وبلىس اكىمدىگىنىڭ قاداعالاۋىندا تۇرعان ماسەلە
سەمەيدە ەرتىس وزەنى دەڭگەيىنىڭ كۇرت كوتەرىلۋىنە بايلانىستى تۇيەمويناق ارالى مەن شىعىس كەنتىندەگى ءابدۋالي, اق جول, جىبەك جولى سىندى ءبىرنەشە كوشەنى سۋ باسۋ قاۋپى بار. مۇنداي ەسكەرتۋدى ءبىرنەشە كۇننەن بەرى توتەنشە جاعدايلار قىزمەتىنىڭ ماماندارى تۇرعىندارعا حابارلاي باستادى. الدىن الۋ ماقساتىندا جەرگىلىكتى اتقارۋشى بيلىك وكىلدەرى مەن قۇتقارۋشىلاردان قۇرىلعان ەكى توپ, ءتيىستى ەسكەرتۋلەر جازىلعان قاعازداردى اۋلالارعا تاراتقان. سونداي-اق, بۇل جۇمىستارعا دىبىس زورايتقىشى بار 2 اۆتوكولىك جۇمىلدىرىلعان. تۇرعىن باۋىرجان جولدىبالين دە ەسكەرتۋ قاعازدى الدىق, قاداعالاپ دايىن وتىرامىز دەيدى.
ايتا كەتۋ كەرەك, سەمەيدەگى شىعىس كەنتىندە قىس ورتاسىندا وزەن دەڭگەيى كوتەرىلىپ ەكى جىل بۇرىن تۇرعىن ۇيلەردى سۋ باسقان بولاتىن. ول كەزدە تۇرعىندار تۇندەلەتىپ قاۋىپسىز جەرگە كوشىرىلگەن. مۇنداي جاعداي تاعى قايتالانۋى مۇمكىن, دەيدى ماماندار. سوندىقتان, توتەنشە جاعداي قىزمەتىنىڭ ماماندارى تۇرعىندارعا ەسكەرتۋ جاساپ, ارنايى حابارلامالار تاراتىپ جاتىر. تەلەارنالار ارقىلى دا ەسكەرتۋ بەرىلدى. جاعداي ۋشىعار بولسا تۇرعىندار كوشۋگە دايىن.
قازىر ءتيىستى مەكەمە ماماندارىنان جەدەل شتاب قۇرىلعان. وقيعا ورنىنا وبلىس اكىمىنىڭ ورىنباسارى دميتري گاريكوۆ ارنايى كەلىپ, جاعدايدى كورىپ, تاپسىرمالار بەردى. مامانداردىڭ ايتۋىنشا, قاتتى ايازدان سۋ دەڭگەيى كوتەرىلگەن. ەرتىس ارناسىنىڭ كەي جەرلەرىنە مۇزدىڭ كوپتەپ قاتۋى, سۋ اعىسىن تەجەگەن. شىعىس كەنتىندەگى جاعداي قازىر قاتاڭ باقىلاۋدا. كەزەكشىلەر سۋ دەڭگەيىنىڭ مولشەرىن 2 ساعات سايىن ولشەپ وتىر. ازىرگە ول 2 سانتيمەترگە تومەندەگەن.
راۋشان نۇعمانبەكوۆا.
سەمەي.