تاراز. 27 قاڭتار. وتكەن جىل جامبىل وبلىسىنىڭ سپورتشىلار ءۇشىن ەرەكشە تابىستى جىل بولدى. وبلىس سپورتشىلارى ءتۇرلى الەمدىك جانە حالىقارالىق جارىستاردا 1128 مەدالعا يە بولدى. بۇل تۋرالى egemen.kz ءتىلشىسى حابارلادى.
جامبىل وبلىستىق سپورت جانە دەنەشىنىقتىرۋ باسقارماسىنىڭ باسشىسى گاملەت قايناربەكوۆتىڭ ايتۋىنشا, جەرلەستەرىمىز الەم, ازيا چەمپيوناتتارى مەن كۋبوكتارىندا 111 مەدال, (52 التىن, 31 كۇمىس, 28 قولا جۇلدە), حالىقارالىق تۋرنيرلەردە 194 مەدال (59 التىن, 52 كۇمىس, 83 قولا جۇلدە) جانە قازاقستان چەمپيوناتتارىندا 823 مەدال (347 التىن, 173 كۇمىس, 303 قولا جۇلدە) يەلەنىپ, جىلدى وتە تابىستى اياقتادى.
اتاپ ايتار بولساق, دزيۋدودان قازاق جاستارى اراسىندا تۇڭعىش مارتە الەم چەمپيونى اتاعىن جەڭىپ العان تالانتتى جەرلەسىمىز ەلدوس سمەتوۆتىڭ ەسىمى ۇلت سپورتىنىڭ تاريحىنا التىن ارىپپەن جازىلدى. 2014-2015 جىلعى ماۋسىمداعى ۇلتتىق ليگا كوماندالارى اراسىندا «تاراز» ۆولەيبول كومانداسى قازاقستاننىڭ ءححىىى چەمپيوناتىنىڭ چەمپيونى جانە قازاقستان سۋپەر كۋبوگىنىڭ يەگەرى اتاندى.
سونداي-اق, وتكەن جىلى «قازاقستان بارىسى» رەسپۋبليكالىق تۋرنيرىندە بەيبىت ىستىباەۆ ەكىنشى رەت جەڭىمپاز اتانىپ, جامبىل وبلىسى سپورتىنىڭ اتىن بيىككە كوتەردى.
ال, پاراليمپيالىق سپورتشىلار اراسىنداعى شوتلانديادا وتكەن الەم چەمپيوناتىندا زۋلفيا گابيدۋللينا بيىلعى جىلى ريو-دە-جانەيرودا جالاۋىن كوتەرەتىن پاراليمپيا ويىندارىنا قاتىسۋعا جولدامانى ۇتىپ الدى. جانە ول سوچيدە وتكەن امپۋتانتتارمەن ارباداعىلاردىڭ بۇكىلالەمدىك ويىندارىنان 4 التىن مەدالمەن ورالدى.
سونداي-اق, امپۋتانتتارمەن ارباداعىلاردىڭ اراسىنان بۇكىلالەمدىك ويىنداردا تاعى ءبىر دارىندى جەرلەسىمىز پاراتاەكۆوندودان ءومىرالى نىشان چەمپيون اتاندى.
سونىمەن قاتار, بوكستان ازيا چەمپيوناتىندا ولجاس ساتتىباەۆ ءبىرىنشى ورىندى, ال گۋزاليا گافۋروۆا ەرەسەكتەر اراسىندا كۇمىس جۇلدەگە, بوكستان جاسوسپىرىمدەر اراسىنداعى الەم چەمپيوناتىندا حۋرشەدشوح يسكانداروۆ جۇلدەلى ەكىنشى ورىنعا كوتەرىلدى.
2015 جىلى ارمرەسلينگتەن انتونينا ليسيانسكايا مەن زاير احمەدوۆ الەم چەمپيوناتىندا ءبىرىنشى ورىندى يەلەنسە, تاتيانا ۆەرينا مەن ۆلاديمير ماتچەنكو ەكىنشى ورىنعا شىقسا, بوكستان اسكەريلەر اراسىنداعى بۇكىلالەمدىك ويىنداردا اسلانبەك شىمبەرگەنوۆ التىننان القا تاعىپ, جامبىل وبلىسى بوكس مەكتەبىنىڭ باي ءداستۇرىن جالعاستىردى.
ۆەلوسپورتتان دىنمۇحامەد ۇلىسباەۆ – جاسوسپىرىمدەر اراسىندا الەم كۋبوگىنىڭ ءبىر كەزەڭىندە ءتورتىنشى ورىندى يەلەنىپ, قازاقستان ۆەلوسپورتىنىڭ رەيتىنگىسىندە ءبىرىنشى ورىنعا ورنىقتى.
جۇزۋدەن جاستار اراسىنداعى ازيا چەمپيوناتىندا ءادىل قاسقاباي 3 التىن مەدالعا يە بولدى. ناتيجەسىندە ۇلتتىق قۇراما كوماندا قاتارىنا الىندى.
سونىمەن قاتار, وتكەن جىلى اۋىر اتلەتيكادان وتكەن الەم چەمپيوناتىندا ءبىزدىڭ وليمپيادالىق ۇمىتكەرىمىز جاسۇلان قىدىرباەۆ قولا, كيكبوكسينگتەن ءنۇردىردا ەراليەۆ كۇمىس جۇلدەگەر اتاندى.
ال, اتىراۋ قالاسىندا سامبودان وتكەن ازيا چەمپيوناتىندا ەرلەر اراسىندا بەگادىل شايمەردەنوۆ ءبىرىنشى ورىن, امانعالي جارتىباەۆ ەكىنشى ورىندى, ايەلدەر اراسىندا ارايلىم شەگەنوۆا ءبىرىنشى ورىندى جەڭىپ الدى.
تاعى دا ءبىر تابىستى كورسەتكىش, قازاقستان حالقى اسسامبلەياسىنىڭ 20 جىلدىعىنا ارنالعان ۇلتتىق سپورت تۇرلەرىنەن ءىV-ءشى رەسپۋبليكالىق فەستيۆالدا جامبىل وبلىسىنىڭ قۇراما كومانداسى اسىق اتۋ, قۇسبەگىلىكتەن ءبىرىنشى ورىندى جانە سايگ ۇلىك بايقاۋىنان ەكىنشى ورىندى يەلەنىپ, جالپى كوماندالىق ەسەپتە وبلىس قۇراما كومانداسى ءۇشىنشى ورىنعا كوتەرىلدى.
ورالحان ءداۋىت.
دەرەك, سۋرەت: egemen.kz