ىزگى وي, يگى باستاما

«ەلباسىنىڭ «ۇلت جوسپارى – قازاقستاندىق ارمانعا باستايتىن جول» تاقىرىبىندا جارىق كورگەن ماقالاسى ۇلت جوسپارىن جۇزەگە اسىرۋعا جالپىۇلتتىق قوزعاۋ سالدى. بۇل, شىن مانىسىندە, قوعامداعى بارلىق سالانى جانداندىرۋعا باعىتتالعان «جول كارتاسى» نەمەسە ءىس-قيمىلدار جۇيەسى ىسپەتتى». قازاقستان پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە «قوعامدىق كەلىسىم» رەسپۋبليكالىق مەملەكەتتىك مەكەمەسىنىڭ ديرەكتورى ناتاليا كالاشنيكوۆا وسىلاي دەدى ونىڭ ايتۋىنشا, بۇل ماقالادا ەلدى ىلگەرىلەتۋگە جول اشاتىن ناقتى تەتىكتەر كورسەتىلىپ, ماڭىزدى باعىت-باعدارلار ايقىندالعان. «جاڭا جىلدىڭ قارساڭىندا مەملەكەت باسشىسى «ۇلت جوسپارى – 100 ناقتى قادامدى» جۇزەگە اسىرۋعا سەپ بولاتىن بىرقاتار جارلىقتارعا قول قويدى. بۇل تۇجىرىمداما قازاقستاندىق بىرتەكتىلىك پەن بىرلىكتى نىعايتۋ مەن دامىتۋدى كوزدەيدى. وندا جالپىۇلتتىق بىرلىك پەن قوعامدىق كەلىسىمدى نىعايتۋداعى جاڭا مۇمكىندىكتەر مەن تەتىكتەر كورسەتىلگەن», – دەدى ن.كالاشنيكوۆا. سونداي-اق, ول قازاقستان حالقى اسسامبلەياسىن 2025 جىلعا دەيىن دامىتۋدىڭ جاڭا تۇجىرىمداماسىنا سايكەس, جۇمىستىڭ جاڭا ينستيتۋتتىق باعىتتارى ايقىندالعانىن, بۇل ەڭ ءبىرىنشى كەزەكتە, مەملەكەتتىك ءتىلدىڭ ۇلتتىق كورپۋسى جانە «مىڭ بالا» سەكىلدى جوبالاردى ودان ءارى ءتيىمدى جۇزەگە اسىرۋعا ىقپال ەتەتىنىن جەتكىزدى. ماسەلەن, «مىڭ بالا» جالپىۇلتتىق مادەني-اعارتۋشىلىق جوباسى اياسىندا بارلىعى 235 مىڭعا تارتا بالا قاتىسقان 7863 ءىس-شارا وتكىزىلىپتى. شارالاردىڭ ناتيجەسىندە 44 مىڭعا تارتا ءجاسوسپىرىم مەملەكەتتىك ءتىلدى وقىپ, ۇيرەنگەن. «2015 جىل – قازاقستان حالقى اسسامبلەياسى جىلى, «ۇلت جوسپارى – 100 ناقتى قادامدى» قولعا الۋ جىلى. بۇل جىل 5 ينستيتۋتتىق رەفورماعا قاجەتتى كەڭ الەۋمەتتىك بازانىڭ قالىپتاسۋىنا جانە قازاقستاندىق بىرتەكتىلىك پەن بىرلىكتى نىعايتۋعا ىقپال ەتتى. جالپى العاندا, الداعى ۋاقىتتا جۇزەگە اسىرىلاتىن رەفورمالاردىڭ قۇقىقتىق نەگىزىن جانداندىرۋ جۇزەگە اسىرىلدى. ماسەلەن, 50-دەن استام ءنورماتيۆتى-قۇقىقتىق اكتىلەر قابىلداندى, «قازاقستان حالقى اسسامبلەياسى تۋرالى» زاڭعا وزگەرتۋلەر ەنگىزىلدى, ءبىرىنشى رەت زاڭدىق تۇرعىدا «ماڭگىلىك ەل» جالپىۇلتتىق پاتريوتتىق يدەياسى بەكىتىلدى, «قايىرىمدىلىق تۋرالى» زاڭ قابىلداندى», – دەدى «قوعامدىق كەلىسىم» رەسپۋبليكالىق مەم­لەكەتتىك مەكەمەسىنىڭ ديرەكتورى. وسىلاي دەگەن ول الداعى ۋاقىتتا بىرتەكتىلىك جانە بىرلىك سيپاتىنداعى بارلىق جۇمىستى قازاقستان حالقى اسسامبلەياسىنىڭ اينالاسىنا شوعىرلاندىرىپ, ىسكە اسىرۋ كوزدەلىپ وتىرعانىنا, سەبەبى قازاقستان حالقى اسسامبلەياسى «قازاقستاندىق دامۋ جولىنىڭ» جانە «بەيبىتشىلىك مودەلى مەن قوعامدىق كەلىسىمنىڭ» وزەگى ەكەنىنە توقتالدى. «الەۋمەتتىك ساۋالنامالار جۇرگىزۋدىڭ قورىتىندىسى بو­يىنشا ەل تۇرعىندارىنىڭ 98 پايى­زى «ءبىز – قازاقستان ازاماتىمىز!» دەگەن ۇستانىمعا ماقتانىشپەن قارايتىنىنا, حالىقتىڭ 94,2 پايىزى «ماڭگىلىك ەل» جالپى­ۇلتتىق پاتريوتتىق يدەياسى قۇندىلىقتارىن قولدايتىنىنا, ال 92,8 پايىزى قازاقستاندا­عى ەتنوسارالىق كەلىسىمدى ساق­تاۋ ماقساتىنداعى مەملەكەتتىك ساياساتقا وڭ كوزقاراسپەن قاراي­تىنىنا كوز جەتكىزدىك», دەدى ول ءوز سوزىندە. بريفينگ بارىسىندا بيىل قازاقستان تاۋەلسىزدىگىنە 25 جىل تولاتىنى, سونىمەن قاتار, وسى جىلى 5 ينستيتۋتتىق رەفورما بەلسەندى تۇردە جۇزەگە اسىرىلا باستايتىنى, جالپىۇلتتىق جوبالاردىڭ ىسكە اسىرىلۋىندا نەگىزگى ءرولدى قازاقستان حالقى اسسامبلەياسى يەلەنەتىنى ايتىلدى. ماسەلەن, ءبىر عانا «ۇلكەن ەل – ۇلكەن وتباسى» جوباسى اياسىندا بۇگىنگى كۇنگە دەيىن 20-عا تارتا ءىس-شارا اتقارىلعان ەكەن. ال «تايقازان. قحا – 20 يگى ءىس» جوباسىنا 4,5 مىڭ ەلدى مەكەن قامتىلىپ, وعان 2,9 ملن. ادام قاتىسقان. سوعىس جانە تىل ارداگەرلەرى, الەۋمەتتىك جاعىنان از قامتىلعان وتباسىلار «قامقور» اكتسياسى اياسىندا 413 ملن. تەڭگە كولەمىندە قارجىلاي كومەك السا, 300-گە تارتا دىمكاس بالاعا 41 ملن. تەڭگە مولشەرىندە مەديتسينالىق كومەك كورسەتىلگەن. «2016 جىلى وسىنداي سيپاتتاعى يگى شارالار ءوزىنىڭ جالعاسىن تابا بەرمەك. مەملەكەت تاراپىنان قولعا الىنعان بارلىق شارالار «ۇلت جوسپارى – 100 ناقتى قادام» شەڭبەرىندە, ونىڭ ىشىندە ەلدىڭ تۇراقتىلىعى مەن قاۋىپسىزدىگىن ساقتاۋدى نەگىزگە الا وتىرىپ, ءجۇ­زەگە اسىرىلاتىن بولادى», دەدى ن.كالاشنيكوۆا. ءلايلا ەدىلقىزى, «ەگەمەن قازاقستان». سۋرەتتى تۇسىرگەن ەرلان وماروۆ.