استانا. 14 قاڭتار. «قارابوتان» وقۋ-جاتتىعۋ پوليگونىندا «باتىس» وڭىرلىك قولباسشىلىعى اسكەرلەرىنىڭ قولباسشىسى گەنەرال-مايور داۋلەت وسپانوۆتىڭ باسشىلىق ەتۋىمەن 2016 جىلعى العاشقى پراكتيكالىق ساباقتار باستالدى. بۇل تۋرالى egemen.kz ءتىلشىسى حابارلادى.
وڭىرلىك قولباسشىلىق اسكەرلەرىنىڭ اسكەري قىزمەتشىلەرى ماكاروۆ تاپانشاسىنان وقۋ اتىستارى مەن باقىلاۋ اتىستارىن ورىندادى.
41433 اسكەري ءبولىمىنىڭ جەكە قۇرامى پراكتيكالىق اتىس دايارلىعى شەڭبەرىندە باقىلاۋ اتىستارىن, كەلىسىمشارت بويىنشا اسكەري قىزمەتشىلەرمەن جاساقتالعان بولىمشەلەر ءۇشىن اتىستار, ماكاروۆ تاپانشاسىنان وقۋ اتىستارىن ورىندادى.
قىسقى پوليگوننىڭ كۇندىزگى جاعدايلارىندا ءوزىنىڭ اتىس شەبەرلىگىن شىڭداي وتىرىپ, اسكەري قىزمەتشىلەر سونداي-اق تۇنگى وق اتۋلاردى ورىندادى. ول ءۇشىن بىرنەشە وقۋ نۇكتەلەرى ورىستەتىلدى: نورماتيۆ, ۇرىسقى دايىندالۋ, كومانديرلىك قوراپ, وق اتۋ تاپسىرمالارىن شەشۋ, قول گراناتالارىن لاقتىرۋ.
بۇل ساباقتار «باتىس» وڭق قولباسشىسىمەن بەكىتىلگەن وڭق اسكەرلەرىنە ارنالعان جاۋىنگەرلىك دايارلىق باعدارلاماسىنا سايكەس وتكىزىلەدى. جالپى العاندا, ەلىمىزدىڭ قارۋلى كۇشتەرى اسكەري قىزمەتشىلەرىنىڭ جاۋىنگەرلىك دايارلىعىنداعى نەگىزگى كۇش-جىگەر اسكەرلەردىڭ جاۋىنگەرلىك قابىلەتتىلىگىن جوعارى دەڭگەيدە ۇستاپ تۇرۋعا, جاۋىنگەرلىك دايارلىق ساباقتارىن ۇيىمداستىرۋ مەن وتكىزۋ ساپاسىن ارتتىرۋعا باعىتتالادى.
بۇل رەتتە ەلىمىزدىڭ قورعانىس ۆەدومستۆوسىنىڭ باسشىسى بەلگىلەگەن تاپسىرمالارعا ەرەكشە كوڭىل بولىنەدى. ونىڭ ىشىندە, جاۋىنگەرلىك دايارلىقتىڭ ساپاسىن ارتتىرۋ, ءارتۇرلى جاعدايلاردا اسكەري قىزمەتشىلەردى جاۋىنگەرلىك ءىس-قيمىلداردى جۇرگىزۋگە وقىتۋ, جاياۋ ءجۇرىس مارشتاردى جاساۋ, ستراتەگيالىق, جەدەل-تاكتيكالىق جانە تاكتيكالىق وقۋ-جاتتىعۋلارعا قاتىسۋ, وقۋ ماتەريالدىق-تەحنيكالىق بازانى جەتىلدىرۋ جانە دالالىق ساباقتاردى وتكىزۋ مەن نۇسقاۋشىلار رولىندە تاپسىرمالاردى ورىنداۋعا سەرجانتتار قۇرامىن دايىنداۋ, سونداي-اق «ارمي-2016» ارميالىق حالىقارالىق ويىندارعا قر قك كوماندالارىنىڭ دايىندىعى مەن قاتىسۋى.
داستان كەنجالين.
دەرەك, سۋرەت: قازاقستان رەسپۋبليكاسى قورعانىس مينيسترلىگى.