اتوم ەنەرگياسىن پايدالانۋ تۋرالى
وسى زاڭ ادامداردىڭ ءومiرi مەن دەنساۋلىعىن, ولاردىڭ مۇلكىن, قورشاعان ورتانى قورعاۋ ماقساتىندا اتوم ەنەرگياسىن پايدالانۋ سالاسىنداعى قوعامدىق قاتىناستاردى رەتتەۋدiڭ قۇقىقتىق نەگiزi مەن قاعيداتتارىن ايقىندايدى جانە يادرولىق قارۋدى تاراتپاۋ رەجيمiن, اتوم ەنەرگياسىن پايدالانۋ كەزiندە يادرولىق, رادياتسيالىق جانە يادرولىق فيزيكالىق قاۋiپسiزدiكتi قامتاماسىز ەتۋگە باعىتتالادى.
1-تاراۋ. جالپى ەرەجەلەر
1-باپ. وسى زاڭدا پايدالانىلاتىن نەگىزگى ۇعىمدار
وسى زاڭدا مىناداي نەگىزگى ۇعىمدار پايدالانىلادى:
1) الىپ قويۋ دەڭگەيى – اتوم ەنەرگياسى پايدالانىلاتىن وبەكتىنىڭ يادرولىق, رادياتسيالىق, گەومەتريالىق, سالماقتىق سيپاتتامالارىن ايقىندايتىن, گيگيەنالىق نورماتيۆتەردە, تەحنيكالىق رەگلامەنتتەردە كوزدەلگەن فيزيكالىق شاما ماندەرى, وسىنداي ماندەر بولعاندا نەمەسە وسى ماندەردەن تومەن بولعاندا اتوم ەنەرگياسى پايدالانىلاتىن وبەكتىلەر مەملەكەتتىك باقىلاۋدان الىپ تاستالادى;
2) اتوم ەنەرگياسى – يادرولىق رەاكتسيالاردان جانە راديواكتيۆتى ىدىراۋ كەزىندە بوساتىلاتىن ەنەرگيا, سونداي-اق گەنەراتسيالاناتىن يونداندىرۋشى ساۋلەلەر ەنەرگياسى;
3) اتوم ەنەرگياسى پايدالانىلاتىن وبەكتىلەر – يونداندىرۋشى ساۋلەلەنۋ كوزدەرى, راديواكتيۆتى قالدىقتار جانە پايدالانىلىپ بولعان يادرولىق وتىن, يادرولىق, رادياتسيالىق, ەلەكتروفيزيكالىق قوندىرعىلار, ساقتاۋ جانە كومۋ پۋنكتتەرى, كولىكتىك قاپتاما كومپلەكتىلەرى مەن يادرولىق ماتەريالدار;
4) اتوم ەنەرگياسى پايدالانىلاتىن وبەكتىلەردى پايدالانۋ – اتوم ەنەرگياسىن پايدالانۋ سالاسىندا جەكە نەمەسە زاڭدى تۇلعا جۇزەگە اسىراتىن اكىمشىلىك, شارۋاشىلىق جانە ينجەنەرلىك-تەحنيكالىق قىزمەت;
5) اتوم ەنەرگياسى پايدالانىلاتىن وبەكتىلەرمەن جۇمىس ىستەۋ – اتوم ەنەرگياسى پايدالانىلاتىن وبەكتىلەردى دايىنداۋ, جەتكىزۋ, پايدالانۋ, پايداعا اسىرۋ, پايدالانۋعا بەرۋ جانە پايدالانۋدان شىعارۋ, قايتا وڭدەۋ, مونتاجداۋ, جوندەۋ, تەحنيكالىق قىزمەت كورسەتۋ, زاريادتاۋ, قايتا زاريادتاۋ, بولشەكتەۋ, كادەگە جاراتۋ, كونسەرۆاتسيالاۋ, تاسىمالداۋ, يمپورتتاۋ, ەكسپورتتاۋ, اكتيۆسىزدەندىرۋ, كەيىننەن كادەگە جاراتۋ, ساقتاۋ, كومۋ كەزىندە ولارمەن قولمەن جاسالاتىن جانە (نەمەسە) اۆتوماتتاندىرىلعان وپەراتسيالاردىڭ, ارەكەتتەردىڭ جيىنتىعى;
6) اتوم ەنەرگياسى پايدالانىلاتىن وبەكتىنىڭ ومىرلىك تسيكلى – اتوم ەنەرگياسى پايدالانىلاتىن وبەكتىلەردى ورنالاستىرۋ, جوبالاۋ, شىعارۋ, قۇرىلىسى نەمەسە سالۋ, پايدالانۋعا بەرۋ, پايدالانۋ, رەكونسترۋكتسيالاۋ, كۇردەلى جوندەۋ, پايدالانۋدان شىعارۋ, تاسىمالداۋ, اينالىمى, ساقتاۋ, كومۋ جانە كادەگە جاراتۋ;
7) اتوم ەنەرگياسىن پايدالانۋ سالاسىنداعى مەملەكەتتىك
باقىلاۋ – اتوم ەنەرگياسىن پايدالانۋ سالاسىنداعى ۋاكىلەتتى ورگاننىڭ ءوز قۇزىرەتى شەگىندە جەكە جانە زاڭدى تۇلعالاردىڭ قازاقستان رەسپۋبليكاسىنىڭ اتوم ەنەرگياسىن پايدالانۋ سالاسىنداعى زاڭناماسىنىڭ تالاپتارىن ساقتاۋىن قامتاماسىز ەتۋگە باعىتتالعان قىزمەتى;
8) اتوم ەنەرگياسىن پايدالانۋ سالاسىنداعى ۋاكىلەتتى ورگان (بۇدان ءارى – ۋاكىلەتتى ورگان) – اتوم ەنەرگياسىن پايدالانۋ سالاسىندا باسشىلىقتى جۇزەگە اسىراتىن ورتالىق اتقارۋشى ورگان;
9) يونداندىرۋشى ساۋلەلەنۋ كوزدەرى – راديواكتيۆتى زاتتار, قۇرامىندا راديواكتيۆتى زاتتار بار اپپاراتتار نەمەسە قۇرىلعىلار, سونداي-اق يونداندىرۋشى ساۋلە شىعاراتىن نەمەسە شىعارۋعا قابىلەتتى ەلەكتروفيزيكالىق اپپاراتتار نەمەسە قۇرىلعىلار;
10) يونداندىرۋشى ساۋلەلەنۋ كوزدەرىنىڭ ءتىزىلىمى – يونداندىرۋشى ساۋلەلەنۋ كوزدەرىن ەكسپورتتاۋ مەن يمپورتتاۋ كەزىندە ورنىن اۋىستىرۋ تۋرالى مالىمەتتەردى قوسا العاندا, قازاقستان رەسپۋبليكاسىنىڭ اۋماعىندا ولاردىڭ بار-جوعى, ورىن اۋىستىرۋى جانە ورنالاسقان جەرى تۋرالى مالىمەتتەردىڭ ۇدايى جاڭارتىلىپ تۇراتىن جيىنتىعىن بىلدىرەتىن, يونداندىرۋشى ساۋلەلەنۋ كوزدەرىنىڭ دەرەكقورى;
11) كەيىننەن كادەگە جاراتۋ – كۇردەلى قۇرىلىستاردىڭ (ۇيلەردىڭ, عيماراتتاردىڭ, كەشەندەردىڭ) پايداعا اسىرىلۋى (پايدالانىلۋى, قولدانىلۋى) توقتاتىلعاننان كەيىن, رەگەنەراتسيالاناتىن ەلەمەنتتەردى (كونسترۋكتسيالاردى, ماتەريالداردى, جابدىقتاردى) ءبىر مەزگىلدە قالپىنا كەلتىرىپ جانە قايتالاپ پايدالانىپ, سونداي-اق رەگەنەراتسياعا جاتپايتىن ەلەمەنتتەر مەن قالدىقتاردى قايتا وڭدەي وتىرىپ, ولاردى بولشەكتەۋ جانە بۇزۋ جونىندەگى جۇمىستار كەشەنى;
12) كومۋ – پايدالانىلىپ بولعان يادرولىق وتىندى نەمەسە راديواكتيۆتى قالدىقتاردى كومۋ پۋنكتىنە ولاردى الىپ قويۋ نيەتىنسىز ورنالاستىرۋ;
13) كومۋ پۋنكتى – پايدالانىلىپ بولعان يادرولىق وتىندى نەمەسە راديواكتيۆتى قالدىقتاردى كومۋگە ارنالعان يادرولىق نەمەسە رادياتسيالىق قوندىرعى;
14) كومۋ پۋنكتىن جابۋ – كومۋ پۋنكتىن قاۋىپسىز جاعدايعا كەلتىرىپ, كومگەننەن كەيىن بارلىق وپەراتسيالاردى اياقتاۋ;
15) قوندىرعىنى پايدالانۋعا بەرۋ – يادرولىق نەمەسە رادياتسيالىق نەمەسە ەلەكتروفيزيكالىق قوندىرعىنىڭ كومپونەنتتەرى مەن جۇيەلەرىن ونىڭ قۇرىلىسى اياقتالعاننان جانە قاجەتتى سىناقتار جۇرگىزىلگەننەن كەيىن جۇمىس جاعدايىنا كەلتىرۋ جونىندەگى قۇجاتپەن رەسىمدەلەتىن قىزمەت;
16) قوندىرعىنى پايدالانۋدان شىعارۋ – يادرولىق نەمەسە رادياتسيالىق نەمەسە ەلەكتروفيزيكالىق قوندىرعىنى پايدالانۋدى توقتاتۋ جانە قوندىرعى مەن ونى ورنالاستىرۋ الاڭىنىڭ قاۋىپسىزدىك جونىندەگى تالاپتارعا سايكەس كەلەتىن تۇپكىلىكتى جاي-كۇيىن قامتاماسىز ەتە وتىرىپ, ونى مەملەكەتتىك باقىلاۋدان الىپ تاستاۋ جونىندەگى قۇجاتپەن رەسىمدەلەتىن قىزمەت;
17) پايدالانۋشى ۇيىم – اتوم ەنەرگياسى پايدالانىلاتىن وبەكتىلەرمەن جۇمىس ىستەۋ جونىندەگى قىزمەتتى جۇزەگە اسىراتىن زاڭدى تۇلعا;
18) پايدالانىلىپ بولعان يادرولىق وتىن – يادرولىق رەاكتوردا ساۋلەلەنگەن جانە ودان ءبىرجولا الىپ تاستالعان يادرولىق وتىن;
19) پەرسونال – يونداندىرۋشى ساۋلەلەنۋ كوزدەرىمەن تۇراقتى نەمەسە ۋاقىتشا جۇمىس ىستەيتىن نەمەسە ەڭبەك جاعدايلارىنا بايلانىستى ولاردىڭ اسەر ەتۋ اياسىندا بولاتىن جەكە تۇلعالار;
20) رادياتسيالىق قاتەر – ساۋلە الۋ ناتيجەسىندە, ونىڭ سالدارىنىڭ اۋىرلىعىن ەسكەرە وتىرىپ, ادامنىڭ ومىرىنە نەمەسە دەنساۋلىعىنا, جەكە جانە زاڭدى تۇلعالاردىڭ مۇلكىنە, قورشاعان ورتاعا زيان كەلتىرۋ ىقتيمالدىعى;
21) رادياتسيالىق قاۋىپسىزدىك – قازاقستان رەسپۋبليكاسىنىڭ زاڭناماسىندا بەلگىلەنگەن نورمالارعا سايكەس پەرسونالعا, حالىققا جانە قورشاعان ورتاعا رادياتسيالىق اسەردى شەكتەيتىن ءىس-شارالار كەشەنىمەن قامتاماسىز ەتىلگەن, اتوم ەنەرگياسى پايدالانىلاتىن وبەكتىنىڭ قاسيەتتەرى مەن سيپاتتامالارىنىڭ جاي-كۇيى;
22) رادياتسيالىق قاۋىپتىلىك ساناتى – اتوم ەنەرگياسى پايدالانىلاتىن وبەكتىمەن جۇمىس ىستەگەن كەزدە نەمەسە ىقتيمال اۆاريا جاعدايلارىندا حالىق جانە (نەمەسە) قورشاعان ورتا ءۇشىن ونىڭ رادياتسيالىق قاۋىپتىلىك دارەجەسى بويىنشا اتوم ەنەرگياسى پايدالانىلاتىن وبەكتىنىڭ سيپاتتاماسى;
23) رادياتسيالىق قوندىرعى – وزىنە قاتىستى ءۇي-جايلاردى, قۇرىلىستار مەن جابدىقتاردى قوسا العاندا, راديواكتيۆتى زاتتارمەن جۇمىس ىستەۋ جۇزەگە اسىرىلاتىن, يادرولىق بولىپ تابىلمايتىن ارنايى قوندىرعى;
24) راديواكتيۆتى زاتتار – قۇرامىندا راديونۋكليدتەر بار, كەز كەلگەن اگرەگاتتىق جاعدايداعى, شىعۋ تەگى تابيعي نەمەسە تەحنوگەندىك كەز كەلگەن ماتەريالدار;
25) راديواكتيۆتى قالدىقتار – قۇرامىندا الىپ قويۋ دەڭگەيىنەن جوعارى راديونۋكليدتەر بار, ودان ءارى پايدالانىلۋى كوزدەلمەيتىن راديواكتيۆتى زاتتار, يادرولىق ماتەريالدار نەمەسە راديونۋكليدتى كوزدەر;
26) راديونۋكليدتى كوز – قۇرامىندا راديواكتيۆتى زاتتار بار, ونى پايدالى قولدانۋ ءۇشىن ارنايى جاسالعان نەمەسە قانداي دا ءبىر قىزمەت ءتۇرىنىڭ جاناما ءونىمى بولىپ تابىلاتىن يونداندىرۋشى ساۋلەلەنۋ كوزى;
27) ساقتاۋ – يادرولىق وتىندى, يادرولىق ماتەريالداردى, راديواكتيۆتى زاتتاردى, راديونۋكليدتى كوزدەردى, پايدالانىلىپ بولعان يادرولىق وتىندى, راديواكتيۆتى قالدىقتاردى ساقتاۋ پۋنكتتەرىنە ولارمەن ودان ءارى جۇمىس ىستەۋ ءۇشىن ولاردى الۋ مۇمكىندىگى كوزدەلەتىن ۋاقىتشا ورنالاستىرۋ;
28) ساقتاۋ پۋنكتى – يادرولىق وتىندى, يادرولىق ماتەريالداردى, راديواكتيۆتى زاتتاردى, راديونۋكليدتى كوزدەردى, پايدالانىلىپ بولعان يادرولىق وتىندى, راديواكتيۆتى قالدىقتاردى ساقتاۋعا ارنالعان يادرولىق نەمەسە رادياتسيالىق قوندىرعى;
29) كولىكتىك قاپتاما كومپلەكتى – تاسۋ كەزىندە راديواكتيۆتى قۇرامدى تولىق ورنالاستىرۋ مەن ۇستاپ تۇرۋ ءۇشىن قاجەتتى ەلەمەنتتەردىڭ جيىنتىعى;
30) فيزيكالىق قورعاۋ – اتوم ەنەرگياسى پايدالانىلاتىن وبەكتىگە رۇقساتسىز قول جەتكىزۋىنە جول بەرمەۋ جونىندەگى ۇيىمداستىرۋشىلىق جانە تەحنيكالىق شارالاردىڭ بىرىڭعاي جۇيەسى;
31) ەلەكتروفيزيكالىق قوندىرعى – وزىنە قاتىستى ءۇي-جايلاردى, قۇرىلىستار مەن جابدىقتاردى قوسا العاندا, يونداندىرۋشى ساۋلەلەردى گەنەراتسيالايتىن نەمەسە گەنەراتسيالاۋعا قابىلەتتى ارنايى, يادرولىق نەمەسە رادياتسيالىق بولىپ تابىلمايتىن قوندىرعى;
32) يادرولىق قاۋiپسiزدiك – يادرولىق اۆاريالاردىڭ مۇمكiن بولمايتىندىعى بەلگiلi بiر ىقتيمالدىقپەن قامتاماسىز ەتىلەتىن, اتوم ەنەرگياسى پايدالانىلاتىن وبەكتiنiڭ قاسيەتتەرى مەن سيپاتتامالارىنىڭ جاي-كۇيى;
33) يادرولىق قوندىرعى – وزىنە قاتىستى ءۇي-جايلاردى, قۇرىلىستار مەن جابدىقتاردى قوسا العاندا, يادرولىق ماتەريالدارمەن جۇمىس ىستەۋ جۇزەگە اسىرىلاتىن ارنايى قوندىرعى;
34) يادرولىق ماتەريالدار – بولiنەتiن (ىدىرايتىن) راديونۋكليدتەردەن تۇراتىن نەمەسە ولاردى شىعارۋعا قابىلەتتى ماتەريالدار;
35) يادرولىق فيزيكالىق قاۋىپسىزدىك – اتوم ەنەرگياسى پايدالانىلاتىن وبەكتىلەرگە جانە (نەمەسە) پايدالانۋشى ۇيىمعا قاتىستى ۇرلاۋ, ديۆەرسيا, رۇقساتسىز قول جەتكىزۋ, زاڭسىز بەرۋ, جۇمىس ىستەۋ فاكتىلەرىنە نەمەسە باسقا دا قۇقىققا قارسى ارەكەتتەرگە جول بەرمەۋگە, انىقتاۋعا جانە (نەمەسە) دەن قويۋعا باعىتتالعان ۇيىمداستىرۋشىلىق جانە تەحنيكالىق شارالاردىڭ بىرىڭعاي جۇيەسىنىڭ جاي-كۇيى.
2-باپ. قازاقستان رەسپۋبليكاسىنىڭ اتوم ەنەرگياسىن پايدالانۋ سالاسىنداعى زاڭناماسى
1. قازاقستان رەسپۋبليكاسىنىڭ اتوم ەنەرگياسىن پايدالانۋ سالاسىنداعى زاڭناماسى قازاقستان رەسپۋبليكاسىنىڭ كونستيتۋتسياسىنا نەگiزدەلەدi, وسى زاڭنان جانە قازاقستان رەسپۋبليكاسىنىڭ وزگە دە نورماتيۆتiك قۇقىقتىق اكتiلەرiنەن تۇرادى.
2. ەگەر قازاقستان رەسپۋبليكاسى راتيفيكاتسيالاعان حالىقارالىق شارتتا وسى زاڭداعىدان وزگەشە قاعيدالار بەلگىلەنسە, وندا حالىقارالىق شارتتىڭ قاعيدالارى قولدانىلادى.
2-تاراۋ. اتوم ەنەرگياسىن پايدالانۋ سالاسىنداعى مەملەكەتتىك رەتتەۋ
3-باپ. اتوم ەنەرگياسىن پايدالانۋ سالاسىنداعى مەملەكەتتىك رەتتەۋ
اتوم ەنەرگياسىن پايدالانۋ سالاسىنداعى مەملەكەتتىك رەتتەۋ:
1) جەكە جانە زاڭدى تۇلعالاردىڭ اتوم ەنەرگياسىن پايدالانۋ سالاسىنداعى قىزمەتىنە;
2) اتوم ەنەرگياسى پايدالانىلاتىن وبەكتىلەردىڭ ومىرلىك تسيكلىمەن بايلانىستى جۇمىستاردى ورىنداۋ كەزىندەگى جەكە جانە زاڭدى تۇلعالاردىڭ قىزمەتىنە;
3) يادرولىق سىناقتار مونيتورينگىنە;
4) بۇرىنعى يادرولىق سىناق پوليگوندارى اۋماقتارىنداعى جانە جۇرگىزىلگەن يادرولىق سىناقتار سالدارىنان لاستانعان باسقا دا اۋماقتارداعى قىزمەتكە;
5) يادرولىق, رادياتسيالىق جانە يادرولىق فيزيكالىق قاۋىپسىزدىك ساراپتاماسىنا;
6) اتوم ەنەرگياسى پايدالانىلاتىن وبەكتىلەردە جۇمىس ىستەيتىن پەرسونالدى دايارلاۋعا جانە اتتەستاتتاۋعا قاتىستى قولدانىلادى.
4-باپ. اتوم ەنەرگياسىن پايدالانۋ سالاسىنداعى مەملەكەتتىك رەتتەۋدىڭ مىندەتتەرى جانە قاعيداتتارى
1. اتوم ەنەرگياسىن پايدالانۋ كەزىندە ادامداردىڭ ءومىرى مەن دەنساۋلىعىن, ولاردىڭ مۇلكىن ءتيىمدى قورعاۋ, قورشاعان ورتانى قورعاۋدى قامتاماسىز ەتۋ, يادرولىق, رادياتسيالىق, يادرولىق فيزيكالىق قاۋىپسىزدىكتى, يادرولىق قارۋدى تاراتپاۋ رەجيمىن ۇستاپ تۇرۋ اتوم ەنەرگياسىن پايدالانۋ سالاسىنداعى مەملەكەتتىك رەتتەۋدىڭ مىندەتتەرى بولىپ تابىلادى.
2. اتوم ەنەرگياسىن پايدالانۋ سالاسىنداعى مەملەكەتتىك رەتتەۋ:
1) اتوم ەنەرگياسىن پايدالانۋ كەزىندە ادامداردىڭ ءومىرى مەن دەنساۋلىعىنىڭ قاۋىپسىزدىگىن, قورشاعان ورتانى قورعاۋدى قامتاماسىز ەتۋ;
2) قاۋىپسىزدىكتى قامتاماسىز ەتۋدىڭ اتوم ەنەرگياسىن پايدالانۋدىڭ باسقا اسپەكتىلەرىنەن باسىمدىعى;
3) اتوم ەنەرگياسى پايدالانىلاتىن وبەكتىنىڭ قاۋىپسىزدىگىن قامتاماسىز ەتۋگە مەملەكەتتىك باقىلاۋدىڭ مىندەتتىلىگى مەن ۇزدىكسىزدىگى;
4) اتوم ەنەرگياسى پايدالانىلاتىن وبەكتiلەر قاۋىپسىزدىگىنىڭ
جاي-كۇيى مەن حالىققا جانە قورشاعان ورتاعا اسەرi تۋرالى اقپاراتتىڭ قولجەتىمدىلىگى, وبەكتيۆتiلiگi جانە ۋاقتىلىعى;
5) ادامداردىڭ ءومىرى مەن دەنساۋلىعىنا, جەكە جانە زاڭدى تۇلعالاردىڭ مۇلكىنە, سونداي-اق قورشاعان ورتاعا اتوم ەنەرگياسى پايدالانىلاتىن وبەكتىلەردىڭ رادياتسيالىق اسەرىمەن كەلتىرىلگەن زياندى وتەۋدىڭ مىندەتتىلىگى;
6) قورشاعان ورتانىڭ نورماتيۆتەن تىس راديواكتيۆتىك لاستانۋىنا جول بەرمەۋ;
7) ءوزىنىڭ راديواكتيۆتى قالدىقتارىنىڭ كەرى يمپورتىن قوسپاعاندا, قازاقستان رەسپۋبليكاسىنىڭ اۋماعىندا باسقا مەملەكەتتەردىڭ راديواكتيۆتى قالدىقتارىنىڭ جانە پايدالانىلىپ بولعان يادرولىق وتىنىنىڭ يمپورتىنا جانە ولاردىڭ كومىلۋىنە جول بەرمەۋ;
8) اتوم ەنەرگياسىن پايدالانۋ سالاسىنداعى قاۋىپسىزدىكتى مەملەكەتتىك رەتتەۋدىڭ مىندەتتىلىگى قاعيداتتارىنا نەگىزدەلەدى.
3. قازاقستان رەسپۋبليكاسىنىڭ اۋماعىندا جەكە جانە زاڭدى تۇلعالاردىڭ يادرولىق قارۋدى ازiرلەۋ, جاساۋ, شىعارۋ, سىناۋ, ساقتاۋ نەمەسە تاراتۋ ماقساتىندا اتوم ەنەرگياسىن پايدالانۋ سالاسىنداعى قىزمەتiنە تىيىم سالىنادى.
5-باپ. قازاقستان رەسپۋبليكاسى ۇكىمەتىنىڭ قۇزىرەتى
قازاقستان رەسپۋبليكاسىنىڭ ۇكىمەتى:
1) اتوم ەنەرگياسىن پايدالانۋ سالاسىنداعى مەملەكەتتىك ساياساتتىڭ نەگىزگى باعىتتارىن ازىرلەيدى;
2) يادرولىق قوندىرعىلاردى جانە كومۋ پۋنكتتەرىن سالۋ اۋدانى, ولاردىڭ قۇرىلىسى جانە قۇرىلىسىن بولعىزباۋ تۋرالى شەشىمدەر قابىلدايدى;
3) يادرولىق قوندىرعىنى پايدالانۋدان مەرزىمىنەن بۇرىن شىعارۋ نەمەسە كومۋ پۋنكتتەرىن جابۋ تۋرالى شەشىم قابىلدايدى;
4) يادرولىق جانە رادياتسيالىق قوندىرعىلاردى پايدالانۋدان شىعارۋ قاعيدالارىن بەكىتەدى;
5) يادرولىق, رادياتسيالىق جانە يادرولىق فيزيكالىق قاۋىپسىزدىك ساراپتاماسىن جۇرگىزۋ قاعيدالارىن بەكىتەدى;
6) يادرولىق قوندىرعىلاردى جانە كومۋ پۋنكتتەرىن ورنالاستىرۋ الاڭىن تاڭداۋ قاعيدالارىن بەكىتەدى;
7) يادرولىق جانە رادياتسيالىق اۆاريالارعا دەن قويۋدىڭ ۇلتتىق جوسپارىن بەكىتەدى;
8) قازاقستان رەسپۋبليكاسىنىڭ اۋماعىندا اتوم ەنەرگياسى جونىندەگى حالىقارالىق اگەنتتىك ينسپەكتسيالارىن ۇيىمداستىرۋ ءتارتىبىن ايقىندايدى;
9) وزىنە كونستيتۋتسيامەن, وسى زاڭمەن, قازاقستان رەسپۋبليكاسىنىڭ وزگە دە زاڭدارىمەن جانە قازاقستان رەسپۋبليكاسى پرەزيدەنتىنىڭ اكتىلەرىمەن جۇكتەلگەن وزگە دە فۋنكتسيالاردى ورىندايدى.
6-باپ. ۋاكىلەتتى ورگاننىڭ قۇزىرەتى
ۋاكىلەتتى ورگان:
1) اتوم ەنەرگياسىن پايدالانۋ سالاسىنداعى مەملەكەتتىك ساياساتتىڭ ىسكە اسىرىلۋىن جۇزەگە اسىرادى;
2) اتوم ەنەرگياسىن بەيبىت ماقساتتا پايدالانۋ سالاسىنداعى حالىقارالىق ىنتىماقتاستىقتى جۇزەگە اسىرادى;
3) اتوم ەنەرگياسىن پايدالانۋ سالاسىندا مەملەكەتتىك باقىلاۋدى جۇزەگە اسىرادى;
4) اتوم ەنەرگياسىن پايدالانۋ سالاسىنداعى قىزمەتتى ليتسەنزيالاۋدى جۇزەگە اسىرادى;
5) اتوم ەنەرگياسىن پايدالانۋ سالاسىنداعى تەحنيكالىق رەگلامەنتتەردى ازىرلەيدى جانە بەكىتەدى;
6) يادرولىق ماتەريالداردى جانە يادرولىق قوندىرعىلاردى فيزيكالىق قورعاۋ قاعيدالارىن ازىرلەيدى جانە بەكىتەدى;
7) يونداندىرۋشى ساۋلەلەنۋ كوزدەرىن جانە ساقتاۋ پۋنكتتەرىن فيزيكالىق قورعاۋ قاعيدالارىن ازىرلەيدى جانە بەكىتەدى;
8) يادرولىق جانە رادياتسيالىق قوندىرعىلاردى پايدالانۋدان شىعارۋ قاعيدالارىن ازىرلەيدى;
9) قازاقستان رەسپۋبليكاسىنىڭ اۋماعىندا اتوم ەنەرگياسى جونىندەگى حالىقارالىق اگەنتتىك ينسپەكتسيالارىن ۇيىمداستىرۋ ءتارتىبىن ازىرلەيدى;
10) يادرولىق, رادياتسيالىق جانە يادرولىق فيزيكالىق قاۋىپسىزدىك ساراپتاماسىن جۇزەگە اسىراتىن ۇيىمداردى اككرەديتتەۋ قاعيدالارىن ازىرلەيدى جانە بەكىتەدى;
11) يادرولىق ماتەريالداردى مەملەكەتتىك ەسەپكە الۋ قاعيدالارىن ازىرلەيدى جانە بەكىتەدى;
12) يونداندىرۋشى ساۋلەلەنۋ كوزدەرىن مەملەكەتتىك ەسەپكە الۋ قاعيدالارىن ازىرلەيدى جانە بەكىتەدى;
13) راديونۋكليدتى كوزدەرمەن جۇمىس ىستەۋ كەزىندەگى قاۋىپسىزدىك قاعيدالارىن ازىرلەيدى جانە بەكىتەدى;
14) يادرولىق جانە رادياتسيالىق اۆاريالارعا دەن قويۋدىڭ ۇلتتىق جوسپارىن ازىرلەيدى;
15) يادرولىق ماتەريالداردى تاسىمالداۋ قاعيدالارىن ازىرلەيدى جانە بەكىتەدى;
16) راديواكتيۆتى زاتتاردى جانە راديواكتيۆتى قالدىقتاردى تاسىمالداۋ قاعيدالارىن ازىرلەيدى جانە بەكىتەدى;
17) يادرولىق قوندىرعىلاردى جانە كومۋ پۋنكتتەرىن ورنالاستىرۋ الاڭىن تاڭداۋ قاعيدالارىن ازىرلەيدى;
18) يادرولىق, رادياتسيالىق جانە يادرولىق فيزيكالىق قاۋىپسىزدىك ساراپتاماسىن جۇرگىزۋ قاعيدالارىن ازىرلەيدى;
19) اتوم ەنەرگياسى پايدالانىلاتىن وبەكتىلەردە جۇمىس ىستەيتىن پەرسونالدىڭ بىلىكتىلىگىن ارتتىرۋ قاعيدالارىن ازىرلەيدى جانە بەكىتەدى;
20) اتوم ەنەرگياسى پايدالانىلاتىن وبەكتىلەردە جۇمىس ىستەيتىن پەرسونالدى اتتەستاتتاۋ قاعيدالارىن ازىرلەيدى جانە بەكىتەدى;
21) حالىقتىڭ جانە (نەمەسە) قورشاعان ورتانىڭ قاۋىپسىزدىگىنە قاتەر تونگەن جاعدايدا قازاقستان رەسپۋبليكاسىنىڭ ۇكىمەتىنە يادرولىق قوندىرعىلاردى پايدالانۋدان مەرزىمىنەن بۇرىن شىعارۋ نەمەسە كومۋ پۋنكتتەرىن جابۋ تۋرالى ۇسىنۋ ەنگىزەدى;
22) يادرولىق ماتەريالداردى, يونداندىرۋشى ساۋلەلەنۋ كوزدەرىن مەملەكەتتىك ەسەپكە قويۋ نەمەسە مەملەكەتتىك ەسەپتەن شىعارۋ تۋرالى شەشىم قابىلدايدى;
23) يادرولىق ماتەريالداردىڭ مەملەكەتتىك ەسەبىن جۇرگىزەدى;
24) يونداندىرۋشى ساۋلەلەنۋ كوزدەرىنىڭ مەملەكەتتىك ەسەبىن جۇرگىزەدى;
25) اتوم ەنەرگياسىن پايدالانۋ سالاسىنداعى ەكسپورتتىق باقىلاۋدى جۇزەگە اسىرادى;
26) يادرولىق, رادياتسيالىق جانە يادرولىق فيزيكالىق قاۋىپسىزدىكتى قامتاماسىز ەتۋگە قاتىستى, ساراپتاما ۇيىمى ۇسىنعان ەسەپ-قيساپتار ادىستەمەسىن كەلىسەدى;
27) كولىكتىك قاپتاما كومپلەكتىلەرىنىڭ كونسترۋكتسيالارىن بەكىتۋ ءتارتىبىن ايقىندايدى جانە كولىكتىك قاپتاما كومپلەكتىلەرىنىڭ كونسترۋكتسياسىن بەكىتەدى, سونداي-اق باسقا ەلدەردىڭ ۋاكىلەتتى ورگاندارى بەكىتكەن, قازاقستان رەسپۋبليكاسىنىڭ اۋماعىندا ولارعا سەرتيفيكاتتار-رۇقساتتار كۇشىن قولدانادى;
28) يادرولىق, رادياتسيالىق جانە يادرولىق فيزيكالىق قاۋىپسىزدىك, يادرولىق قارۋدى تاراتپاۋ رەجيمىن قامتاماسىز ەتۋ جانە يادرولىق سىناقتار مونيتورينگى جونىندەگى زەرتتەۋلەردى ۇيىمداستىرادى;
29) راديواكتيۆتى قالدىقتاردى جانە پايدالانىلىپ بولعان يادرولىق وتىندى جيناۋدى, ساقتاۋدى جانە كومۋدى ۇيىمداستىرۋ قاعيدالارىن ازىرلەيدى جانە بەكىتەدى;
30) اتوم ەنەرگياسىن پايدالانۋ سالاسىنداعى قىزمەتتى جۇزەگە اسىراتىن جەكە جانە زاڭدى تۇلعالار ءۇشىن اتوم ەنەرگياسى پايدالانىلاتىن وبەكتىنىڭ قازاقستان رەسپۋبليكاسىنىڭ اتوم ەنەرگياسىن پايدالانۋ سالاسىنداعى زاڭناماسىندا بەلگىلەنگەن يادرولىق, رادياتسيالىق, يادرولىق فيزيكالىق قاۋىپسىزدىك تالاپتارىنا سايكەستىگىن راستاۋ ادىستەرى مەن تاسىلدەرىنە قاتىستى ادىستەمەلىك ۇسىنىمدار ازىرلەيدى جانە بەكىتەدى;
31) ءارتۇرلى راديويزوتوپتار ءۇشىن شەكتى بەلسەندىلىك شاماسىنىڭ ءمانىن بەلگىلەيدى;
32) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.
7-باپ. اتوم ەنەرگياسىن پايدالانۋ سالاسىنداعى مەملەكەتتىك باقىلاۋ
اتوم ەنەرگياسىن پايدالانۋ سالاسىنداعى مەملەكەتتىك باقىلاۋ تەكسەرۋ نىسانىندا جۇزەگە اسىرىلادى. تەكسەرۋ قازاقستان رەسپۋبليكاسىنىڭ كاسىپكەرلىك كودەكسىنە سايكەس جۇرگىزىلەدى.
3-تاراۋ. اتوم ەنەرگياسىن پايدالانۋ سالاسىنداعى قىزمەتتى جۇزەگە اسىرۋ شارتتارى مەن ءتارتىبى
8-باپ. اتوم ەنەرگياسىن پايدالانۋ سالاسىنداعى قىزمەتتى جۇزەگە اسىرۋدىڭ جالپى شارتتارى
1. اتوم ەنەرگياسىن پايدالانۋ سالاسىنداعى قىزمەتتى جۇزەگە اسىراتىن جەكە جانە زاڭدى تۇلعالار:
1) اتوم ەنەرگياسىن پايدالانۋ سالاسىنداعى ءتيىستى قىزمەت تۇرىنە ليتسەنزياسى بولۋعا;
2) اتوم ەنەرگياسى پايدالانىلاتىن وبەكتىلەرمەن نىسانالى جۇمىس ىستەۋدى قامتاماسىز ەتۋگە;
3) اتوم ەنەرگياسى پايدالانىلاتىن وبەكتىنىڭ جوبالاۋ جانە پايدالانۋ سيپاتتامالارى مەن ولشەمدەرىنىڭ يادرولىق, رادياتسيالىق جانە يادرولىق فيزيكالىق قاۋىپسىزدىك ەكسپورتتىق باقىلاۋ تالاپتارىنا جانە (نەمەسە) يادرولىق قارۋدى تاراتپاۋ رەجيمىنىڭ تالاپتارىنا سايكەستىگىن قامتاماسىز ەتۋگە;
4) قازاقستان رەسپۋبليكاسىنىڭ اتوم ەنەرگياسىن پايدالانۋ سالاسىنداعى زاڭناماسىندا بەلگىلەنگەن يادرولىق, رادياتسيالىق جانە يادرولىق فيزيكالىق قاۋىپسىزدىك تالاپتارىنىڭ ورىندالۋىن قامتاماسىز ەتەتىن ۇيىمداستىرۋشىلىق قۇرىلىمى جانە ىشكى قۇجاتتارىنىڭ جۇيەسى بولۋعا;
5) قازاقستان رەسپۋبليكاسىنىڭ اتوم ەنەرگياسىن پايدالانۋ سالاسىنداعى زاڭناماسىنا سايكەس يادرولىق ماتەريالداردى ەسەپكە الۋ جونىندەگى تالاپتاردىڭ ورىندالۋىن قامتاماسىز ەتەتىن ۇيىمداستىرۋشىلىق قۇرىلىمى جانە ىشكى قۇجاتتارىنىڭ جۇيەسى بولۋعا;
6) قازاقستان رەسپۋبليكاسىنىڭ اتوم ەنەرگياسىن پايدالانۋ سالاسىنداعى زاڭناماسىنا سايكەس يونداندىرۋشى ساۋلەلەنۋ كوزدەرىن ەسەپكە الۋ جونىندەگى تالاپتاردىڭ ورىندالۋىن قامتاماسىز ەتەتىن ۇيىمداستىرۋشىلىق قۇرىلىمى جانە ىشكى قۇجاتتارىنىڭ جۇيەسى بولۋعا;
7) يادرولىق ماتەريالداردى ەسەپكە الۋ مەن باقىلاۋدى قامتاماسىز ەتۋگە جانە ۋاكىلەتتى ورگانعا ولاردىڭ بار-جوعى, ورىن اۋىستىرۋى جانە ورنالاسقان جەرى تۋرالى ەسەپتەر ۇسىنۋعا;
8) يونداندىرۋشى ساۋلەلەنۋ كوزدەرىن ەسەپكە الۋ مەن باقىلاۋدى قامتاماسىز ەتۋگە جانە ۋاكىلەتتى ورگانعا ولاردىڭ بار-جوعى, ورىن اۋىستىرۋى جانە ورنالاسقان جەرى تۋرالى ەسەپتەر ۇسىنۋعا;
9) ۋاكىلەتتى ورگانعا يادرولىق, رادياتسيالىق نەمەسە يادرولىق فيزيكالىق قاۋىپسىزدىكتى قامتاماسىز ەتۋگە قاتىستى جۇيەلەردەگى, جابدىقتارداعى, يادرولىق قوندىرعى قۇجاتتاماسىنداعى كەز كەلگەن وزگەرىستەر تۋرالى حابارلاۋعا;
10) ۋاكىلەتتى ورگانعا يادرولىق, رادياتسيالىق جانە يادرولىق فيزيكالىق قاۋىپسىزدىككە بايلانىستى اۆاريالار مەن وقىس وقيعالار تۋرالى حابارلاۋعا;
11) ومىرلىك تسيكلىنىڭ بۇكىل كەزەڭى ىشىندە يادرولىق قوندىرعىنى قاۋىپسىز پايدالانۋ جانە وعان تەحنيكالىق قىزمەت كورسەتۋ ءۇشىن قاجەتتى ۇيىمداستىرۋشىلىق, قارجىلىق, ماتەريالدىق-تەحنيكالىق رەسۋرستارىنا يە بولۋعا جانە بىلىكتى پەرسونالى بولۋعا;
12) يادرولىق قوندىرعىنى پايدالانۋدان شىعارۋ, كومۋ پۋنكتىن جابۋ, كەيىننەن كادەگە جاراتۋ, راديواكتيۆتى قالدىقتاردى كومۋ, رادياتسيالىق اۆاريالاردىڭ سالدارىن جويۋ, ادامداردىڭ ءومىرى مەن دەنساۋلىعىنا, جەكە جانە زاڭدى تۇلعالاردىڭ مۇلكىنە, سونداي-اق قورشاعان ورتاعا كەلتىرىلگەن زياندى وتەۋ بويىنشا جۇمىستاردى قامتاماسىز ەتۋ ءۇشىن قارجى قۇرالدارىن كوزدەۋگە;
13) قازاقستان رەسپۋبليكاسىنىڭ اتوم ەنەرگياسىن پايدالانۋ سالاسىنداعى زاڭناماسىندا بەلگىلەنگەن يادرولىق, رادياتسيالىق جانە يادرولىق فيزيكالىق قاۋىپسىزدىك تالاپتارىن ساقتاۋعا;
14) اتوم ەنەرگياسىن پايدالانۋ سالاسىنداعى قىزمەتتى جۇزەگە اسىرۋ كەزىندە يادرولىق جانە رادياتسيالىق قاۋىپتى جۇمىستارعا جىبەرىلگەن جۇمىسكەرلەردىڭ ساۋلە الۋ مولشەرىن ەسەپكە الۋ مەن تالداۋدى جۇرگىزۋگە جانە ولاردىڭ وتەماقى الۋ قۇقىقتارىن ىسكە اسىرۋدى قامتاماسىز ەتۋگە;
15) اتوم ەنەرگياسى پايدالانىلاتىن وبەكتىلەردە جۇمىس ىستەيتىن پەرسونالدى دايارلاۋدى, بىلىكتىلىگىن ساقتاۋدى جانە ۋاقتىلى اتتەستاتتاۋدى جۇزەگە اسىرۋعا مىندەتتى.
2. اتوم ەنەرگياسى پايدالانىلاتىن وبەكتىلەردى پايدالانۋدى جۇزەگە اسىراتىن جەكە جانە زاڭدى تۇلعالاردىڭ جانە (نەمەسە) مۇنداي وبەكتىلەردىڭ مەنشىك يەلەرىنىڭ اتوم ەنەرگياسى پايدالانىلاتىن وبەكتىلەردى باسقا جەكە جانە زاڭدى تۇلعالارعا, ەگەر بۇل تۇلعالاردىڭ اتوم ەنەرگياسىن پايدالانۋ سالاسىنداعى ءتيىستى قىزمەت تۇرىنە ليتسەنزيالارى بولماسا, بەرۋگە قۇقىعى جوق.
3. اتوم ەنەرگياسى پايدالانىلاتىن وبەكتىلەرمەن جۇمىس ىستەۋدى جۇزەگە اسىراتىن جەكە جانە زاڭدى تۇلعالار قىزمەتىن توقتاتقان كەزدە قىزمەتتى قاۋىپسىز توقتاتۋ جونىندەگى مىناداي ءىس-شارالاردى ورىنداۋعا:
1) يادرولىق ماتەريالداردى جانە (نەمەسە) يونداندىرۋشى ساۋلەلەنۋ كوزدەرىن اتوم ەنەرگياسى پايدالانىلاتىن وبەكتىلەرمەن جۇمىس ىستەۋدى جۇزەگە اسىراتىن, ولارمەن جۇمىس ىستەۋگە ءتيىستى ليتسەنزيالارى بار جەكە جانە زاڭدى تۇلعالارعا بەرۋگە;
2) راديواكتيۆتى قالدىقتاردى جانە (نەمەسە) پايدالانىلعان راديونۋكليدتى كوزدەردى ساقتاۋ نەمەسە كومۋ پۋنكتتەرىنە بەرۋگە;
3) پايدالانىلىپ بولعان يادرولىق وتىندى ساقتاۋ نەمەسە كومۋ پۋنكتتەرىنە نە اتوم ەنەرگياسى پايدالانىلاتىن وبەكتىلەرمەن جۇمىس ىستەۋدى جۇزەگە اسىراتىن, يادرولىق ماتەريالدارمەن جۇمىس ىستەۋگە ءتيىستى ليتسەنزيالارى بار زاڭدى تۇلعالارعا بەرۋگە;
4) قورشاعان ورتانى قالپىنا كەلتىرۋ, اۋماقتاردى رەكۋلتيۆاتسيالاۋ, توقتاتىلاتىن قىزمەتتى جۇزەگە اسىرۋ كەزىندە لاستانعان جابدىقتار مەن ءۇي-جايلاردى اكتيۆسىزدەندىرۋ بويىنشا جۇمىستار جۇرگىزۋگە مىندەتتى.
9-باپ. اتوم ەنەرگياسىن پايدالانۋ سالاسىنداعى قىزمەتتى ليتسەنزيالاۋ
1. اتوم ەنەرگياسىن پايدالانۋ سالاسىنداعى قىزمەتتى ليتسەنزيالاۋ وسى زاڭعا جانە قازاقستان رەسپۋبليكاسىنىڭ رۇقساتتار جانە حابارلامالار تۋرالى زاڭناماسىنا سايكەس جۇزەگە اسىرىلادى.
الىپ قويۋ دەڭگەيىنەن جوعارى اتوم ەنەرگياسى پايدالانىلاتىن وبەكتىلەرمەن قىزمەت ليتسەنزيالانۋعا جاتادى.
2. قىزمەتتىڭ تۇرلەرى: اتوم ەنەرگياسى پايدالانىلاتىن وبەكتىلەردىڭ ومىرلىك تسيكلىنىڭ كەزەڭدەرىنە بايلانىستى جۇمىستاردى ورىنداۋ; يادرولىق ماتەريالدارمەن جۇمىس ىستەۋ; راديواكتيۆتى زاتتارمەن, قۇرامىندا راديواكتيۆتى زاتتار بار اسپاپتارمەن جانە قوندىرعىلارمەن جۇمىس ىستەۋ; يونداندىرۋشى ساۋلەلەنۋدى گەنەراتسيالايتىن اسپاپتارمەن جانە قوندىرعىلارمەن جۇمىس ىستەۋ; راديواكتيۆتى قالدىقتارمەن جۇمىس ىستەۋ; يادرولىق ماتەريالداردى, راديواكتيۆتi زاتتاردى, يونداندىرۋشى ساۋلەلەنۋدىڭ راديويزوتوپتىق كوزدەرiن, راديواكتيۆتi قالدىقتاردى ترانزيتتiك تاسىمالداۋدى قوسا العاندا, قازاقستان رەسپۋبليكاسى اۋماعىنىڭ شەگiندە تاسىمالداۋ ءۇشىن ليتسەنزيا جانە (نەمەسە) ليتسەنزياعا قوسىمشا الۋعا ءوتىنىشتى قاراۋ مەرزىمى – ول ۇسىنىلعان كۇننەن باستاپ:
1) رادياتسيالىق قاۋىپتىلىگى 1 جانە 2-ساناتتارداعى يادرولىق قوندىرعىلار, كومۋ پۋنكتتەرى ءۇشىن – ون ايدان اسپايدى;
2) رادياتسيالىق قاۋىپتىلىگى 3 جانە 4-ساناتتارداعى يادرولىق قوندىرعىلار, رادياتسيالىق قاۋىپتىلىگى 1 جانە 2-ساناتتارداعى رادياتسيالىق جانە ەلەكتروفيزيكالىق قوندىرعىلار ءۇشىن – بەس ايدان اسپايدى;
3) رادياتسيالىق قاۋىپتىلىگى 3-ساناتتاعى رادياتسيالىق جانە ەلەكتروفيزيكالىق قوندىرعىلار ءۇشىن – الپىس جۇمىس كۇنىنەن اسپايدى;
4) رادياتسيالىق قاۋىپتىلىگى 4-ساناتتاعى رادياتسيالىق جانە ەلەكتروفيزيكالىق قوندىرعىلار ءۇشىن – قىرىق جۇمىس كۇنىنەن اسپايدى;
5) پايدالانىلىپ بولعان يادرولىق وتىندى, اكتيۆتىلىگى جوعارى راديواكتيۆتى قالدىقتاردى تاسىمالداۋ ءۇشىن – ءتورت ايدان اسپايدى;
6) يادرولىق ماتەريالداردى تاسىمالداۋ ءۇشىن – ەلۋ جۇمىس كۇنىن;
7) اكتيۆتىلىگى ورتاشا, اكتيۆتىلىگى تومەن راديواكتيۆتى قالدىقتاردى, راديواكتيۆتى زاتتار مەن جابىق راديواكتيۆتى كوزدەردى تاسىمالداۋ ءۇشىن – وتىز جۇمىس كۇنىن قۇرايدى.
3. يادرولىق, رادياتسيالىق, ەلەكتروفيزيكالىق قوندىرعىلارعا قاتىسى جوق يونداندىرۋشى ساۋلەلەنۋ كوزدەرىمەن نەمەسە راديواكتيۆتى قالدىقتارمەن جۇمىس ىستەۋ, سونداي-اق قىزمەتتىڭ تۇرلەرى: اتوم ەنەرگياسىن پايدالانۋ سالاسىندا قىزمەتتەر كورسەتۋ; بۇرىنعى يادرولىق سىناق پوليگوندارىنىڭ اۋماقتارىنداعى جانە جۇرگىزىلگەن يادرولىق سىناقتار سالدارىنان لاستانعان باسقا اۋماقتارداعى قىزمەت; يادرولىق قوندىرعىلار مەن يادرولىق ماتەريالداردى فيزيكالىق قورعاۋ; يادرولىق جانە رادياتسيالىق قاۋىپسىزدىكتى قامتاماسىز ەتۋگە جاۋاپتى پەرسونالدى ارنايى دايارلاۋ ءۇشىن ليتسەنزيا جانە (نەمەسە) ليتسەنزياعا قوسىمشا بەرۋ تۋرالى وتىنىشتەردى قاراۋ مەرزىمى وتىز جۇمىس كۇنىن قۇرايدى.
4. ليتسەنزياعا قوسىمشادا ليتسەنزيا بەرۋدىڭ ەرەكشە شارتتارى رەتىندە اسپاپتاردىڭ, قوندىرعىلاردىڭ, ماتەريالداردىڭ, زاتتاردىڭ, قالدىقتاردىڭ ءتۇرى كورسەتىلەدى, بۇلارمەن ليتسەنزيات مىناداي تىزبە بويىنشا جۇمىس جۇرگىزەدى:
1) يادرولىق وتىن جانە ونىڭ كومپونەنتتەرىن دايىندايتىن قوندىرعىلار;
2) اتوم ەنەرگەتيكالىق ستانتسيالارى;
3) يادرولىق (اتوم) زەرتتەۋ رەاكتورلارى;
4) تەرمويادرولىق رەاكتورلار;
5) تابيعي ۋران وندىرەتىن جانە قايتا وڭدەيتىن قوندىرعىلار;
6) اكتيۆتىلىگى جوعارى راديواكتيۆتى قالدىقتاردى ساقتاۋ پۋنكتتەرى;
7) اكتيۆتىلىگى ورتاشا راديواكتيۆتى قالدىقتاردى ساقتاۋ پۋنكتتەرى;
8) اكتيۆتىلىگى تومەن راديواكتيۆتى قالدىقتاردى ساقتاۋ پۋنكتتەرى;
9) پايدالانىلىپ بولعان يادرولىق وتىندى ساقتاۋ پۋنكتتەرى;
10) راديونۋكليدتى كوزدەردى ساقتاۋ پۋنكتتەرى;
11) اكتيۆتىلىگى جوعارى راديواكتيۆتى قالدىقتاردى كومۋ پۋنكتتەرى;
12) اكتيۆتىلىگى ورتاشا راديواكتيۆتى قالدىقتاردى كومۋ پۋنكتتەرى;
13) اكتيۆتىلىگى تومەن راديواكتيۆتى قالدىقتاردى كومۋ پۋنكتتەرى;
14) پايدالانىلىپ بولعان يادرولىق وتىندى كومۋ پۋنكتتەرى;
15) پايدالانىلعان راديونۋكليدتى كوزدەردى كومۋ پۋنكتتەرى;
16) يزوتوپتىق قۇرامى كورسەتىلگەن يادرولىق ماتەريالدار;
17) راديواكتيۆتى زاتتار;
18) راديوفارمپرەپاراتتار;
19) نەيترون گەنەراتورلارى;
20) قۇرامىندا ۋران بار زاتتار;
21) قۇرامىندا توري بار زاتتار;
22) تابيعي ۋراننىڭ قايتا وڭدەلگەن ونىمدەرى;
23) بەلسەندىلىگى كورسەتىلگەن جابىق راديونۋكليدتى كوزدەر;
24) اكتيۆتىلىگى جوعارى راديواكتيۆتى قالدىقتار;
25) اكتيۆتىلىگى ورتاشا راديواكتيۆتى قالدىقتار;
26) اكتيۆتىلىگى تومەن راديواكتيۆتى قالدىقتار;
27) راديويزوتوپتىق سپەكترومەترلەر, تالداعىشتار, داتچيكتەر, ولشەۋىشتەر;
28) رەنتگەندىك سپەكترومەترلەر, تالداعىشتار, داتچيكتەر, ولشەۋىشتەر;
29) ستاتسيونارلىق راديويزوتوپتىق دەفەكتوسكوپتار;
30) كوشپەلى راديويزوتوپتىق دەفەكتوسكوپتار;
31) ستاتسيونارلىق رەنتگەندىك دەفەكتوسكوپتار;
32) كوشپەلى رەنتگەندىك دەفەكتوسكوپتار;
33) قول جۇگىن, باگاجدى, كولىكتى, ماتەريالداردى, زاتتاردى جەتە تەكسەرۋگە ارنالعان راديويزوتوپتىق قوندىرعىلار;
34) قول جۇگىن, باگاجدى, كولىكتى, ماتەريالداردى, زاتتاردى جەتە تەكسەرۋگە ارنالعان رەنتگەن جابدىعى;
35) ادامدى جەكە-دارا جەتە تەكسەرۋگە ارنالعان رەنتگەن جابدىعى;
36) ەنەرگياسى 10 مەۆ دەيىن ەلەكترونداردى ۇدەتكىشتەر;
37) ەنەرگياسى 10 مەۆ جوعارى ەلەكترونداردى ۇدەتكىشتەر;
38) ەنەرگياسى 2 مەۆ/نۋكلونعا دەيىن يونداردى ۇدەتكىشتەر;
39) ەنەرگياسى 2 مەۆ/نۋكلوننان جوعارى يونداردى ۇدەتكىشتەر;
40) زاريادتالعان بولشەكتەردى مەديتسينالىق ۇدەتكىشتەر;
41) جالپى ماقساتتاعى مەديتسينالىق رەنتگەن قوندىرعىلارى;
42) مەديتسينالىق رەنتگەندىك دەنتالدىق جابدىق;
43) مەديتسينالىق رەنتگەندىك مامموگرافيالىق قوندىرعىلار;
44) مەديتسينالىق رەنتگەندىك انگيوگرافيالىق جابدىق;
45) مەديتسينالىق كومپيۋتەرلىك رەنتگەندىك توموگرافتار;
46) مەديتسينالىق راديويزوتوپتىق دياگنوستيكالىق جابدىق;
47) مەديتسينالىق رەنتگەندىك تەراپيالىق جابدىق;
48) مەديتسينالىق رەنتگەندىك سيمۋلياتورلار;
49) مەديتسينالىق گامما-تەراپيالىق قوندىرعىلار.
5. اتوم ەنەرگياسىن پايدالانۋ سالاسىنداعى قىزمەت تۇرلەرىنە ليتسەنزيالاردىڭ قولدانىلۋى مىناداي جاعدايلاردا:
1) رادياتسيالىق اۆاريالار جانە (نەمەسە) وقىس وقيعالار كەزىندە;
2) تەكسەرۋلەر ناتيجەسىندە انىقتالعان يادرولىق جانە (نەمەسە) رادياتسيالىق جانە (نەمەسە) يادرولىق فيزيكالىق قاۋىپسىزدىك, يادرولىق ماتەريالداردى, يونداندىرۋشى ساۋلەلەنۋ كوزدەرىن ەسەپكە الۋ تالاپتارى بۇزىلعان كەزدە;
3) ليتسەنزيا الۋ كەزىندە ليتسەنزيات ۇسىنعان ماتەريالداردا انىق ەمەس مالىمەتتەر انىقتالعان كەزدە;
4) ۋاكىلەتتى ورگاننىڭ نۇسقامالارى بەلگىلەنگەن مەرزىمدەردە ورىندالماعان كەزدە التى ايدان اسپايتىن مەرزىمگە توقتاتىلا تۇرۋى مۇمكىن.
6. ليتسەنزيانىڭ قولدانىلۋى توقتاتىلا تۇرعان كەزدە ليتسەنزيات يادرولىق, رادياتسيالىق جانە يادرولىق فيزيكالىق قاۋىپسىزدىكتى قامتاماسىز ەتۋدى جالعاستىرادى.
7. ليتسەنزيانى توقتاتا تۇرۋ نەمەسە ودان ايىرۋ قازاقستان رەسپۋبليكاسىنىڭ زاڭدارىندا بەلگىلەنگەن تارتىپپەن جۇزەگە اسىرىلادى.
10-باپ. قوندىرعىلاردىڭ رادياتسيالىق قاۋىپتىلىك ساناتتارى
1. يادرولىق, رادياتسيالىق, ەلەكتروفيزيكالىق قوندىرعىلار مىناداي ءتورت رادياتسيالىق قاۋىپتىلىك ساناتىنا بولىنەدى:
1) 1-سانات – اۆاريا كەزىندە ولاردىڭ سانيتاريالىق-قورعاۋ ايماعىنىڭ شەگىنەن تىسقارى جەردە حالىققا رادياتسيالىق اسەرى بولۋى مۇمكىن قوندىرعىلار;
2) 2-سانات – اۆاريا كەزىندە رادياتسيالىق اسەر ولاردىڭ سانيتاريالىق-قورعاۋ ايماعىنىڭ اۋماعىمەن شەكتەلەتىن قوندىرعىلار;
3) 3-سانات – رادياتسيالىق اسەرى ولاردى ورنالاستىرۋ الاڭىمەن شەكتەلەتىن قوندىرعىلار;
4) 4-سانات – رادياتسيالىق اسەرى اتوم ەنەرگياسىن پايدالانا وتىرىپ قىزمەتتى جۇزەگە اسىرۋعا بايلانىستى جۇمىستار جۇرگىزىلەتىن ءۇي-جايلارمەن نەمەسە جۇمىس ورنىمەن عانا شەكتەلەتىن قوندىرعىلار.
2. يادرولىق, رادياتسيالىق, ەلەكتروفيزيكالىق قوندىرعىلاردىڭ رادياتسيالىق قاۋىپتىلىك ساناتتارىن اتوم ەنەرگياسىن پايدالانۋ سالاسىنداعى قىزمەتتى جۇزەگە اسىراتىن جانە (نەمەسە) قوندىرعىلاردىڭ مەنشىك يەلەرى بولىپ تابىلاتىن جەكە جانە زاڭدى تۇلعالار رادياتسيالىق قاۋىپسىزدىكتى قامتاماسىز ەتۋگە قويىلاتىن سانيتاريالىق-ەپيدەميولوگيالىق تالاپتارعا جانە قازاقستان رەسپۋبليكاسىنىڭ اتوم ەنەرگياسىن پايدالانۋ سالاسىنداعى زاڭناماسىنا سايكەس ايقىندايدى.
3. زاڭدى تۇلعالار عانا رادياتسيالىق قاۋىپتىلىگى 1 جانە 2-ساناتتارداعى يادرولىق جانە رادياتسيالىق قوندىرعىلاردىڭ, سونداي-اق ەلەكتروفيزيكالىق قوندىرعىلاردىڭ مەنشىك يەلەرى بولا الادى.
11-باپ. راديونۋكليدتى كوزدەردىڭ قاۋىپتىلىك ساناتتارى
1. رادياتسيالىق قورعانۋدى وڭتايلاندىرۋ جانە يادرولىق, رادياتسيالىق جانە يادرولىق فيزيكالىق قاۋىپسىزدىكتى قامتاماسىز ەتۋ ماقساتىندا راديونۋكليدتى كوزدەر ادامعا قاۋىپتى اسەر تۋعىزاتىن شەكتى بەلسەندىلىككە كوزدىڭ بەلسەندىلىگىنىڭ قاتىسىمەن ايقىندالاتىن بەس قاۋىپتىلىك ساناتىنا بولىنەدى:
1) 1-سانات – بەلسەندىلىگى شەكتى بەلسەندىلىككە قاتىستى 1000-نان استام مانگە يە كوزدەر;
2) 2-سانات – بەلسەندىلىگى شەكتى بەلسەندىلىككە قاتىستى 10-نان 1000-عا دەيىنگى مانگە يە كوزدەر;
3) 3-سانات – بەلسەندىلىگى شەكتى بەلسەندىلىككە قاتىستى 1-دەن 10-عا دەيىنگى مانگە يە كوزدەر;
4) 4-سانات – بەلسەندىلىگى شەكتى بەلسەندىلىككە قاتىستى 0,01-دەن 1-گە دەيىنگى مانگە يە كوزدەر;
5) 5-سانات – بەلسەندىلىگى الىپ قويۋ دەڭگەيىنەن جوعارى مانگە يە جانە بەلسەندىلىگى شەكتى بەلسەندىلىككە قاتىستى 0,01-دەن كەم مانگە يە كوزدەر.
2. ءارتۇرلى راديويزوتوپتار ءۇشىن شەكتى بەلسەندىلىك شاماسىنىڭ ماندەرىن ۋاكىلەتتى ورگان بەلگىلەيدى.
12-باپ. يادرولىق قوندىرعىلار مەن كومۋ پۋنكتتەرىن سالۋ
1. يادرولىق قوندىرعىلاردى جانە كومۋ پۋنكتتەرىن سالۋ جانە سالۋ اۋدانى تۋرالى شەشىمدى اۋماعىندا قوندىرعىنى نەمەسە كومۋ پۋنكتىن سالۋ جوسپارلاناتىن جەرگىلىكتى وكىلدى ورگانداردىڭ كەلىسىمىمەن قازاقستان رەسپۋبليكاسىنىڭ ۇكىمەتى:
1) ەلدىڭ جانە ونىڭ جەكەلەگەن وڭىرلەرىنىڭ شارۋاشىلىق مىندەتتەرىن شەشۋ ءۇشىن ولارعا دەگەن قاجەتتىلىكتەردى;
2) قازاقستان رەسپۋبليكاسىنىڭ اتوم ەنەرگياسىن پايدالانۋ سالاسىنداعى زاڭناماسىنىڭ تالاپتارىنا ساي كەلەتىن كورسەتىلگەن وبەكتىلەردى ورنالاستىرۋ ءۇشىن قاجەتتى جاعدايلاردىڭ بولۋىن;
3) جاقىن ورنالاسقان ازاماتتىق جانە اسكەري وبەكتىلەر تاراپىنان كورسەتىلگەن وبەكتىلەرگە قاۋىپسىزدىك قاتەرىنىڭ جوق ەكەندىگىن;
4) قازاقستان رەسپۋبليكاسىنىڭ ەكولوگيالىق زاڭناماسىندا بەلگىلەنگەن تالاپتاردى;
5) كورسەتىلگەن وبەكتىلەردى ورنالاستىرۋدىڭ ءوڭىردىڭ ونەركاسىپتىك, اۋىل شارۋاشىلىق جانە الەۋمەتتىك دامۋىنا ىقتيمال الەۋمەتتىك جانە ەكونوميكالىق سالدارىن ەسكەرە وتىرىپ, قابىلدايدى.
2. سالۋ جانە سالۋ اۋدانى تۋرالى شەشىم قابىلدانعاننان كەيىن يادرولىق قوندىرعىنى نەمەسە كومۋ پۋنكتىن ورنالاستىرۋ الاڭىن تاڭداۋ جۇمىستارى جۇرگىزىلەدى.
3. يادرولىق قوندىرعىنى نەمەسە كومۋ پۋنكتىن ورنالاستىرۋ الاڭى:
1) تابيعي جانە (نەمەسە) تەحنوگەندىك سيپاتتاعى ىقتيمال سىرتقى اسەرلەر;
2) راديواكتيۆتى زاتتاردىڭ ىقتيمال كوشىرىلۋى;
3) يادرولىق قوندىرعىنى نەمەسە كومۋ پۋنكتىن پايدالانۋ ناتيجەسىندە نەمەسە وقىس وقيعالاردىڭ نەمەسە اۆاريالاردىڭ تۋىنداۋى سالدارىنان حالىققا جانە قورشاعان ورتاعا كەلتىرىلەتىن نۇقساندى بولعىزباۋ مۇمكىندىگى ەسكەرىلە وتىرىپ, ايقىندالۋعا ءتيىس.
4. يادرولىق قوندىرعىنى نەمەسە كومۋ پۋنكتىن جوبالاۋ, سالۋ جانە پايدالانۋعا بەرۋ وسى زاڭعا جانە قازاقستان رەسپۋبليكاسىنىڭ وزگە دە زاڭدارىنا سايكەس جۇزەگە اسىرىلادى.
5. يادرولىق قوندىرعىلاردىڭ جانە كومۋ پۋنكتتەرىنىڭ جوبالاۋ قۇجاتتارى مىندەتتى تۇردە مەملەكەتتىك ەكولوگيالىق جانە سانيتاريالىق-ەپيدەميولوگيالىق ساراپتامالاردان وتكىزىلەدى.
6. يادرولىق قوندىرعىلاردى جانە كومۋ پۋنكتتەرىن سالۋعا زاڭدى تۇلعالارعا عانا رۇقسات ەتىلەدى.
7. ۇلتتىق قاۋىپسىزدىككە قاتەر تونگەن جاعدايلاردا, قازاقستان رەسپۋبليكاسىنىڭ ۇكىمەتى يادرولىق قوندىرعىنى نەمەسە كومۋ پۋنكتىن سالۋدى توقتاتۋ تۋرالى شەشىم قابىلداۋعا قۇقىلى.
13-باپ. يادرولىق فيزيكالىق قاۋىپسىزدىك
1. اتوم ەنەرگياسىن پايدالانۋ سالاسىنداعى قىزمەتتى جۇزەگە اسىرۋ كەزىندە پايدالانۋشى ۇيىم يادرولىق فيزيكالىق قاۋىپسىزدىكتى قامتاماسىز ەتەدى.
2. يادرولىق فيزيكالىق قاۋىپسىزدىكتى قامتاماسىز ەتۋ ماقساتىندا اتوم ەنەرگياسى پايدالانىلاتىن وبەكتىلەردى فيزيكالىق قورعاۋ جۇزەگە اسىرىلادى, ول:
1) اتوم ەنەرگياسى پايدالانىلاتىن وبەكتىنى يادرولىق ماتەريالداردى رۇقساتسىز الىپ قويۋدان, ۇرلاۋدان نەمەسە يادرولىق قوندىرعىنى زاڭسىز باسىپ الۋدان قورعاۋدى;
2) اتوم ەنەرگياسى پايدالانىلاتىن وبەكتىلەردى ديۆەرسيادان قورعاۋدى;
3) اتوم ەنەرگياسى پايدالانىلاتىن وبەكتىلەردە بولۋى ىقتيمال ديۆەرسيانىڭ راديولوگيالىق سالدارىن جەڭىلدەتۋدى نەمەسە بارىنشا ازايتۋدى قامتاماسىز ەتۋگە ءتيىس.
3. رادياتسيالىق قاۋىپتىلىگى 1 جانە 2-ساناتتارداعى يادرولىق قوندىرعىلاردى كۇزەتۋدى ىشكى ىستەر ورگاندارىنىڭ مامانداندىرىلعان كۇزەت بولىمشەلەرى جۇزەگە اسىرادى.
14-باپ. يادرولىق ماتەريالدار مەن يونداندىرۋشى ساۋلەلەنۋ كوزدەرiن مەملەكەتتىك ەسەپكە الۋ
1. يادرولىق ماتەريالدار مەن يونداندىرۋشى ساۋلەلەنۋ كوزدەرi ۋاكىلەتتى ورگان ايقىندايتىن تارتىپپەن مەملەكەتتiك ەسەپكە الىنۋعا جاتادى.
2. يادرولىق ماتەريالدار مەن يونداندىرۋشى ساۋلەلەنۋ كوزدەرىن مەملەكەتتىك ەسەپكە الۋ يادرولىق ماتەريالداردىڭ, يونداندىرۋشى ساۋلەلەنۋ كوزدەرىنىڭ قولدا بار سانىن, ولارمەن جۇمىس ىستەۋ كەزىندە ولاردىڭ ورىن اۋىستىرۋىن جانە ورنالاسقان جەرىن ايقىنداۋدى قامتاماسىز ەتەدى.
3. اتوم ەنەرگياسى پايدالانىلاتىن وبەكتىلەرمەن جۇمىس ىستەۋدى جۇزەگە اسىراتىن جەكە جانە زاڭدى تۇلعالار ۋاكىلەتتى ورگانعا يادرولىق ماتەريالدار مەن يونداندىرۋشى ساۋلەلەنۋ كوزدەرiنىڭ بار-جوعى, ورىن اۋىستىرۋى جانە ورنالاسقان جەرى تۋرالى ەسەپتەردى ۇسىنادى.
4. ۋاكىلەتتى ورگان يونداندىرۋشى ساۋلەلەنۋ كوزدەرىنىڭ بار-جوعى, ورىن اۋىستىرۋى جانە ورنالاسقان جەرى تۋرالى الىنعان اقپاراتقا تالداۋ مەن سالىستىرۋدى جۇزەگە اسىرادى جانە ونى يونداندىرۋشى ساۋلەلەنۋ كوزدەرىنىڭ تىزىلىمىنە ەنگىزەدى.
15-باپ. اتوم ەنەرگياسىن پايدالانۋ سالاسىندا ەكسپورت پەن يمپورتتى جۇزەگە اسىرۋ
1. يادرولىق جانە ارنايى يادرولىق ەمەس ماتەريالداردىڭ, جابدىقتاردىڭ, قوندىرعىلاردىڭ, تەحنولوگيالاردىڭ, يونداندىرۋشى ساۋلەلەنۋ كوزدەرىنىڭ, قوسارلى قولدانىلاتىن (ماقساتتاعى) جابدىقتاردىڭ جانە ءتيىستى تاۋارلار مەن تەحنولوگيالاردىڭ, ولاردى شىعارۋعا بايلانىستى جۇمىستاردىڭ, كورسەتىلەتىن قىزمەتتەردىڭ ەكسپورتى مەن يمپورتى ۋاكىلەتتى ورگاننىڭ كەلىسۋى بويىنشا ەكسپورتتىق باقىلاۋ سالاسىنداعى مەملەكەتتىك رەتتەۋدى جۇزەگە اسىراتىن ۋاكىلەتتى مەملەكەتتىك ورگاننىڭ ليتسەنزياسى نەگىزىندە جۇزەگە اسىرىلادى.
2. ءونىمنىڭ نەمەسە زياتكەرلىك شىعارماشىلىق قىزمەت ناتيجەلەرىنىڭ ەكسپورتىنا, ەگەر مۇنداي ءونىم نەمەسە زياتكەرلىك شىعارماشىلىق قىزمەت ناتيجەلەرى يادرولىق قارۋدى نەمەسە ونىڭ كومپونەنتتەرىن ازىرلەۋدە, جاساۋدا, سىناۋدا جانە بەرۋدە پايدالاناتىندىعى ەكسپورتتاۋشىعا انىق بەلگىلى بولسا, تىيىم سالىنادى.
3. اتوم ەنەرگياسىن پايدالانۋ سالاسىنداعى ەكسپورتتىق باقىلاۋدىڭ نورمالارى مەن تالاپتارىن قامتاماسىز ەتۋ ماقساتىندا ەكسپورتتاۋشىلار قازاقستان رەسپۋبليكاسىنىڭ ەكسپورتتىق باقىلاۋ تۋرالى زاڭناماسىنا سايكەس فيرماىشىلىك ەكسپورتتىق باقىلاۋ جۇيەلەرىن قۇرادى.
16-باپ. يادرولىق ماتەريالداردى, راديواكتيۆتى زاتتاردى جانە راديواك