ماڭعىستاۋ وبلىسىنداعى جەتىباي ەلدى مەكەنىندەگى اۋرۋحانادا وسى كەزگە دەيىن جالعان مەدبيكە جۇمىس جاساپ كەلىپتى. ونى قۇقىق قورعاۋ ورگاندارىنىڭ قىزمەتكەرلەرى تاۋىپ الدى.
وسى قىلمىستىق ءىستى قاراعان قاراقيا اۋداندىق سوتى جەتىباي اۋرۋحاناسىندا ارنايى ءبىلىمسىز مەدبيكە جۇمىسىن اتقارىپ كەلگەن ادامعا قاتىستى شەشىم شىعاردى. ول قىلمىستىق كودەكستىڭ 685-بابى, 3-تارماعى بويىنشا ايىپتى بولىپ تانىلىپ, 99100 تەڭگە كولەمىندە ايىپپۇل تولەيتىن بولدى.
سوتتالۋشى اتالمىش اۋرۋحانادا 2012 جىلدان بەرى جۇمىس جاساپ كەلگەن. الايدا, ول ارنايى سەرتيفيكاتسىز مۇندا جۇمىس ىستەۋگە ءتيىس ەمەس ەدى. مۇنى بىلگەن جالعان مەدبيكە ونىڭ ورنىن جالعان سەرتيفيكاتپەن تولتىرىپ قويعان ەكەن.
مۇرات ايتقوجا.