تاراز. 27 قاڭتار. ۇكىمەتتىڭ قاۋلىسىمەن 2015 جىلدىڭ قاڭتارى مەن 2016 جىلدىڭ قاڭتار ايى ارالىعىندا تراۆماتيكالىق جانە گازبەن اتىلاتىن قارۋ-جاراقتى ءوز ەرىكتەرىمەن جەرگىلىكتى ىشكى ىستەر بولىمدەرىنە تاپسىرۋ اكتسياسى ءوتتى. بۇل تۋرالى egemen.kz ءتىلشىسى حابارلادى.
جامبىل وبلىستىق ءىىد اكىمشىلىكتىك پوليتسياسى باسقارماسى باسشىسىنىڭ مىندەتىن اتقارۋشى قاسىم قۇلسەرىكوۆتىڭ ايتۋىنشا, وسى ۋاقىت ىشىندە جامبىل وبلىسىنىڭ ىشكى ىستەر بولىمدەرىنە تۇرعىندار تاراپىنان بارلىعى 1631 قارۋ-جاراق تاپسىرىلىپتى. ونىڭ 517-ءسى تراۆماتيكالىق قارۋ, 1114-ءى گاز-تراۆماتيكالىق قارۋ. وسى ءبىر جىل ىشىندە تۇرعىنداردان 1637 ءوتىنىش تۇسكەن. قارۋ-جاراقتى قابىلداپ الۋ كوميسسياسى جالپى سومماسى 82 ميلليون 80 مىڭ تەڭگەنى قۇرايتىن 1610 دانا قارۋدى ساتىپ الۋعا شەشىم قابىلداپتى. ونىڭ 77 ميلليون 797 مىڭ تەڭگەسى تولەندى. قالعان قارجى بيىل تولىعىمەن تولەنەدى.
بۇدان بولەك 50 قارۋ تىركەۋ مەرزىمىنىڭ ءوتىپ كەتۋىنە بايلانىستى تاپسىرىلعان. ول قارۋ يەلەرى اكىمشىلىكتىك جاۋاپكەرشىلىككە تارتىلىپ, 258 مىڭ تەڭگە كولەمىندە ايىپ تولەدى.
ورالحان ءداۋىت.
دەرەك, سۋرەت: egemen.kz