اتىراۋ. 27 قاڭتار. وتكەن جىلدىڭ اياعىندا ەلباسى جارلىعىمەن مەملەكەتتىك سىيلىقتىڭ يەگەرى اتانعان ءبىر توپ مۇنايشىعا اتىراۋ وبلىسىنىڭ قۇرمەتتى ازاماتى اتاعى بەرىلدى. بۇل تۋرالى egemen.kz ءتىلشىسى حابارلادى.
اتىراۋ وبلىستىق ءماسليحاتىنىڭ دەپۋتاتتارى 18 قاڭتاردا كەزەكتەن تىس وتكىزىلگەن ءحححىح سەسسيادا مەملەكەتتىك سىيلىقتىڭ يەگەرلەرى ورال اقشولاقوۆ, قۋاندىق بالتابەكوۆ جانە قۇرمانعازى ەسقازيەۆكە (سۋرەتتە) «اتىراۋ وبلىسىنىڭ قۇرمەتتى ازاماتى» اتاعىن بەرۋ جونىندەگى ۇسىنىسقا قولداۋ ءبىلدىردى. ويتكەنى, بۇل مۇنايشىلار ەلىمىزدىڭ مۇناي-گاز ونەركاسىبى سالاسىنىڭ وركەندەۋىنە, سونداي-اق, اتىراۋ وبلىسىنىڭ دامۋىنا دا لايىقتى ۇلەستەرىن قوسقان. بىلتىر بۇل مۇنايشىلار «قازاقستان رەسپۋبليكاسىنىڭ كومىرسۋتەگى الەۋەتىن عىلىمي نەگىزدەۋ» تاقىرىبىنداعى ۇجىمدىق جۇمىسى ءۇشىن عىلىم مەن تەحنيكا سالاسىنداعى ءال-فارابي اتىنداعى مەملەكەتتىك سىيلىقتىڭ يەگەرى اتانعان بولاتىن.
قازاق مۇنايىنىڭ العاشقى تامشىسى الىنعان قازىنالى وبلىستىڭ قۇرمەتتى ازاماتى اتانعان مۇنايشىنىڭ ءبارى دە اتىراۋداعى مۇناي-گاز ونەركاسىبىندە ەڭبەك ەتىپ, تولىمدى تاجىريبە جيناعان. سونىڭ ءبىرى قۇرمانعازى ەسقازيەۆ قازاق مۇنايىنىڭ قاراشاڭىراعى – «ەمبىمۇنايگاز» اكتسيونەرلىك قوعامىن باسقارىپ, قازىر «قازمۇنايگاز» بارلاۋ ءوندىرۋ» اكتسيونەرلىك قوعامىنا جەتەكشىلىك ەتەدى.
جولداسبەك شوپەعۇل.
دەرەك, سۋرەت: egemen.kz.