استانا. 14 قاڭتار. قازاقستان رەسپۋبليكاسىنىڭ قارۋلى كۇشتەرىندە سپورتتىڭ اسكەري-قولدانبالى تۇرلەرى بويىنشا XIII سپارتاكيادا باستالدى. بۇل تۋرالى egemen.kz ءتىلشىسى حابارلادى.
وتكەن اپتادا 3-ءشى الدىن الا كەزەڭنىڭ سايىسى – اسكەر تەكتەرىنىڭ, وڭىرلىك قولباسشىلىقتاردىڭ, اسكەري وقۋ ورىندارىنىڭ چەمپيوناتتارى باستالدى.
سايىس قىسقى كەزەڭنىڭ باعدارلاماسى بويىنشا وتكىزىلەدى. وعان گىر ەكىسايىسى, ارمسپورت, قىسقى پرەزيدەنتتىك كوپسايىس, شاڭعى سپورتى (پاترۋلدەردىڭ جارىسى) جانە شاحمات سياقتى سپورتتىڭ تۇرلەرى كىرەدى.
العاشقى بولىپ اەروۇتقىر اسكەرلەرىنىڭ چەمپيوناتى جالاۋىن كوتەردى. 12740 اسكەري ءبولىمىنىڭ بازاسىندا 200-دەن اسا ارميالىق سپورتشى قارۋلى كۇشتەردىڭ چەمپيوناتىندا قاتىسۋ ءۇشىن قۇراما كوماندانىڭ مۇشەسى بولۋعا باق سىناستى.
بارلىعى سپارتاكيادانىڭ الدىن الا كەزەڭدەرىندە 2 300-دەن اسا اسكەري قىزمەتشى قاتىسادى. قر قك XIII سپارتاكيادا قىسقى كەزەڭىنىڭ فينالى اقمولا وبلىسىنىڭ ششۋچە قالاسىندا وتەدى. شەشۋشى كەزەڭگە 500-دەن اسا اسكەري قىزمەتشى قاتىسادى دەلىنۋدە.
اسكەري قىزمەتشىلەردىڭ مىندەتتى تۇردە كورسەتەتىن ىمىراسىز كۇرەسى جانە جوعارى سپورتتىق ناتيجەلەرى بولادى دەپ كۇتىلۋدە. ال بىلىكتىلىك تالاپتاردىڭ نورماتيۆتەرىن ورىنداعان ۇزدىك سپورتشىلارعا قر سپورت شەبەرى سپورتتىق اتاعى بەرىلەدى.
شەشۋشى سايىستىڭ ناتيجەلەرى بويىنشا ۇزدىك ارميا سپورتشىلارى تمد دوستاستىق ارمياسىنىڭ چەمپيوناتتارى مەن وزگە دە حالىقارالىق اسكەري-سپورتتىق جارىستاردا قارۋلى كۇشتەردىڭ نامىسىن قورعايتىن بولادى.
داستان كەنجالين.
دەرەك, سۋرەت: قازاقستان رەسپۋبليكاسى قورعانىس مينيسترلىگى.