استانا. 15 قاڭتار. جاپونيانىڭ ناگانو پرەفەكتۋراسىندا ورنالاسقان تاۋ شاڭعىلى شيپاجايىنا باعىت العان ساياحاتشىلار اۆتوبۋسى قۇزعا قۇلاپ, سالدارىنان 14 جولاۋشى قازا تاپتى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
پوليتسيا قىزمەتكەرلەرىنىڭ ايتۋىنشا, قازا تاپقانداردىڭ اراسىندا جۇرەك سوعىسى توقتاعانىمەن, 11 ساياحاتشىنى دارىگەرلەر رەسمي تۇردە مەرت بولعانداردىڭ قاتارىنا قوسقان جوق. ال اپات كەزىندە ءتۇرلى جاراقات العان 27 ادام اۋرۋحاناعا جەتكىزىلدى. مالىمەت بويىنشا, كولىك ىشىندە 41 جولاۋشى بولعان.
قازىرگى كەزدە, پوليتسيا قىزمەتكەرلەرى وقيعانىڭ نەگىزگى سەبەبىن انىقتاۋ جۇمىستارىنا كىرىستى. الدىن الا بولجام بويىنشا, ءتارتىپ ساقشىلارى كولىك اپاتىن تاۋ ەتەگىندەگى جولدىڭ تار بولۋىمەن بايلانىستىرۋدا.
ايان ءابدۋالي.
دەرەك: تاسس.
سۋرەت: 1tv.ru.