قاراعاندى. 23 قاڭتار. قاراعاندىداعى س. ساپيەۆ اتىنداعى بوكس ورتالىعىندا بۇكىلالەمدىك بوكس سەرياسىنىڭ التىنشى ماۋسىمى سالتاناتتى تۇردە اشىلدى. بۇل تۋرالى egemen.kz ءتىلشىسى حابارلادى.
بۇل كۇنى شارشى الاڭنىڭ تورىندە قوس كوماندا «استانا ارلانس» پەن «باكۋ فايرس» شىن مىقتىنى انىقتادى. ەكى كوماندا اراسىنداعى تارتىستى كەزدەسۋلەر 4:1 ەسەبىمەن قازاقستاندىق بىلعارى قولعاپ شەبەرلەرىنىڭ پايداسىنا شەشىلدى.
«استانا ارلاندارى» كلۋبىنا العاشقى جەڭىستى 49 كيلو سالماقتاعى تەمىرتاس ءجۇسىپوۆ اكەلدى. ول ءوزىنىڭ قارسىلاسى دجاۆيد داداشوۆتان 3:0 (50:45, 50:45, 50:45) ەسەبىمەن باسىم ءتۇستى. بۇدان كەيىن رينگكە كوتەرىلگەن مەيىربولات تويتوۆ 56 كيلو سالماق دارەجەسىندە ياراش ماگومەدوۆتى بەتقاراتپاي جەڭدى – 3:0 (49:44, 50:43, 49:44). 91 كيلودا بولعان ءۇشىنشى – شەشۋشى جەكپە-جەكتە ەركىن مۇحامەدجان قارسىلاسى حادج مۋرتۋزاليەۆتى ۇپاي سانىمەن ۇتىپ, استانالىق جارتىلاي كاسىپقوي كلۋبقا جالپىكوماندالىق جەڭىستى سىيعا تارتتى.
جالپى ەسەپكە وزگەرىس ەنگىزە المايتىن ءتورتىنشى جەكپە-جەكتە جەرلەسىمىز اسحات ءۋاليحانوۆ (64 كگ) گايباتۋللا گادجياليەۆتەن 0:3 (47:48, 46:49, 47:48:47) ەسەبىمەن ۇتىلىپ قالدى.
ال سوڭعى جۇپ – 75 كيلو سالماقتاعى مەيىرىم نۇرسۇلتانوۆ پەن بادري حاردزياني اراسىنداعى ايقاس 3:0 (49:46, 50:45, 50:44) ەسەبىمەن ءبىزدىڭ بوكسشىنىڭ جەڭىسىمەن اياقتالدى.
قايرات ءابىلدينوۆ.
سۋرەت, دەرەك: egemen.kz.