اقتوبە. 27 قاڭتار. اقتوبە قالاسىندا5s ق.جۇبانوۆ اتىنداعى وڭىرلىك مەملەكەتتىك ۋنيۆەرسيتەتىنىڭ ستۋدەنتتەر سارايىندا «مەنىڭ جەتىستىگىم – تاۋەلسىزدىكتىڭ جەتىستىگى» اتتى ايماقارالىق جاستار فورۋمى ءوتتى. وعان وڭىرگە جۇمىس ساپارىمەن كەلگەن مەملەكەتتىك حاتشى گۇلشارا ابدىقالىقوۆا مەن وبلىس اكىمى بەردىبەك ساپارباەۆ قاتىستى. بۇل تۋرالى egemen.kz ءتىلشىسى حابارلادى.
سونىمەن قاتار, فورۋمعا ەلىمىزدىڭ باتىس ايماقتارىنان, كورشىلەس قىزىلوردا, رەسەيدىڭ ورىنبور وبلىسىنان دەلەگاتتار كەلدى. جاستار جيىنىنىڭ شىمىلدىعى ەگەمەن ەلىمىزدىڭ تاۋەلسىزدىك العان 25 جىل ىشىندە ءجۇرىپ وتكەن جولى مەن قول جەتكەن تابىستارى تۋرالى بەينەفيلممەن اشىلدى. وندا الەم مويىنداعان قازاقستاننىڭ ەكونوميكالىق جانە ساياسي دامۋ باعىتتارى باياندالدى.
فورۋمدى كىرىسپە ءسوز سويلەپ اشقان وبلىس اكىمى بەردىبەك ساپارباەۆ بۇگىنگى جاستار جيىنىن نۇرسۇلتان نازارباەۆ ايقىنداپ بەرگەن باسىم باعىتتاردى ورىنداۋ, ايماقتاردىڭ ەكونوميكاسىن دامىتۋ, ايماقتار اراسىندا ىنتىماقتاستىقتى نىعايتۋ ماقساتىندا جاسالعان ماڭىزدى قادام رەتىندە باعالادى. ەلباسىنىڭ باستاماسىمەن قولعا الىنعان «100 ناقتى قادام» ۇلت جوسپارىنىڭ بەس ينستيتۋتتىق رەفورمالارىن جۇزەگە اسىرۋعا جاستاردى بەلسەندى تارتۋ جانە ولاردىڭ شىعارماشىلىق الەۋەتىن دامىتۋعا ىقپال ەتۋ – مەملەكەتتىك ورگانداردىڭ باستى مىندەتى ەكەنىن اتاپ ءوتتى. مەملەكەت باسشىسى نۇرسۇلتان نازارباەۆ «قازاقستان جاڭا جاھاندىق ناقتى احۋالدا: ءوسىم, رەفورمالار, دامۋ» اتتى قازاقستان حالقىنا جولداۋىندا اتاپ كورسەتكەندەي, جاستارعا زور جاۋاپكەرشىلىك جۇكتەلەتىنىن العا تارتا سويلەدى. سونداي-اق, ەل كەلەشەگىنىڭ كەمەلدىلىگى جاستاردىڭ تەرەڭ ءبىلىم الىپ, بىلىكتى مامان بولىپ شىعۋى, ءسويتىپ, تاۋەلسىزدىكتىڭ تۇعىرلى بولۋ جولىندا ەلەۋلى ۇلەس قوسۋى ارقىلى قالىپتاساتىنىن جەتكىزدى. بۇل باعىتتا ەلىمىزدە جاستارعا قولايلى جاعدايلار جاسالىپ وتىرعانىن اتاپ ءوتتى. سونىڭ ءبىر كورىنىسى رەتىندە «بولاشاق» مەملەكەتتىك باعدارلاماسىنا توقتالىپ, كوپتەگەن جاستاردىڭ شەتەلدەردە ءبىلىم الىپ كەلگەنىن, جاستاردىڭ قوعامعا قاجەتتى ازامات بولىپ قالىپتاسۋىنا العىشارت جاسايتىن باسقا دا باعدارلامالاردىڭ جۇزەگە اسىرىلىپ جاتقانىن تىلگە تيەك ەتتى.
مەملەكەتتىك حاتشى گۇلشارا ابدىقالىقوۆا مەملەكەت تاراپىنان وسكەلەڭ ۇرپاقتى تاربيەلەۋگە باسا نازار اۋدارىلىپ وتىرعانىن, ەلىمىزدە جاستاردىڭ جان-جاقتى دامۋى ءۇشىن قولايلى جاعدايلار مەن ءتيىمدى جۇمىس ىستەۋ ۇلگىسى جاسالعانىن, قالا مەن اۋدانداردا جاستاردىڭ رەسۋرستىق ورتالىقتارى قۇرىلعانىن اتاپ ءوتتى. ول ەلىمىزدە «بولاشاق», «جاسىل ەل», «ديپلوممەن اۋىلعا», «جاستار تاجىريبەسى» «سەرپىن» جوبالارى تابىستى جۇزەگە اسىرىلعانىن, ەلباسىنىڭ قولداۋىمەن 2017 جىلى تەگىن كاسىپتىك-تەحنيكالىق ءبىلىم بەرۋدى كوزدەيتىن جاڭا جوبانىڭ باستاۋ الاتىنىن مالىمدەدى.
فورۋمدا ستۋدەنتتىك, جۇمىسشى جانە اۋىل جاستارىنىڭ ەتنومادەني بىرلەستىكتەردىڭ وكىلدەرى, جاس كاسىپكەرلەر مەن تاۋەلسىزدىك قۇرداستارى ءسوز الىپ, تاۋەلسىزدىك جىلدارى قول جەتكەن جەتىستىكتەر جايىندا اڭگىمە ءوربىتتى. تاۋەلسىزدىكتىڭ 25 جىلدىعىنا ارنالعان شارادا ەل, وتان, تۋعان جەر تۋرالى پاتريوتتىق اندەر شىرقالىپ, جاستاردى وتانشىلدىق سەزىمگە جىگەرلەندىردى.
شارا بارىسىندا رەسپۋبليكالىق دەڭگەيدە وتكىزىلەتىن «سپورتسىز ءبىر كۇن جوق» سپورتتىق, «بولاشاقتىڭ 25 يدەياسى» عىلىمي, «25 قايىرىمدى ءىس» قايىرىمدىلىق, «ەكوترەند-04» ەكولوگيالىق جانە «بابالار ىزىمەن» ۇلتتىق مادەني شىعارماشىلىق مارافوندارى باستاۋ الدى. القالى جيىن سوڭىندا فورۋمعا قاتىسۋشىلار ەلىمىزدىڭ جاستارىنا ۇندەۋ جولدادى.
ساتىبالدى ءساۋىرباي.
دەرەك, سۋرەت: egemen.kz.