنەتىن زەينەتاقى تولەمدەرىنە قۇقىعى بار تۇلعالار:
– 63 جاسقا تولعان ەرلەر, 58 جاسقا تولعان ايەلدەر 2018 جىلعى 1 قاڭتاردان باستاپ – 58,5 جاسقا; 2019 جىلعى 1 قاڭتاردان باستاپ – 59 جاسقا; 2020 جىلعى 1 قاڭتاردان باستاپ – 59,5 جاسقا; 2021 جىلعى 1 قاڭتاردان باستاپ – 60 جاسقا; 2022 جىلعى 1 قاڭتاردان باستاپ – 60,5 جاسقا; 2023 جىلعى 1 قاڭتاردان باستاپ – 61 جاسقا; 2024 جىلعى 1 قاڭتاردان باستاپ – 61,5 جاسقا; 2025 جىلعى 1 قاڭتاردان باستاپ – 62 جاسقا; 2026 جىلعى 1 قاڭتاردان باستاپ – 62,5 جاسقا; 2027 جىلعى 1 قاڭتاردان باستاپ – 63 جاسقا تولعاندا الادى;
– ەگەر مۇگەدەكتىگى مەرزىمسىز بولىپ بەلگىلەنسە, ءبىرىنشى جانە ەكىنشى توپتاعى مۇگەدەكتەر.
زەينەتاقى تولەمدەرىن الۋشى جالپىعا بىردەي بەلگىلەنگەن زەينەت جاسىنا تولعاندا مزج جانە مكزج ەسەبىنەن كەستە بويىنشا زەينەتاقى تولەمدەرىن تاعايىنداۋ تۋرالى ءوتىنىشتى رەسىمدەۋ ءۇشىن بجزق-نىڭ جاقىن كەڭسەسىنە بارىپ ءوتىنىش جاساۋعا ءتيىس. ونىڭ وزىمەن بىرگە جەكە باسىن كۋالاندىراتىن قۇجاتتىڭ كوشىرمەسى, زەينەتاقى جيناقتارىن اۋدارۋ ءۇشىن الۋشىنىڭ بانك شوتى تۋرالى مالىمەتتەر بولۋ كەرەك. سونىمەن قاتار, الۋشى زەينەتاقى تولەمدەرىن رەسىمدەۋ ءۇشىن قۇجاتتاردى سەنىم بىلدىرىلگەن ادام نە پوشتا بايلانىسى ارقىلى دا بەرە الادى.
قازاقستان رەسپۋبليكاسى زاڭناماسىنىڭ تالاپتارىنا سايكەس كەلەتىن قۇجاتتار بەرىلگەننەن كەيىن, بجزق زەينەتاقى تولەمدەرىن ون جۇمىس كۇنى ىشىندە جۇزەگە اسىرادى. تولەمدەر كەزەڭدىلىگىن الۋشىنىڭ ءوزى بەلگىلەيدى, مىسالى, جىلىنا ءبىر رەت, توقسان سايىن ءبىر رەت نە اي سايىن.
الۋشى زەينەتاقى جيناقتارىنىڭ بارلىق سوماسى رەسپۋبليكالىق بيۋدجەت تۋرالى زاڭدا ءتيىستى قارجى جىلىنا بەلگىلەنگەن ەڭ ءتومەنگى زەينەتاقىنىڭ وتىز ەسەلەنگەن مولشەرىنەن از بولعان جاعدايدا,سول بارلىق سومانى الا الادى.
ەگەر تولەم جاسالعاننان كەيىن جەكە زەينەتاقى شوتىنداعى زەينەتاقى جيناقتارىنىڭ قالدىعى ەڭ تومەنگى زەينەتاقى مولشەرىنەن از سومانى قۇراسا, وسى قالدىق تولەم سوماسىمەن بىرگە تولەنەدى.
زەينەتاقى جيناقتارىن اۋدارۋعا, ەسەپتەۋگە جانە تولەۋگە بايلانىستى بانك قىزمەتتەرىنە اقى تولەۋ, ولاردى ايىرباستاۋ جانە الۋشىلاردىڭ شەتەل بانكتەرىندە اشىلعان بانك شوتتارىنا اۋدارۋدى قوسپاعاندا, بجزق-نىڭ ءوز مەنشىكتى قاراجاتى ەسەبىنەن جۇزەگە اسىرىلادى.
زەينەتاقى زاڭناماسىنا ءسايكەس بجزق مىندەتتى زەينەتاقى جارنالارىن, مىندەتتى كاسىپتىك زەينەتاقى جارنالارىن, ەرىكتى زەينەتاقى جارنالارىن تارتۋدى, زەينەتاقى تولەمدەرىن, زەينەتاقى جيناقتارى مەن تولەمدەرىن جەكە ەسەپكە الۋدى جۇزەگە اسىرادى, سالىمشىعا (الۋشىعا) زەينەتاقى جيناقتارىنىڭ جاي-كۇيى تۋرالى اقپارات بەرەدى (تولىعىراق www.enpf.kz), دەپ حابارلادى «بجزق» اق ءباسپاسوز ورتالىعى.