استانا. 14 قاڭتار. اقش پرەزيدەنتى باراك وباما ارنايى تۇردە بوسقىندارعا كومەك كورسەتۋ ءۇشىن قۇرىلعان مەملەكەتتىك قوردان 70 ميلليون دوللار قارجى بولىنەتىنى تۋرالى مالىمدەدى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
باراك وباما بۇل ءىستى مەملەكەتتىك حاتشى دجون كەرريگە تاپسىردى. «بولىنگەن قارجى بوسقىندار مەن ميگرانتتاردىڭ قۇراما شتاتتارعا ءوتۋ باعدارلاماسى جۇزەگە اسقاننان كەيىن قاجەتتىلىكتەرىنە جۇمسالادى» دەپ پرەزيدەنت ءباسپاسوز قىزمەتى حابارلادى.
2015 جىلى 30 قىركۇيەك كۇنى اقش-قا 85 مىڭ بوسقىن قونىس اۋداردى. بۇل كورسەتكىش جوسپارلانعان مەجەدەن 10 مىڭعا كوپ. ال وسى جىلى 100 مىڭعا دەيىن بارادى دەپ كۇتىلۋدە. سوڭعى ءۇش جىل ىشىندە قۇراما شتاتاردا بوسقىندارعا بەرىلەتىن كۆوتا سانى 70 مىڭنان از بولعان ەمەس.
وتكەن جىلدىڭ كۇزىندە پرەزيدەنت اكىمشىلىگى گۋمانيتارلىق كومەك رەتىندە سيريادان كەلگەن بوسقىندارعا 419 ميلليون دوللار قارجى بولىنەتىنىن مالىمدەگەن. پرەزيدەنت ءۇيىنىڭ ءباسپاسوز حاتشىسى دجوش ەرنەست بىرىككەن ۇلتتار ۇيىمىنىڭ ارنايى قۇرىلعان مەكەمەسى ارقىلى قارجىنىڭ ىسكە اسىرىلاتىنىن ايتتى. سونداي-اق, ونىڭ ايتۋىنشا, سيرياداعى قاقتىعىس وقيعالار باستالعالى ەل حالقىنا اقش باسشىلىعى گۋمانيتارلى تۇردە 4,5 ميلليارد دوللار كومەك كورسەتكەن.
ايان ءابدۋالي.
دەرەك: تاسس.
سۋرەت: zn.ua.