مەملەكەتتىك ءاۋديتتىڭ جانە قارجىلىق باقىلاۋدىڭ جالپى ستاندارتتارىن بەكىتۋ جانە «مەملەكەتتىك قارجىلىق باقىلاۋ ستاندارتتارىن بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2009 جىلعى 7 ساۋىردەگى №788 جارلىعىنىڭ كۇشى جويىلدى دەپ تانۋ تۋرالى
«مەملەكەتتىك اۋديت جانە قارجىلىق باقىلاۋ تۋرالى» قازاقستان رەسپۋبليكاسىنىڭ 2015 جىلعى 12 قاراشاداعى زاڭىنىڭ 8-بابى 2-تارماعىنىڭ 1) تارماقشاسىنا سايكەس قاۋلى ەتەمىن:
1. قوسا بەرىلىپ وتىرعان مەملەكەتتىك ءاۋديتتىڭ جانە قارجىلىق باقىلاۋدىڭ جالپى ستاندارتتارى بەكىتىلسىن.
2. «مەملەكەتتىك قارجىلىق باقىلاۋ ستاندارتتارىن بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2009 جىلعى 7 ساۋىردەگى №788 جارلىعىنىڭ كۇشى جويىلدى دەپ تانىلسىن (قازاقستان رەسپۋبليكاسىنىڭ ءپۇاج-ى, 2009 ج., №19, 165-قۇجات).
3. وسى جارلىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى
ن.نازارباەۆ
استانا, اقوردا, 2016 جىلعى 11 قاڭتار
№167
قازاقستان رەسپۋبليكاسى پرەزيدەنتىنىڭ 2016 جىلعى 11 قاڭتارداعى №167 جارلىعىمەن بەكىتىلگەن
مەملەكەتتىك ءاۋديتتىڭ جانە
قارجىلىق باقىلاۋدىڭ
جالپى ستاندارتتارى
1. جالپى ەرەجەلەر
1. وسى مەملەكەتتىك ءاۋديتتىڭ جانە قارجىلىق باقىلاۋدىڭ جالپى ستاندارتتارى (بۇدان ءارى – جالپى ستاندارتتار) مەملەكەتتىك ءاۋديتتىڭ جانە قارجىلىق باقىلاۋدىڭ حالىقارالىق ستاندارتتارى ەسكەرىلە وتىرىپ, «مەملەكەتتىك اۋديت جانە قارجىلىق باقىلاۋ تۋرالى» قازاقستان رەسپۋبليكاسىنىڭ 2015 جىلعى 12 قاراشاداعى زاڭىنىڭ (بۇدان ءارى – مەملەكەتتىك اۋديت تۋرالى زاڭ) 8-بابى 2-تارماعىنىڭ 1) تارماقشاسىنا سايكەس ازىرلەندى.
2. جالپى ستاندارتتار مەملەكەتتىك ءاۋديتتى جانە قارجىلىق باقىلاۋدى جۇرگىزۋدىڭ تيىمدىلىگىن, دايەكتىلىگى مەن وبەكتيۆتىلىگىن قامتاماسىز ەتۋ ماقساتىندا, مەملەكەتتىك اۋديت جانە قارجىلىق باقىلاۋ ورگاندارىنىڭ قىزمەتىنە قويىلاتىن نەگىز قالاۋشى تالاپتاردى قامتيدى.
3. جالپى ستاندارتتارعا مىنالار جاتادى:
1) «تاۋەلسىزدىك»;
2) «ادەپتىلىك»;
3) «وبەكتيۆتىلىك»;
4) «كاسىبي قۇزىرەتتىلىك»;
5) «كاسىبي پايىم»;
6) «ەسەپتىلىك»;
7) «انىقتىق;
8) «اشىقتىق»;
9) «جاريالىلىق»;
10) «قۇپيالىلىق»;
11) «مەملەكەتتىك اۋديت ناتيجەلەرىن ءوزارا تانۋ»;
12) «باسقارۋ»;
13) «ساپا باقىلاۋى».
4. جالپى ستاندارتتاردى مەملەكەتتىك اۋديت جانە قارجىلىق باقىلاۋ ورگاندارى, مەملەكەتتىك اۋديت جانە قارجىلىق باقىلاۋ جۇرگىزۋگە تارتىلعان جەكە جانە زاڭدى تۇلعالار قولدانۋعا مىندەتتى.
5. مەملەكەتتىك اۋديت جانە قارجىلىق باقىلاۋ وبەكتىلەرىنە مەملەكەتتىك ورگاندار, مەملەكەتتىك مەكەمەلەر, كۆازيمەملەكەتتىك سەكتور سۋبەكتىلەرى,سونداي-اق بيۋدجەت قاراجاتىن الۋشىلار (بۇدان ءارى – مەملەكەتتىك اۋديت جانە قارجىلىق باقىلاۋ وبەكتىلەرى) جاتادى.
2. «تاۋەلسىزدىك» ستاندارتى
6. «تاۋەلسىزدىك» ستاندارتىنىڭ ماقساتى مەملەكەتتىك اۋديت جانە قارجىلىق باقىلاۋ ورگاندارىنىڭ, مەملەكەتتىك اۋديتورلاردىڭ باعالاۋى مەن ۇسىنىمدارىنىڭ تۋراشىلدىعىن, وبەكتيۆتىلىگىن, انىقتىعىن قامتاماسىز ەتۋ, ءوز قىزمەتىن جۇزەگە اسىرۋ كەزىندە وزدەرىنىڭ تاۋەلسىزدىگىنە قول سۇعاتىن كەز كەلگەن ارالاسۋعا جول بەرمەۋ بولىپ تابىلادى.
7. مەملەكەتتىك اۋديت جانە قارجىلىق باقىلاۋ ورگاندارى, مەملەكەتتىك اۋديتورلار مەملەكەتتىك ءاۋديتتى جانە قارجىلىق باقىلاۋدى جۇزەگە اسىرۋعا بايلانىستى بارلىق ماسەلەلەردە مەملەكەتتىك اۋديت جانە قارجىلىق باقىلاۋ وبەكتىلەرىنەن تاۋەلسىز, سىرتقى اسەردەن, وكىمدەر مەن ارالاسۋدان قورعالعان.
8. مەملەكەتتىك اۋديت جانە قارجىلىق باقىلاۋ ورگاندارى, مەملەكەتتىك اۋديتورلار مەملەكەتتىك اۋديت جانە قارجىلىق باقىلاۋ وبەكتىلەرىنەن فۋنكتسيونالدىق, ۇيىمدىق جانە قارجىلىق تۇرعىدان تاۋەلسىز.
9. مەملەكەتتىك اۋديت جانە قارجىلىق باقىلاۋ ورگاندارى, مەملەكەتتىك اۋديتورلار وزدەرىنىڭ تاۋەلسىزدىگى مەن وبەكتيۆتىلىگىن شەكتەيتىن كەز كەلگەن ءىس-قيمىلعا جول بەرمەيدى.
10. مەملەكەتتىك اۋديت جانە قارجىلىق باقىلاۋ ورگاندارى وزدەرى بەكىتكەن مەملەكەتتىك اۋديت جانە قارجىلىق باقىلاۋ وبەكتىلەرىنىڭ ءتيىستى جىلعا ارنالعان تىزبەسىنە سايكەس مەملەكەتتىك ءاۋديتتى جانە قارجىلىق باقىلاۋدى جۇزەگە اسىرادى.
11. مەملەكەتتىك اۋديت جانە قارجىلىق باقىلاۋ ورگاندارىنىڭ قىزمەتىنە مەملەكەتتىك ءاۋديتتىڭ جانە قارجىلىق باقىلاۋدىڭ تاقىرىبىن, وبەكتىسىن تاڭداۋ, قولدانىلاتىن راسىمدەر, اۋديتورلىق دالەلدەمەلەردىڭ سيپاتى مەن كولەمى, مەملەكەتتىك ءاۋديتتىڭ اۋقىمى, مەملەكەتتىك اۋديت جانە قارجىلىق باقىلاۋ وبەكتىلەرىنىڭ تىزبەسىن قالىپتاستىرۋ, ونى جۇرگىزۋ, مەملەكەتتىك ءاۋديتتىڭ ناتيجەلەرى بويىنشا قابىلداناتىن قۇجاتتاردى (بۇدان ءارى – قۇجاتتار) جاساۋ مەن تاراتۋ ادىستەرى, مەملەكەتتىك ءاۋديتتىڭ قورىتىندىلارىن ىسكە اسىرۋ تەتىكتەرى بويىنشا ارالاسۋعا, سونداي-اق ساياسي, يدەولوگيالىق, ءدىني جانە باسقا دا سەبەپتەر بويىنشا مەملەكەتتىك اۋديتورلاردىڭ تاۋەلسىزدىگى مەن وبەكتيۆتىلىگىنە اسەرىن تيگىزۋى مۇمكىن كەز كەلگەن ارەكەتكە جول بەرىلمەيدى.
12. مەملەكەتتىك اۋديت جانە قارجىلىق باقىلاۋ ورگاندارىنىڭ, مەملەكەتتىك اۋديتورلاردىڭ پىكىرلەرى, انىقتاعان فاكتىلەرى, تۇجىرىمدارى, قورىتىندىلارى مەن ۇسىنىمدارى تۋراشىل, وبەكتيۆتى, انىق, قۇزىرەتتى, سەنىمدى بولۋعا جانە ءۇشىنشى تۇلعالار ءۇشىن دە وسىنداي بولىپ تابىلۋعا ءتيىس.
13. مەملەكەتتىك اۋديتورلار ءوز وكىلەتتىكتەرى مەن لاۋازىمدىق مىندەتتەرىن اتقارۋ كەزىندە مەملەكەتتىك اۋديت جانە قارجىلىق باقىلاۋ وبەكتىلەرىنەن, وزدەرىنىڭ تاۋەلسىزدىگىنە قول سۇعىلاتىن كەز كەلگەن سىرتقى اسەردەن تاۋەلسىزدىكتەرىن ساقتايدى.
14. مەملەكەتتىك اۋديت جانە قارجىلىق باقىلاۋ ورگاندارى باسقارىلۋىن ولاردىڭ وزدەرى زاڭنامادا بەلگىلەنگەن تارتىپپەن جۇزەگە اسىراتىن, قاجەتتى جانە جەتكىلىكتى ەڭبەك, قارجى جانە ماتەريالدىق-تەحنيكالىق رەسۋرستارمەن قامتاماسىز ەتىلەدى. ەسەپ كوميتەتىنىڭ قارجىلىق قىزمەتىن مەملەكەتتىك باقىلاۋدى جانە قاداعالاۋدى قازاقستان رەسپۋبليكاسى پرەزيدەنتىنىڭ كەلىسىمىمەن نەمەسە ونىڭ تاپسىرماسى بويىنشا مەملەكەتتىك ورگاندار جۇزەگە اسىرادى.
15. مەملەكەتتىك اۋديت جانە قارجىلىق باقىلاۋ وبەكتىلەرى مەملەكەتتىك اۋديت جانە قارجىلىق باقىلاۋ ورگاندارىنىڭ مەملەكەتتىك ءاۋديتتى جانە قارجىلىق باقىلاۋدى جۇرگىزۋى ءۇشىن بارلىق قۇجاتتار مەن اقپاراتقا, سونىڭ ىشىندە مەملەكەتتىك جانە وزگە دە اقپاراتتىق جۇيەلەرگە ەركىن, ۋاقتىلى جانە قاجەتتى قول جەتكىزۋىن قامتاماسىز ەتەدى.
16. مەملەكەتتىك اۋديت جانە قارجىلىق باقىلاۋ ورگاندارىنىڭ مەملەكەتتىك باسقارۋ ورگاندارىمەن, جەرگىلىكتى وكىلدى جانە اتقارۋشى ورگاندارمەن, ۇيىمدارمەن جانە ولاردىڭ بىرلەستىكتەرىمەن, سونداي-اق باسقا مەملەكەتتەردىڭ ورگاندارىمەن جانە ولاردىڭ حالىقارالىق بىرلەستىكتەرىمەن ىنتىماقتاستىعىنا جول بەرىلەدى.
3. «ادەپتىلىك» ستاندارتى
17. «ادەپتىلىك» ستاندارتىنىڭ ماقساتى مەملەكەتتىك اۋديتورلاردىڭ ادەپ تالاپتارىن جانە كاسىبي مىنەز-ق ۇلىق قاعيداتتارىن ساقتاۋىن قامتاماسىز ەتۋ بولىپ تابىلادى.
18. ادەپ نورمالارى قازاقستان رەسپۋبليكاسىنىڭ مەملەكەتتىك قىزمەت تۋرالى زاڭناماسىندا كوزدەلگەن مەملەكەتتىك قىزمەتشىلەرگە ارنالعان ادەپ تالاپتارىن, سونداي-اق قازاقستان رەسپۋبليكاسىنىڭ مەملەكەتتىك اۋديت جانە قارجىلىق باقىلاۋ تۋرالى زاڭناماسىندا كوزدەلگەن ەرەكشە تالاپتاردى قامتيدى.
19. مەملەكەتتىك اۋديتورلاردىڭ مىنەز-قۇلقىندا جانە مەملەكەتتىك ءاۋديتتى جانە قارجىلىق باقىلاۋدى جۇرگىزۋ كەزىندەگى تاسىلدەردە ادەپ تالاپتارى مەن كاسىبي مىنەز-ق ۇلىق قاعيداتتارىن ساقتامادى دەگەن كۇدىك پەن ايىپتاۋعا اكەپ سوعۋى مۇمكىن كەز كەلگەن ءىس-قيمىلعا جول بەرىلمەگەنى ءجون.
20. مەملەكەتتىك اۋديت جانە قارجىلىق باقىلاۋ ورگاندارىنىڭ, مەملەكەتتىك اۋديتورلاردىڭ تاۋەلسىزدىگى مەملەكەتتىك اۋديت جانە قارجىلىق باقىلاۋ وبەكتىسىمەن ىزگى نيەتتى قاتىناستاردا بولۋعا كەدەرگى كەلتىرمەيدى.
21. مەملەكەتتىك اۋديتورلار داۋلى جاعدايلار تۋىنداعان كەزدە مەملەكەتتىك اۋديتورلاردىڭ كاسىبي ادەپ قاعيدالارىنا سايكەس ارەكەت ەتۋلەرى قاجەت.
22. مەملەكەتتىك اۋديتورلار قىزمەتتەن تىس ۋاقىتتا جالپى قابىلدانعان مورالدىق-ادەپ نورمالارىن ۇستانعانى, قوعامعا جات مىنەز-ق ۇلىق جاعدايلارىنا جول بەرمەگەنى ءجون.
23. مەملەكەتتىك اۋديتورلار مەملەكەتتىك اۋديت جانە قارجىلىق باقىلاۋ وبەكتىسىنىڭ پىكىرىنەن, قوعامدىق پىكىردىڭ اسەرىنەن تاۋەلسىز بولۋعا, وزدەرىنىڭ ارەكەتىمەن قوعام تاراپىنان نەگىزدەلگەن سىنعا سەبەپ بولماۋعا, سىناعانى ءۇشىن قۋدالاۋعا جول بەرمەۋگە, سىندارلى سىندى كەمشىلىكتەرىن جويۋعا جانە وزدەرىنىڭ كاسىبي قىزمەتىن جاقسارتۋعا پايدالانۋعا ءتيىس.
4. «وبەكتيۆتىلىك» ستاندارتى
24. «وبەكتيۆتىلىك» ستاندارتىنىڭ ماقساتى مەملەكەتتىك اۋديتورلاردىڭ مەملەكەتتىك ءاۋديتتى جانە قارجىلىق باقىلاۋدى ءادىل جۇرگىزۋىن قامتاماسىز ەتۋى جانە ونىڭ ساپاسىنا قاتىستى ىمىراعا جول بەرمەۋى بولىپ تابىلادى.
25. مەملەكەتتىك اۋديتورلار مەملەكەتتىك اۋديتتى جانە قارجىلىق باقىلاۋدى جۇرگىزگەن كەزدە وبەكتيۆتى بولۋعا ءتيىس. اۋديتورلىق ەسەپتەر تەك مەملەكەتتىك اۋديت جانە قارجىلىق باقىلاۋ وبەكتىسىندە تىكەلەي جينالعان, سونداي-اق قازاقستان رەسپۋبليكاسىنىڭ زاڭناماسى ساقتالا وتىرىپ, مەملەكەتتىك اۋديت جانە قارجىلىق باقىلاۋ ستاندارتىنا سايكەس باسقا دا سەنىمدى كوزدەردەن الىنعان دەرەكتەر مەن قۇجاتتارعا (ماتەريالدار مەن اقپارات) نەگىزدەلۋگە ءتيىس.
26. مۇددەلەر قاقتىعىسى تۋىنداعان جاعدايدا, مەملەكەتتىك ءاۋديتتى جانە قارجىلىق باقىلاۋدى جۇرگىزۋگە تىيىم سالىنادى.
27. مىنالاردىڭ:
1) مەملەكەتتىك اۋديت جانە قارجىلىق باقىلاۋ وبەكتىسى باسشىسىنىڭ, جاۋاپتى حاتشىسىنىڭ, باس بۋحگالتەرىنىڭ نەمەسە ولاردىڭ وكىلەتتىگىن جۇزەگە اسىراتىن وزگە دە ادامنىڭ, قۇرىلتايشىسىنىڭ, قاتىسۋشىسىنىڭ نەمەسە اكتسيونەرىنىڭ جاقىن تۋىستارى, جەكجاتتارى نەمەسە سەنىم بىلدىرىلگەن ادامدارى بولىپ تابىلاتىن;
2) مەملەكەتتىك اۋديت جانە قارجىلىق باقىلاۋ وبەكتىسىندە جۇمىس ىستەگەن نە تەكسەرىلەتىن كەزەڭدە مەملەكەتتىك اۋديت جانە قارجىلىق باقىلاۋ وبەكتىسى باسشىسىنىڭ, جاۋاپتى حاتشىسىنىڭ, باس بۋحگالتەرىنىڭ نەمەسە ولاردىڭ وكىلەتتىگىن جۇزەگە اسىراتىن وزگە دە ادامنىڭ, قۇرىلتايشىسىنىڭ, قاتىسۋشىسىنىڭ نەمەسە اكتسيونەرىنىڭ جاقىن تۋىستارى, جەكجاتتارى نەمەسە سەنىم بىلدىرىلگەن ادامدارى بولىپ تابىلاتىن;
3) مەملەكەتتىك اۋديت جانە قارجىلىق باقىلاۋ وبەكتىسىنىڭ قۇرىلتايشىلارى, قاتىسۋشىلارى نەمەسە اكتسيونەرلەرى, لاۋازىمدى ادامدارى اراسىنان شىققان, وندا جەكە م ۇلىكتىك مۇددەلەرى بار مەملەكەتتىك اۋديتورلاردىڭ مەملەكەتتىك اۋديت جانە قارجىلىق باقىلاۋ جۇرگىزۋىنە تىيىم سالىنادى.
28. مەملەكەتتىك ءاۋديتتى جانە قارجىلىق باقىلاۋدى جۇزەگە اسىراتىن مەملەكەتتىك اۋديتورلاردىڭ تاۋەلسىزدىگى مەن وبەكتيۆتىلىگىن ساقتاۋ ماقساتىندا, وسى مەملەكەتتىك اۋديتور مەملەكەتتىك اۋديت جۇرگىزگەن مەملەكەتتىك اۋديت جانە قارجىلىق باقىلاۋ وبەكتىلەرىن اۋىستىرۋ قاجەت.
29. وسى جالپى ستاندارتتاردىڭ 27-تارماعىندا كورسەتىلگەن نەگىزدەر بولعان جاعدايدا, مەملەكەتتىك اۋديتور مەملەكەتتىك ءاۋديتتىڭ جانە قارجىلىق باقىلاۋدىڭ باسقا وبەكتىسىنە اۋىستىرىلۋعا جاتادى.
5. «كاسىبي قۇزىرەتتىلىك» ستاندارتى
30. «كاسىبي قۇزىرەتتىلىك» ستاندارتىنىڭ ماقساتى مەملەكەتتىك ءاۋديتتى جانە قارجىلىق باقىلاۋدى ءتيىمدى جۇزەگە اسىرۋ ءۇشىن مەملەكەتتىك اۋديتورلاردىڭ ءتيىستى كاسىبي دەڭگەيىن قولداۋ بولىپ تابىلادى.
31. مەملەكەتتىك اۋديتورلاردىڭ مەملەكەتتىك ءاۋديتتى جانە قارجىلىق باقىلاۋدى ءتيىمدى جۇزەگە اسىرۋ ءۇشىن ءبىلىمى, كاسىبي داعدىسى, ءبىلىمى مەن تاجىريبەسى بولۋعا ءتيىس.
32. مەملەكەتتىك اۋديتورلاردىڭ كاسىبي, ىسكەرلىك قاسيەتتەرى مەن ىقتيمال مۇمكىندىكتەرىنىڭ جان-جاقتى جانە وبەكتيۆتى سيپاتتاماسىن الۋ ماقساتىندا, قازاقستان رەسپۋبليكاسىنىڭ مەملەكەتتىك اۋديت جانە قارجىلىق باقىلاۋ تۋرالى زاڭناماسىندا ايقىندالعان تارتىپپەن ولاردى سەرتيفيكاتتاۋ جۇرگىزىلەدى.
33. مەملەكەتتىك ءاۋديتتى جانە قارجىلىق باقىلاۋدى كاسىبي ءبىلىم دەڭگەيى, داعدىسى مەن ءتاجىريبەسى جيىنتىعىندا مەملەكەتتىك ءاۋديتتىڭ جانە قارجىلىق باقىلاۋدىڭ سيپاتىنا, اۋقىمىنا جانە كۇردەلىلىگىنە سايكەس كەلەتىن مەملەكەتتىك اۋديتورلار جۇزەگە اسىرادى.
34. مەملەكەتتىك اۋديتورلار مەملەكەتتىك اۋديت جانە قارجىلىق باقىلاۋ وبەكتىلەرىنىڭ تىزبەسىن قالىپتاستىرۋدان, مەملەكەتتىك اۋديت جانە قارجىلىق باقىلاۋ وبەكتىسىن الدىن الا زەردەلەۋدەن باستاپ, اۋديتورلىق قورىتىندىدا بەرىلگەن ۇسىنىمدار مەن مىندەتتى تۇردە ورىنداۋعا جىبەرىلگەن نۇسقامالاردىڭ مونيتورينگىنە دەيىنگى مەملەكەتتىك ءاۋديتتىڭ جانە قارجىلىق باقىلاۋدىڭ بارلىق كەزەڭى بويىنشا ءتيىستى قۇزىرەتتىلىگىن كورسەتەدى.
35. مەملەكەتتىك اۋديتورلاردىڭ كاسىبي ءبىلىمى مەن داعدىسى ۇزدىكسىز كاسىبي وقۋ مەن ءوز بەتىنشە ءبىلىم الۋ, سونداي-اق مەملەكەتتىك اۋديتورلاردى وقىتۋدى, قايتا دايارلاۋدى جانە ولاردىڭ بىلىكتىلىگىن ارتتىرۋدى مەرزىمدىك ۇيىمداستىرۋ جولىمەن جەتىلدىرىلىپ وتىرادى. مەملەكەتتىك اۋديت جانە قارجىلىق باقىلاۋ ورگاندارى كادرلاردى وقىتۋعا, ولاردىڭ بىلىكتىلىگىن ارتتىرۋعا جانە ولاردى قايتا دايارلاۋعا قاجەتتى جاعدايلار جاسايدى.
6. «كاسىبي پايىم» ستاندارتى
36. «كاسىبي پايىم» ستاندارتىنىڭ ماقساتى مەملەكەتتىك ءاۋديتتىڭ جانە قارجىلىق باقىلاۋدىڭ بارلىق كەزەڭدەرىندە ساپانى قامتاماسىز ەتۋ بولىپ تابىلادى.
37. كاسىبي پايىم مەملەكەتتىك اۋديت جانە قارجىلىق باقىلاۋ ورگاندارىنىڭ مەملەكەتتىك ءاۋديتتى جانە قارجىلىق باقىلاۋدى جانە وزگە دە قىزمەتتى جۇزەگە اسىرۋى كەزىندە قولدانىلادى.
38. مەملەكەتتىك اۋديتورلار سيپاتى بويىنشا ءماندى بولۋى مۇمكىن ماسەلەلەر جونىندە كاسىبي پايىم جاساۋعا ءتيىس.
39. مەملەكەتتىك اۋديتورلار, مەملەكەتتىك ءاۋديتتىڭ جانە قارجىلىق باقىلاۋدىڭ ماقساتى, اۋقىمى, ءمانى مەن ولشەمشارتتارى سياقتى ساندىق جانە ساپالىق فاكتورلاردى قوسا العاندا, الداعى جۇمىستىڭ ماڭىزدىلىعىنىڭ باس اسپەكتىلەرىن نازارعا الۋعا ءتيىس.
40. كاسىبي پايىم نەگىزىندە مەملەكەتتىك اۋديتورلار مەملەكەتتىك ءاۋديتتى جانە قارجىلىق باقىلاۋدى اۋديتورلىق دالەلدەمەلەردىڭ جەتكىلىكتىلىگىنە, قولايلىلىعى مەن سەنىمدىلىگىنە دەگەن قيسىندى سەنىمشىلدىگىن قامتاماسىز ەتە وتىرىپ, تاۋەكەلدى قولايلى دەڭگەيگە دەيىن ازايتۋعا مۇمكىندىك بەرەتىن تاسىلمەن جۇرگىزۋگە ءتيىس.
41. مەملەكەتتىك اۋديتورلار الاياقتىق تاۋەكەلدەرىنىڭ بولۋىن ايقىنداۋ كەزىندە, سونىڭ ىشىندە اقپاراتتىڭ انىقتالعان بۇرمالانۋىنىڭ جانە نورماتيۆتىك قۇقىقتىق جانە قۇقىقتىق اكتىلەردىڭ تالاپتارىنا سايكەسسىزدىكتىڭ الاياقتىق نەمەسە قاتەلىك فاكتىلەرىنە بايلانىستى بولۋىن ايقىنداعان كەزدە كاسىبي پايىمدى قولدانادى.
42. كاسىبي پايىم تيىسىنشە پايىمداۋعا مۇمكىندىك بەرەتىن قۇزىرەتتىلىكپەن ءوزارا بايلانىستى. كاسىبي پايىم مەن قۇزىرەتتىلىك جيىنتىعىندا مەملەكەتتىك ءاۋديتتى جانە قارجىلىق باقىلاۋدى جۇرگىزۋگە تارتىلعان بارلىق ادامداردىڭ ءبىلىمى, داعدىسى مەن تاجىريبەسى جيىنىنىڭ پايدالانىلۋىن بىلدىرەدى.
43. كاسىبي پايىم مەملەكەتتىك اۋديت جانە قارجىلىق باقىلاۋ ورگاندارىنىڭ تۇجىرىمدارى, قورىتىندىلارى مەن ۇسىنىمدارى ءۇشىن نەگىز بولۋعا ءتيىس جيناقتالاتىن اۋديتورلىق دالەلدەمەلەردىڭ سيپاتىن, ءتۇرىن, جيناقتاۋ ءتاسىلىن ايقىنداۋ مەن ساپاسىن قامتاماسىز ەتۋ كەزىندە پايدالانىلادى.
7. «ەسەپتىلىك» ستاندارتى
44. «ەسەپتىلىك» ستاندارتىنىڭ ماقساتى پايدالانۋشىلارعا, سونىڭ ىشىندە جۇرتشىلىققا مەملەكەتتىك اۋديت جانە قارجىلىق باقىلاۋ ورگاندارىنىڭ قىزمەتى تۋرالى اقپاراتتى, قۇجاتتار مەن ەسەپتەردى (بۇدان ءارى – اقپارات) ۇسىنۋدى قامتاماسىز ەتۋ بولىپ تابىلادى.
45. مەملەكەتتىك اۋديت جانە قارجىلىق باقىلاۋ ورگاندارى مەملەكەتتىك ءاۋديتتى جانە قارجىلىق باقىلاۋدى جۇرگىزەدى, مەملەكەتتىك اۋديت جانە قارجىلىق باقىلاۋ ستاندارتتارىنىڭ تالاپتارىن قوسا العاندا, اقپارات ۇسىنۋ ارقىلى ەسەپ بەرۋ قاعيداتىن ساقتاي وتىرىپ, جۇكتەلگەن فۋنكتسيالار مەن مىندەتتەرگە سايكەس وزگە دە قىزمەتتى جۇزەگە اسىرادى.
46. مەملەكەتتىك اۋديت جانە قارجىلىق باقىلاۋ ورگاندارى قازاقستان رەسپۋبليكاسىنىڭ پرەزيدەنتىنە, قازاقستان رەسپۋبليكاسىنىڭ پارلامەنتىنە, قازاقستان رەسپۋبليكاسىنىڭ ۇكىمەتىنە, مەملەكەتتىك ورگانداردىڭ باسشىلارىنا, وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ, اۋدانداردىڭ (وبلىستىق ماڭىزى بار قالالاردىڭ) ءماسليحاتتارى مەن اكىمدەرىنە قازاقستان رەسپۋبليكاسىنىڭ مەملەكەتتىك اۋديت جانە قارجىلىق باقىلاۋ تۋرالى زاڭناماسىنا سايكەس ءوز وكىلەتتىكتەرىن ىسكە اسىرۋ جانە كۇتىلەتىن ناتيجەلەرگە قول جەتكىزۋ تۋرالى تولىققاندى, انىق اقپارات ۇسىنادى.
47. مەملەكەتتىك اۋديت جانە قارجىلىق باقىلاۋ ورگاندارى, مەملەكەتتىك اۋديتورلار ءوز كۇش-جىگەرلەرىن تاۋەكەل ايماقتارىنا جۇمىلدىرا وتىرىپ, تالاپ ەتىلگەن مەملەكەتتىك اۋديتكە جانە قارجىلىق باقىلاۋعا باستاماشىلىق جاسايدى جانە جۇرگىزەدى, قۇجاتتاردىڭ ۋاقتىلىعى مەن ساپاسىن قامتاماسىز ەتەدى.
48. مەملەكەتتىك اۋديت جانە قارجىلىق باقىلاۋ ورگاندارى, مەملەكەتتىك اۋديت جانە قارجىلىق باقىلاۋ ستاندارتتارىنىڭ تالاپتارىن قوسا العاندا, قازاقستان رەسپۋبليكاسىنىڭ مەملەكەتتىك قۇپيالار تۋرالى زاڭناماسىنىڭ تالاپتارىنا سايكەس اۋديتورلىق دالەلدەمەلەردىڭ جانە باسقا دا اقپاراتتىڭ قۇپيالىلىعىن ساقتاي وتىرىپ, پايدالانۋشىلار مەن جۇرتشىلىققا اقپارات ۇسىنادى.
49. مەملەكەتتىك اۋديت جانە قارجىلىق باقىلاۋ ورگاندارى ۇيىمدار مەن ادامداردى مەملەكەتتىك ءاۋديتتى جانە قارجىلىق باقىلاۋدى جۇزەگە اسىرۋعا تارتقان كەزدە ەسەپ بەرۋ قاعيداتىنىڭ ساقتالۋىن قامتاماسىز ەتەدى.
50. مەملەكەتتىك اۋديت جانە قارجىلىق باقىلاۋ ورگاندارى, بيۋدجەت قاراجاتىن, مەملەكەت پەن كۆازيمەملەكەتتىك سەكتور سۋبەكتىلەرىنىڭ اكتيۆتەرىن, بايلانىستى گرانتتاردى, مەملەكەتتىك جانە مەملەكەت كەپىلدىك بەرگەن قارىزداردى, سونداي-اق مەملەكەتتىڭ كەپىلگەرلىگىمەن تارتىلعان قارىزداردى پايدالانۋ تۋرالى ەسەپتىلىكتى قالىپتاستىرۋدى, دارەجەسى بويىنشا تەڭ جوعارى قارجى باقىلاۋ ورگاندارىنىڭ ءوزارا تەكسەرۋلەرىن, ولاردىڭ قىزمەتىن تاۋەلسىز باعالاۋدىڭ باسقا دا تۇرلەرىن جۇرگىزۋدى, سونداي-اق اقپاراتتى پايدالانۋشىلارمەن كەرى بايلانىستى قولداۋدى قوسا العاندا, ەسەپ بەرۋدى باسقارۋدىڭ ءتيىمدى ادىستەرىن پايدالانادى.
8. «انىقتىق» ستاندارتى
51. «انىقتىق» ستاندارتىنىڭ ماقساتى مەملەكەتتىك اۋديت جانە قارجىلىق باقىلاۋ ورگاندارىنىڭ قۇجاتتارىن پايدالانۋشىلاردىڭ بارلىعىن ولاردا قامتىلاتىن انىق اقپاراتپەن قامتاماسىز ەتۋ بولىپ تابىلادى.
52. مەملەكەتتىك اۋديتورلار اۋديتورلىق دالەلدەمەلەرگە نەگىزدەلگەن انىق اقپاراتتى پايدالانۋعا ءتيىس.
53. بۇل رەتتە مەملەكەتتىك اۋديتورلار مەملەكەتتىك اۋديت جانە قارجىلىق باقىلاۋ وبەكتىلەرى ۇسىناتىن اقپاراتتىڭ انىقتىعىن ايقىنداۋى قاجەت.
54. مەملەكەتتىك اۋديت جانە قارجىلىق باقىلاۋ ورگاندارى مەملەكەتتىك ءاۋديتتىڭ ناتيجەلەرى بويىنشا وزدەرى قابىلدايتىن قۇجاتتارعا ەنگىزىلەتىن اقپاراتتىڭ انىقتىعىن قامتاماسىز ەتەدى.
9. «اشىقتىق» ستاندارتى
55. «اشىقتىق» ستاندارتىنىڭ ماقساتى مارتەبەسى, وكىلەتتىكتەرى, ستراتەگياسى, قىزمەتى جانە ونىڭ تيىمدىلىگى, سونداي-اق قارجىلىق باسقارىلۋى تۋرالى انىق, ناقتى جانە رەلەۆانتتى اقپارات ۇسىنۋ جولىمەن قۇجاتتاردى پايدالانۋشىلار, سونىڭ ىشىندە جۇرتشىلىق تاراپىنان اشىقتىق پەن ءوز قىزمەتىنە سەنىمدى قامتاماسىز ەتە وتىرىپ, مەملەكەتتىك ءاۋديتتى جانە قارجىلىق باقىلاۋدى اشىق تۇردە جۇزەگە اسىرۋدى قامتاماسىز ەتۋ بولىپ تابىلادى.
56. اشىلاتىن اقپارات پەن ەسەپتەردىڭ تىزبەسى جانە مازمۇنى, سونىڭ ىشىندە سىرتقى سۇراۋ سالۋلار بويىنشا قۇجاتتاما ۇسىنۋ, مەملەكەتتىك اۋديت جانە قارجىلىق باقىلاۋ ستاندارتتارىنىڭ تالاپتارىن قوسا العاندا, قازاقستان رەسپۋبليكاسىنىڭ مەملەكەتتىك قۇپيالار تۋرالى زاڭناماسىنىڭ تالاپتارىنا سايكەس ايقىندالادى.
57. مەملەكەتتىك اۋديت جانە قارجىلىق باقىلاۋ ورگاندارى ءوز قىزمەتىنىڭ اشىقتىعىن قامتاماسىز ەتكەن كەزدە مەملەكەتتىك قۇپيالاردى, قىزمەتتىك, كوممەرتسيالىق جانە زاڭمەن قورعالاتىن وزگە دە قۇپيانى قۇرايتىن اقپارات پەن مالىمەتتەرگە قولجەتىمدىلىكتى ۇسىنۋ بويىنشا الداعى راسىمدەردى ناقتى ايقىنداي وتىرىپ, قۇپيالىلىق بويىنشا تالاپتاردى ساقتاۋعا ءتيىس.
58. مەملەكەتتىك اۋديت جانە قارجىلىق باقىلاۋ ورگاندارى, مەملەكەتتىك اۋديتورلار مەملەكەتتىك ءاۋديتتىڭ جانە قارجىلىق باقىلاۋدىڭ بارلىق كەزەڭدەرىندە ورىندالاتىن اۋديتورلىق راسىمدەردىڭ جانە پايدالانىلاتىن ءادىسنامانىڭ اشىقتىعىن جانە تۇسىنىكتىلىگىن قامتاماسىز ەتەدى.
59. مەملەكەتتىك ءاۋديتتى جانە قارجىلىق باقىلاۋدى جۇرگىزۋگە ۇيىمدار مەن جەكە تۇلعالاردى (ماماندار مەن ساراپشىلاردى) تارتۋ تۋرالى اقپارات مەملەكەتتىك اۋديت جانە قارجىلىق باقىلاۋ ورگاندارىنىڭ اۋديتورلىق قۇجاتتاماسىنا جانە ءتيىستى قۇجاتتارىنا ەنگىزىلۋگە ءتيىس.
60. مەملەكەتتىك اۋديت جانە قارجىلىق باقىلاۋ ورگاندارى اقپاراتقا قولجەتىمدىلىك پەن مەملەكەتتىك ءاۋديتتىڭ جانە قارجىلىق باقىلاۋدىڭ ناتيجەلەرى تۋرالى جۇرتشىلىقتى مىندەتتى تۇردە حاباردار ەتەدى.
61. مەملەكەتتىك اۋديت جانە قارجىلىق باقىلاۋ ورگاندارى پايدالانۋشىلاردىڭ قۇجاتتارعا قولجەتىمدىلىگىن ۇسىنۋدىڭ ءتيىمدى تاسىلدەرىن پايدالانادى.
62. مەملەكەتتىك اۋديت جانە قارجىلىق باقىلاۋ ورگاندارى, مەملەكەتتىك اۋديتورلار اشىلاتىن اقپاراتتىڭ انىقتىعىن قامتاماسىز ەتەدى.
10. «جاريالىلىق» ستاندارتى
63. «جاريالىلىق» ستاندارتىنىڭ ماقساتى ەكونوميكانى باسقارۋدىڭ دەموكراتيالىق نەگىزدەرىن ىسكە اسىرۋدى قامتاماسىز ەتۋ, مەملەكەتتىك ءاۋديتتىڭ جانە قارجىلىق باقىلاۋدىڭ تيىمدىلىگىن ارتتىرۋ جانە قوعامدى سىبايلاس جەمقورلىق پەن وزگە دە قۇقىق بۇزۋشىلىقتاردان قورعاۋ بولىپ تابىلادى.
64. مەملەكەتتىك اۋديت جانە قارجىلىق باقىلاۋ ورگاندارى قازاقستان رەسپۋبليكاسىنىڭ مەملەكەتتىك قۇپيالار تۋرالى زاڭناماسىنىڭ تالاپتارىن ساقتاي وتىرىپ, مەملەكەتتىك اۋديت ناتيجەلەرىن مىندەتتى تۇردە جاريالاۋ جولىمەن ءوز قىزمەتىن اشىق تۇردە جۇزەگە اسىرادى.
65. جۇرشىلىق ءۇشىن «جاريالىلىق» ستاندارتى مەملەكەتتىك اۋديت جانە قارجىلىق باقىلاۋ ورگاندارىنىڭ قىزمەتى تۋرالى قۇجاتتار مەن وزگە دە مالىمەتتەردى بۇقارالىق اقپارات قۇرالدارىنا, مەملەكەتتىك اۋديت جانە قارجىلىق باقىلاۋ ورگاندارىنىڭ ينتەرنەت-رەسۋرستارىنا ورنالاستىرۋ, ءباسپاسوز كونفەرەنتسيالارىن, بريفينگ پەن باسقا دا كوپشىلىك ءىس-شارالار وتكىزۋ جولىمەن ىسكە اسىرىلادى.
66. «جاريالىلىق» ستاندارتى وسى جالپى ستاندارتتاردىڭ 9-بولىمىندە كورسەتىلگەن تالاپتاردىڭ ساقتالۋىن قامتاماسىز ەتۋ ەسكەرىلە وتىرىپ جۇزەگە اسىرىلادى.
11. «قۇپيالىلىق» ستاندارتى
67. «قۇپيالىلىق» ستاندارتىنىڭ ماقساتى مەملەكەتتىك ءاۋديتتى جانە قارجىلىق باقىلاۋدى جۇزەگە اسىرۋ كەزىندە الىنعان مەملەكەتتىك قۇپيالارعا, قىزمەتتىك, كوممەرتسيالىق جانە زاڭمەن قورعالاتىن وزگە دە قۇپياعا جاتاتىن مالىمەتتەردىڭ ساقتالۋى مەن جاريا ەتىلمەۋىن قامتاماسىز ەتۋ بولىپ تابىلادى.
68. مەملەكەتتىك اۋديت جانە قارجىلىق باقىلاۋ ورگاندارى, مەملەكەتتىك اۋديتورلار زاڭنامادا بەلگىلەنگەن جاعدايلاردا مەملەكەتتىك ءاۋديتتى جانە قارجىلىق باقىلاۋدى جۇزەگە اسىرعان كەزدە الىنعان اقپاراتتىڭ ساقتالۋىن جانە وعان قولجەتىمدىلىكتىڭ شەكتەلۋىن قامتاماسىز ەتەدى.
69. مەملەكەتتىك اۋديت جانە قارجىلىق باقىلاۋ ورگاندارى, مەملەكەتتىك اۋديتورلار سۇراتاتىن اقپارات تەك مەملەكەتتىك ءاۋديتتىڭ جانە قارجىلىق باقىلاۋدىڭ ماقساتى ءۇشىن عانا پايدالانىلادى.
70. مەملەكەتتىك اۋديتورلار مەملەكەتتىك ءاۋديتتى جانە قارجىلىق باقىلاۋدى جۇزەگە اسىرۋ كەزىندە الىنعان اقپاراتتان تىكەلەي نەمەسە جاناما جەكە پايدا الۋعا قۇقىلى ەمەس.
71. مەملەكەتتىك اۋديتورلار مەملەكەتتىك اۋديتتىڭ جانە قارجىلىق باقىلاۋدىڭ قانداي دا ءبىر اسپەكتىلەرىنە قاتىستى اقپاراتتى جاريا ەتۋگە قۇقىلى ەمەس.
72. قۇجاتتار قابىلدانعاننان كەيىن مەملەكەتتىك اۋديت جانە قارجىلىق باقىلاۋ ورگاندارىنىڭ باسشىلارى جانە (نەمەسە) ولار ۋاكىلەتتىك بەرگەن لاۋازىمدى ادامدار جۇرگىزىلگەن مەملەكەتتىك ءاۋديتتىڭ قورىتىندىلارىنا قاتىستى اقپارات ۇسىنا الادى.
12. «مەملەكەتتىك اۋديت ناتيجەلەرىن ءوزارا تانۋ» ستاندارتى
73. «مەملەكەتتىك اۋديت ناتيجەلەرىن ءوزارا تانۋ» ستاندارتىنىڭ ماقساتى مەملەكەتتىك اۋديتتىڭ جانە قارجىلىق باقىلاۋدىڭ ستاندارتتارى ساقتالعان جاعدايدا, باسقا مەملەكەتتىك اۋديت جانە قارجىلىق باقىلاۋ ورگاندارى جۇرگىزگەن مەملەكەتتىك اۋديت ناتيجەلەرىن مەملەكەتتىك اۋديت جانە قارجىلىق باقىلاۋ ورگاندارىنىڭ تانۋى بولىپ تابىلادى.
74. مەملەكەتتىك اۋديت ناتيجەلەرىن ءوزارا تانۋ قازاقستان رەسپۋبليكاسىنىڭ مەملەكەتتىك اۋديت جانە قارجىلىق باقىلاۋ تۋرالى زاڭناماسىنا سايكەس جۇزەگە اسىرىلادى.
13. «باسقارۋ» ستاندارتى
75. «باسقارۋ» ستاندارتىنىڭ ماقساتى مەملەكەتتىك ءاۋديتتىڭ جانە قارجىلىق باقىلاۋدىڭ ماقساتىنا قول جەتكىزۋ, سونىڭ ىشىندە مەملەكەتتىك اۋديت جانە قارجىلىق باقىلاۋ ورگاندارىنىڭ جوعارى تۇرعان لاۋازىمدى ادامدارىنىڭ مەملەكەتتىك اۋديتورلاردىڭ مەملەكەتتىك ءاۋديتتى جانە قارجىلىق باقىلاۋدى وبەكتيۆتى جانە تولىق كولەمدە جۇرگىزۋىن باقىلاۋ ءۇشىن مەملەكەتتىك ءاۋديتتىڭ جانە قارجىلىق باقىلاۋدىڭ جۇمىسقا قابىلەتتى توبىن قالىپتاستىرۋ, ونىڭ جۇمىسىن ۇيىمداستىرۋ مەن قاداعالاۋدى قامتاماسىز ەتۋ بولىپ تابىلادى.
76. مەملەكەتتىك اۋديتورلار مەملەكەتتىك اۋديتتىڭ جانە قارجىلىق باقىلاۋدىڭ ساپاسىن, ۇنەمدىلىگىن, ناتيجەلىلىگى مەن تيىمدىلىگىن قامتاماسىز ەتۋ ءۇشىن ءوز قىزمەتىن تيىسىنشە باسقارۋدى جۇزەگە اسىرادى.
77. مەملەكەتتىك اۋديتكە جانە ونى جۇرگىزۋگە جاۋاپتى لاۋازىمدى ادامداردىڭ اراسىنداعى مىندەتتەر ناقتى بولىنۋگە ءتيىس.
78. مەملەكەتتىك اۋديتورلارعا ءوز ءبىلىمى مەن داعدىسىن مەملەكەتتىك اۋديت جانە قارجىلىق باقىلاۋ توبىن باسقارۋعا قاجەتتى دەڭگەيدە ۇستاۋ ماقساتىندا, وزدەرىنىڭ تۇراقتى تۇردە كاسىبي دامۋىن قامتاماسىز ەتكەندەرى ءجون.
79. مەملەكەتتىك ءاۋديتتى جانە قارجىلىق باقىلاۋدى جۇرگىزۋدىڭ بارلىق كەزەڭدەرى, سونداي-اق ساپا باقىلاۋى باسقارىلۋعا جاتادى.
80. اۋديتورلىق توپتىڭ نەمەسە جەكەلەگەن مەملەكەتتىك اۋديتورلاردىڭ قىزمەتى مەملەكەتتىك ءاۋديتتىڭ جانە قارجىلىق باقىلاۋدىڭ ءار كەزەڭىندە جوعارى تۇرعان لاۋازىمدى ادامداردىڭ جۇيەلى تۇردەگى باقىلاۋىمەن جانە قاداعالاۋىمەن جۇزەگە اسىرىلادى.
81. قاداعالاۋ مەملەكەتتىك ءاۋديتتىڭ جانە قارجىلىق باقىلاۋدىڭ, ونىڭ ناتيجەلەرى بويىنشا اۋديتورلىق ەسەپتەردى دايىنداۋدىڭ بارلىق كەزەڭدەرىندە, سونداي-اق مەملەكەتتىك اۋديت ناتيجەلەرىن ىسكە اسىرۋ پروتسەسىندە جۇزەگە اسىرىلادى.
82. قاداعالاۋ دارەجەسى مەملەكەتتىك ءاۋديتتىڭ جانە قارجىلىق باقىلاۋدىڭ كۇردەلىلىگىنە, مەملەكەتتىك اۋديت جانە قارجىلىق باقىلاۋ ورگانىنىڭ مەملەكەتتىك اۋديت جانە قارجىلىق باقىلاۋ توبىنىڭ نەمەسە جەكەلەگەن مەملەكەتتىك اۋديتورلاردىڭ بىلىكتىلىگى مەن كاسىبيلىگى دەڭگەيىنە قاراي ايقىندالادى.
83. مەملەكەتتىك اۋديت جانە قارجىلىق باقىلاۋ ورگاندارىنىڭ باسشىلارى قاداعالاۋ نىساندارى مەن ادىستەرىن دەربەس ايقىندايدى.
84. مەملەكەتتىك ءاۋديتتى جانە قارجىلىق باقىلاۋدى جۇزەگە اسىرۋدىڭ مازمۇنى, ادىستەرى, باعدارلامالىق ماسەلەلەردى قامتۋدىڭ تولىقتىعى, سونداي-اق مەملەكەتتىك اۋديتورلاردىڭ مەملەكەتتىك اۋديت باعدارلاماسىن ورىنداۋ بويىنشا ارەكەتى مىندەتتى تۇردە قاداعالاۋعا جاتادى.
85. قاداعالاۋ نۇسقاما بەرۋدى, ءجيى تۋىندايتىن پروبلەمالار تۋرالى اقپارات بەرۋدى, ورىندالعان جۇمىستى باقىلاۋدى, مەملەكەتتىك اۋديت جانە قارجىلىق باقىلاۋ توبىندا پىكىر قايشىلىعى بولعان جاعدايلاردا, داۋلاردى شەشۋدى, سونداي-اق مەملەكەتتىك ءاۋديتتىڭ جوسپارى مەن باعدارلاماسىنا وزگەرىستەر ەنگىزۋدى قامتيدى.
14. «ساپا باقىلاۋى» ستاندارتى
86. «ساپا باقىلاۋى» ستاندارتىنىڭ ماقساتى مەملەكەتتىك اۋديت جانە قارجىلىق باقىلاۋ ورگاندارى قىزمەتىنىڭ, مەملەكەتتىك اۋديتورلاردىڭ ارەكەتىنىڭ مەملەكەتتىك اۋديت جانە قارجىلىق باقىلاۋ ستاندارتتارىنا سايكەستىگىن قامتاماسىز ەتۋ بولىپ تابىلادى.
87. مەملەكەتتىك اۋديت جانە قارجىلىق باقىلاۋ ورگاندارىنىڭ باسشىلارى ساپا باقىلاۋىن ۇيىمداستىرۋدى مەملەكەتتىك اۋديت جانە قارجىلىق باقىلاۋ ستاندارتتارىنا سايكەستىگى مانىنە قۇجاتتاردى تەكسەرۋدى تۇراقتى تۇردە جۇرگىزۋ جولىمەن قامتاماسىز ەتەدى.
88. مەملەكەتتىك اۋديت جانە قارجىلىق باقىلاۋ ستاندارتتارىنىڭ تالاپتارىنا سايكەس كەلمەگەن جاعدايدا, مەملەكەتتىك اۋديت جانە قارجىلىق باقىلاۋ وبەكتىسىنە شىعا وتىرىپ, مەملەكەتتىك ءاۋديتتىڭ ناتيجەلەرىن قايتا تەكسەرۋدىڭ قاجەتتىلىگىن مەملەكەتتىك اۋديت جانە قارجىلىق باقىلاۋ ورگانىنىڭ باسشىسى ايقىندايدى.
89. ساپا باقىلاۋىن جۇرگىزۋدىڭ مەرزىمدەرى مەن ۇزاقتىعى ونىڭ جەدەلدىگى جانە ناتيجەلىلىگىن قامتاماسىز ەتۋ ەسكەرىلە وتىرىپ ايقىندالادى.
90. ساپا باقىلاۋىنا مەملەكەتتىك اۋديت جانە قارجىلىق باقىلاۋ ورگاندارىنىڭ اۋديتورلىق, ساراپتامالىق-تالداۋ قىزمەتىنىڭ بارلىق كەزەڭدەرى, مەملەكەتتىك اۋديتورلاردىڭ بارلىق قىزمەتى, سونىڭ ىشىندە قۇقىق قورعاۋ ورگاندارى مەن سوت ماماندار رەتىندە تارتقان ىشكى مەملەكەتتىك اۋديت جانە قارجىلىق باقىلاۋ ورگاندارىنىڭ مەملەكەتتىك اۋديتورلارى جۇرگىزگەن مەملەكەتتىك ءاۋديتتىڭ ناتيجەلەرى بويىنشا بەرىلگەن ماتەريالدار (قورىتىندىلار) جاتادى.
91. ساپا باقىلاۋىن وسى مەملەكەتتىك اۋديتكە جانە قارجىلىق باقىلاۋعا قاتىسپاعان مەملەكەتتىك اۋديتورلار جۇزەگە اسىرادى.
92. ساپا باقىلاۋىن جانە مونيتورينگ پروتسەسىن جۇزەگە اسىرۋ ءتيىستى بىلىكتىلىككە, كاسىبي داعدىعا يە, مەملەكەتتىك اۋديت جانە قارجىلىق باقىلاۋ ورگانىندا جەتكىلىكتى جانە ءتيىستى تاجىريبەسى مەن وكىلەتتىگى بار ادامدارعا جۇكتەلەدى.