قازاقستان جاستارى كونگرەسىنىڭ قازاقستان رەسپۋبليكاسى پارلامەنتىنىڭ ءماجىلىسى مەن بارلىق دەڭگەيدەگى ءماسليحاتتار دەپۋتاتتارىنىڭ مەرزىمىنەن بۇرىن سايلاۋلارىن وتكىزۋ جونىندەگى باستامانى قولداۋ تۋرالى
مالىمدەمەسى
ەلىمىزدىڭ جاستار ۇيىمدارى اتىنان قازاقستان جاستارىنىڭ كونگرەسى پارلامەنت ءماجىلىسى دەپۋتاتتارىنىڭ پارلامەنتتىڭ جانە بارلىق دارەجەدەگى ءماسليحاتتاردىڭ مەرزىمىنەن بۇرىن سايلاۋىن وتكىزۋ جونىندەگى باستاماسىنا قولداۋ كورسەتەدى. ءبىز بەسىنشى شاقىرىلىمداعى ءماجىلىس دەپۋتاتتارىنىڭ اتقارعان جۇمىسىنا جوعارى باعا بەرەمىز. وسى قۇرامداعى دەپۋتاتتاردىڭ قىزمەتىنىڭ بارىسىندا جاستاردىڭ ازاماتتىق, الەۋمەتتىك جانە ەكونوميكالىق بەلسەندىلىگىن ارتتىرۋ ءۇشىن قۇقىقتىق بازا قالىپتاستىرۋ جونىندە وراسان زور جۇمىس اتقارىلدى. «مەملەكەتتىك جاستار ساياساتى تۋرالى» جاڭا زاڭ قابىلداندى. سونىمەن بىرگە, مەملەكەت ومىرىندەگى ازاماتتىق قوعامنىڭ ءرولىن ارتتىرۋعا جاستاردىڭ گۋمانيتارلىق الەۋەتىن ارتتىرۋدى قامتاماسىز ەتەتىن بىرقاتار ماڭىزدى باستامالار ءىس جۇزىنە اسىرىلدى. مەرزىمىنەن بۇرىن سايلاۋ وتكىزۋ جونىندەگى باستاماعا بايلانىستى جاسالعان قادام دەپۋتاتتاردىڭ ازاماتتىق باستامالاردى كەڭەيتۋ ءۇشىن جاڭا مۇمكىندىكتەر اشۋعا دەگەن ۇمتىلىسىن كورسەتەدى. بۇل قادام ۇلكەن رەفورمالار تۇسىندا جانە داعدارىسقا قارسى شارالاردى ءىس جۇزىنە اسىرۋ بارىسىنداعى زاڭدى قادام بولىپ تابىلادى. ول دەپۋتاتتاردىڭ سەنىم مانداتىن جاڭارتۋعا, سونىمەن بىرگە, باستى زاڭ شىعارۋشى ورگانعا جاڭا كۇشتەردى تارتۋعا ىقپال ەتەتىن بولادى.