وسكەمەن. 14 قاڭتار. شىعىس وڭىرىندەگى جارما اۋدانى اۋەزوۆ اۋىلىنىڭ تۇرعىندارىنا قولايلى جاعداي جاسالىپ وتىر. بۇل تۋرالى egemen.kz ءتىلشىسى حابارلادى.
اۋەزوۆ اۋىلىنىڭ تۇرعىندارى ءۇشىن ەندى وسكەمەن مەن سەمەي قالالارىنداعى مەديتسينالىق مەكەمەلەرگە نەمەسە اۋداندىق اۋرۋحاناعا جۇگىنۋدىڭ قاجەتى شامالى. ولار ۋاقىت پەن قاراجات شىعىنداماي-اق ءوز اۋىلدارىندا مەديتسينالىق تەكسەرۋدەن وتە الادى. ياعني, اۋىلدىڭ دارىگەرلىك امبۋلاتورياسىندا ەندى قۇنى 3 ميلليون تەڭگە تۇراتىن قان قۇرامىن تەكسەرۋگە ارنالعان قۇرال-جابدىقتار مەن اپپاراتتار جانە كوز تونومەترى بار.
مەديتسينالىق قۇرال-جابدىقتار جارما اۋدانى اكىمدىگى مەن «باقىرشىق تاۋ-كەن ءوندىرۋ كاسىپورىنى» جشس اراسىندا بەكىتىلگەن الەۋمەتتىك-ەكونوميكالىق مەموراندۋم شەڭبەرىندە سىيعا تارتىلدى. سونىڭ ارقاسىندا دارىگەرلىك امبۋلاتوريا MicroCC-20 Plus گەماتولوگيالىق اۆتوماتتى اناليزاتور اپپاراتى مەن سوە-مەتر پر-3 قۇرالى ارقىلى قان قۇرامىن تەكسەرۋگە ارنالعان جانە يگد-02 «پرا» ماركالى كوز ىشىندەگى قىسىمدى تىركەيتىن كوز تونومەترىنە يە بولدى.
قۇندى سىيلىقتاردى دارىگەرلىك مەكەمەگە كومپانيا جەتەكشىلەرى سالتاناتتى تۇردە تابىس ەتتى.
«پوليمەتالل» كومپانياسى كاسىپورىن قىزمەتكەرلەرى مەن اۋىل تۇرعىندارى جايلى تۇرمىس كەشۋى ءۇشىن قولدان كەلگەن كومەكتى ايانىپ قالمايدى. ايتالىق, 2014 جىلى دارىگەرلىك امبۋلاتورياعا ناۋقاستاردى جەدەل اۋرۋحاناعا جەتكىزۋگە جانە باستاپقى مەديتسينالىق كومەك كورسەتۋگە ارنالعان جەدەل جاردەم كولىگىن تارتۋ ەتكەن ەدىك. ال 2015 جىلى كومپانيا جەتەكشىلىگى امبۋلاتوريانىڭ قاسبەتىن جوندەۋدەن وتكىزۋ جانە زاماناۋي قاجەتتى قۇرال-جابدىقتار ساتىپ الۋ جونىندە شەشىم شىعاردى», دەدى باقىرشىق تاۋ-كەن ءوندىرۋ كاسىپورىنىنىڭ باس ديرەكتورى يۋري وۆچيننيكوۆ.
جارما اۋدانىنىڭ اكىمى نۇرلان سىدىقوۆ «پوليمەتالل» كومپانياسىنىڭ قاراپايىم اۋىل تۇرعىندارىنا جاساعان كومەگىن جوعارى باعالاپ, ءوڭىردىڭ الەۋمەتتىك جانە ەكونوميكالىق دامۋىنا ۇلكەن ۇلەس قوسا بەرۋلەرىنە تىلەكتەستىگىن ءبىلدىردى.
دۋمان اناش.
دەرەك, سۋرەت: egemen.kz