استانا. 9 قاڭتار. مىسىرداعى قوناقۇيدىڭ بىرىنە سودىرلار شابۋىل جاساپ, سالدارىنان شەتەلدىك ازاماتتار زارداپ شەكتى. بۇل تۋرالى 24.kz حابارلادى.
ەكى لاڭكەس مىسىردىڭ حۋرگاد كۋرورتتى قالاسىنداعى قوناقۇيگە شابۋىل جاساعان. دەرەك كوزدەرگە سۇيەنسەك, ولار قوناقۇيگە رەستوران ارقىلى كىرىپ, شەتەلدىك تۋريستەرگە قوقاڭ-لوققى كورسەتكەن. سالدارىنان ەكى اۆستريا جانە ءبىر شۆەتسيا ازاماتى زارداپ شەككەن.
ايتا كەتەيىك, جەرگىلىكتى پوليتسەيلەر وقيعا ورنىنا دەر كەزىندە جەتىپ, ءبىر سودىردى اتىپ تاستاعان. ال ەكىنشىسى اتىس كەزىندە اۋىر جاراقات العان. قازىرگى تاڭدا لاڭكەستەردىڭ قاي ۇيىمنان ەكەنى انىقتالۋ ۇستىندە.
تالعات رايىمبەك.
دەرەك, سۋرەت. 24.kz.