استانا. 9 قاڭتار. ەلوردادا ۇلتتىق ۇلاننىڭ 230-عا جۋىق ساربازى اسكەري انت قابىلدادى. بۇل تۋرالى 24.kz حابارلادى.
انت قابىلداۋ راسىمىندە وفيتسەرلەر تاراپىنان جاس ساربازدارعا تىنىشتىق پەن تۇراقتىلىقتى ساقتاۋدا ءوز قىزمەتىن ابىرويمەن اتقارۋ جايى كەڭىنەن ايتىلدى. سونداي-اق, ءبولىم كومانديرلەرى «انتتان اتتاعانى – اردان اتتاعانى» دەگەندى العا تارتىپ, وتان الدىنداعى بورىشتى وتەۋدە ادال بولۋعا شاقىردى.
ۇلتتىق ۇلان 3660 اسكەري ءبولىمىنىڭ كومانديرى مارات ءارىنوۆ: «اتا-بابالارىمىزدان كەلە جاتقان بۇل اسكەري انت قابىلداۋ ءبىزدىڭ قانىمىزعا سىڭگەن شارت بولىپ سانالادى. سوندىقتان ۇلتتىق ۇلاننىڭ ءاربىر ساربازى انتىنا ادال, وتان الدىنداعى مىندەتىن ابىرويمەن اتقارادى دەپ سەنەمىن», – دەدى.
ايتا كەتەيىك, انت قابىلداعان جاز ساربازدار استانا, ماڭعىستاۋ جانە قاراعاندىدان شاقىرىلعاندار. ولار ءوز كەزەگىندە اسكەري بوريشىن ابرويىلى وتەپ, ەلدىڭ قورعانى بولاتىندارىن جەتكىزدى.
تالعات رايىمبەك.
دەرەك, سۋرەت: 24.kz.