وسكەمەن. 14 قاڭتار. شىعىس ءوڭىرىنىڭ بيىلعى جىلعى باسىم مىندەتتەرىنىڭ ءبىرى ەڭبەك ونىمدىلىگىن ەكى ەسە ارتتىرىپ, حالىقتى جۇمىسپەن قامتۋدىڭ كەشەندى شارالارىن جۇزەگە اسىرۋ بولىپ وتىر. بۇل تۋرالى egemen.kz ءتىلشىسى حابارلادى.
وبلىستا 16177 جاڭا جۇمىس ورنىن قۇرۋ كوزدەلۋدە. ەلباسى جولداۋىندا قاراستىرىلعان داعدارىسقا قارسى شارالار مەن قۇرىلىمدىق قايتا قۇرۋلاردى جۇزەگە اسىرۋ قيىندىقتاردى ەڭسەرۋگە جانە ەكونوميكالىق ءوسىم ىرعاعىن قالپىنا كەلتىرۋگە مۇمكىندىك بەرەدى.
وبلىستىق اقپاراتتىق ورتالىقتا مەملەكەت باسشىسىنىڭ «ۇلت جوسپارى – قازاقستاندىق ارمانعا باستايتىن جول» اتتى ماقالاسىن ساراپتاۋ ماقساتىندا وتكەن ءباسپاسوز ءماسليحاتىندا وبلىستىق جۇمىسپەن قامتۋ جانە الەۋمەتتىك باعدارلامالاردى ۇيلەستىرۋ باسقارماسىنىڭ باسشىسى مىندەتىن اتقارۋشى سامال مىرزاباەۆا وسىلاي دەدى.
«مەملەكەت باسشىسى «قازاقستان جاڭا جاھاندىق ناقتى احۋالدا: ءوسىم, رەفورمالار, دامۋ» اتتى جولداۋىندا حالىقتى جۇمىسپەن قامتۋعا زور كوڭىل ءبولدى. پرەزيدەنت اتاپ وتكەندەي, جاڭا ەكونوميكالىق جاعدايلار اتالعان سالانىڭ كۇشەيتىلۋىن تالاپ ەتەدى. بۇل تاپسىرمالاردى جۇزەگە اسىرۋ ءۇشىن ۇكىمەت جۇمىس ورىندارىن قۇرۋ مەن ساقتاۋعا, قىزمەت كورسەتۋدەگى جۇمىسپەن قامتۋدى كەڭەيتۋگە, ەڭبەك رەسۋرستارى ساپاسىن ارتتىرۋعا جانە جاڭا جۇمىس ورنىن قۇرۋدى ىنتالاندىرۋعا باسىمدىق بەرىلگەن «جۇمىسپەن قامتۋدىڭ جول كارتاسىنداعى» وزگەرتۋلەر مەن تولىقتىرۋلاردى ماقۇلدادى. وزەكتىلىگى ارتا تۇسكەن كارتا ءوز جۇمىسىن 2016 جىلدان باستايدى», دەدى سامال مىرزاباەۆا.
2016 جىلعا جوسپارلانعان 16177 جاڭا جۇمىس ورنىنىڭ ىشىندە يندۋستريالدىق-يننوۆاتسيالىق دامۋ باعدارلاماسى بويىنشا – 930, «بيزنەستىڭ جول كارتاسى» بويىنشا – 303 جۇمىس ورنى قۇرىلادى. سونداي-اق «جۇمىسپەن قامتۋدىڭ جول كارتاسى» باعدارلاماسى شەڭبەرىندە شاعىن نەسيەلەر بەرۋ جولىمەن كاسىپكەرلىك باستامالاردى ىنتالاندىرۋ, تۇرعىن ءۇي-كوممۋنالدىق شارۋاشىلىق جانە ينفراقۇرىلىمداردى دامىتۋ بويىنشا جوبالاردى جۇزەگە اسىرۋ ەسەبىنەن 1520 جۇمىس ورىنى قۇرىلماق.
ايتا كەتەلىك, بيىل وڭىردە جالپى سوماسى 1 ملرد. تەڭگەدەن اساتىن تۇكش, ينجەنەرلىك-كولىكتىك جانە الەۋمەتتىك نىسانداردى جوندەۋ بويىنشا 73 ينفراقۇرىلىمدىق جوبالاردى ىسكە اسىرۋ جوسپارلانعان. ونىڭ ىشىندە 901 ملن. تەڭگە رەسپۋبليكالىق بيۋدجەتتەن بولىنەدى. باعدارلامانىڭ ەكىنشى باعىتى اياسىندا 1,1 ملرد تەڭگە كولەمىندەگى 400 شاعىن نەسيە بەرىلەدى.
دۋمان اناش.
دەرەك, سۋرەت: egemen.kz