استانا. 15 قاڭتار. اقش پرەزيدەنتى ءوزى كەلگەن قالانىڭ اتىن شاتاستىرىپ الدى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
The Washington Times باسىلىمىنىڭ حابارلاۋىنشا, باتون-رۋجعا ىسساپارمەن كەلگەن اقش پرەزيدەنتى باراك وباما شتات استاناسىن شاتاستىرىپ ايتقان. ەل باسشىسى باتون-رۋج قالاسىنىڭ تۇرعىندارىنا قولداۋ بىلدىرگەندەرى ءۇشىن العىسىن ءبىلدىرىپ, ءسوزىن: «راحمەت, جاڭا ورلەان!», – دەپ اياقتاعان.
وسى باسىلىمنىڭ مالىمدەۋىنشە, بۇدان بۇرىن نەبراسكا شتاتىنىڭ وماحا قالاسىندا سويلەگەن سوزىندە ەل پرەزيدەنتى قۇراما شتاتتاردىڭ قاشان قۇرىلعانىن ۇمىتىپ, اقش 250 جىلدان بەرى ءومىر ءسۇرىپ كەلەدى دەگەن. الايدا, 2015 جىلى بۇل ەل تاۋەلسىزدىگىنىڭ 239 جىلدىعىن اتاپ وتكەن بولاتىن.
ەستەرىڭىزگە سالا كەتەيىك, 13-14 قاڭتار كۇندەرى باراك وباما نەبراسكا جانە لۋيزيانا شتاتتارىندا بولىپ, قاراپايىم امەريكالىقتارمەن ءوزىنىڭ كونگرەسستەگى جولداۋىن تالقىعا سالعان ەدى. اقش پرەزيدەنتى رەتىندەگى ءوزىنىڭ سوڭعى جولداۋىن باراك وباما كونگرەسستىڭ الدىندا 12 قاڭتار كۇنى كەشتە جولدادى.
ەلامان قوڭىر.
دەرەك: ريا «نوۆوستي».
سۋرەت: AP Photo.