...كولدى اۋىلىندا مەشىت اشىلدى
قاسيەتتى رامازان ايى اياقتالار تۇستا ەڭبەكشىقازاق اۋدانىنداعى تەسكەنسۋ اۋىلدىق وكرۋگىنە قاراستى كولدى اۋىلىندا جاڭا مەشىت اشىلىپ, بۇل ۇدەرىس حالىقتىڭ ءدىنىمىزگە دەگەن اق نيەتىمەن استاستى. تەك جاقسىلىققا ۇندەيتىن, ادامي قاعيداتتاردى ۋاعىزدايتىن يسلامنىڭ شاپاعاتتى شاڭىراعى سانالاتىن مەشىتتىڭ اۋىل تۇرعىندارىنىڭ ۇيىتقىسىمەن سالىنعانى قۋانتادى.
كولدى اۋىلى سوڭعى جىلدارى قاناتىن كەڭگە جايىپ, مادەنيەت ءۇيى مەن جاڭا مەكتەپ, حالىققا قىزمەت كورسەتەتىن ورىندار سالىندى. باردى باعالاعان كولدىلىكتەر اعا, جاس ۇرپاقتى يماندىلىققا ءۇندەيتىن اللانىڭ ءۇيى قاجەتتىگىن ءتۇسىنىپ, ءبىرى – قارجىسىمەن, ءبىرى ەڭبەگىمەن اتسالىسىپ, جاڭا مەشىتتىڭ كوك كۇمبەزىن كوككە كوتەردى. تاعى ءبىر قۋانىشتىسى – اۋىل تۇرعىنى, كاسىپكەر اندرەي لاۆرەنتەۆ قۇرىلىسقا قوماقتى قارجى قوسۋمەن بىرگە, اۋىلداستارىن يماندىلىققا بەت بۇرۋعا شاقىرعانىن ايتقان ءجون.
جيىننان سوڭ ارۋاقتارعا ارناپ اس بەرىلىپ, ءدىنىمىزدى ۋاعىزدايتىن اندەر شىرقالدى.
كۇمىسجان بايجان, الماتى وبلىسى.
...شتابتىڭ كەزەكتى ءماجىلىسى ءوتتى
قاراعاندى وبلىستىق كاسىپوداقتار فەدەراتسياسىنىڭ ۇيىتقى بولۋىمەن جىل باسىنان بەرى كاسىپورىندار مەن مەكەمەلەر اراسىندا “ۇجىمدىق شارت بەكىتىڭىز” دەگەن تاقىرىپتا شارا وتكىزىلىپ كەلەدى. سالالىق 11 كاسىپوداقتى, سونىڭ ىشىندە “ارسەلور ميتتال تەمىرتاۋ” كومپانياسى جانىنداعى كەنشىلەردىڭ “قورعاۋ”, مەتاللۋرگتەردىڭ “جاقتاۋ”, “قازاقمىس” كورپوراتسياسىنداعى كاسىپوداق ۇيىمدارىن ءبىرىكتىرگەن بۇل فەدەراتسيامەن بۇگىندە 1350 ۇجىمدىق شارت جاسالعان.
الايدا ءوزارا ىنتىماقتاستىققا ق ۇلىقسىز ەڭبەك بۋىندارى دا جوق ەمەس. اسىرەسە, ولار شاعىن جانە ورتا بيزنەس ورتاسىندا ءجيى كەزدەسەدى. اتالعان اكتسيانىڭ نەگىزگى ماقساتى دا سىرت قاراۋشىلاردى قاتارعا تارتىپ, ەڭبەككەرلەر ءمۇددەسىن بۇكىل سالادا قورعاۋدى قامتاماسىز ەتۋگە ارنالعان. ول ويداعىداي ىسكە اسىرىلۋدا. اكتسيا كەزىندە 19 ۇيىم ۇجىمدىق شارت بەكىتۋگە تارتىلدى.
ايقىن نەسىپباي, قاراعاندى.
...مەموراندۋمعا قول قويىلدى
كەشە اۋىل شارۋاشىلىعى مينيسترلىگى, “قازاگرو” حولدينگى” اق, “قازاقستان استىق وداعى” زاڭدى تۇلعالار بىرلەستىگى, “قازاقستاننىڭ استىقتى قايتا وڭدەۋشىلەر جانە نان وندىرۋشىلەر وداعى” زاڭدى تۇلعالار بىرلەستىگى جانە وبلىس اكىمدىگى اراسىندا جامبىل وبلىسىن ازىق-ت ۇلىكتىك بيدايمەن قامتاماسىز ەتۋ شارالارى جونىندەگى مەموراندۋمعا قول قويىلدى.
بيىل جامبىل وبلىسى بويىنشا 364,6 مىڭ توننا استىق الىندى. ونىڭ ىشىندە بيداي 232,0 مىڭ توننانى قۇرايدى. وسى استىقتان وبلىستىڭ ءبىر جىلدىق ىشكى قاجەتتىلىگى ءۇشىن 120,7 مىڭ توننا ازىق-ت ۇلىكتىك بيداي جانە 30,0 مىڭ توننا تۇقىمدىق بيداي جاساقتالادى. دەگەنمەن, ول استىقتىڭ ءبارى شارۋاشىلىقتاردىڭ قولىندا.
سوندىقتان, ەكونوميكانى جاڭعىرتۋ ماسەلەلەرى جونىندەگى مەملەكەتتىك كوميسسياسى ءماجىلىسىنىڭ قورىتىندىسىنا سايكەس, “ازىق-ت ۇلىك كەلىسىم-شارت كورپوراتسياسى” ۇلتتىق كومپانياسى” اق ىشكى استىق رىنوگىن جانە ناننىڭ باعاسىن تۇراقتاندىرۋدى قامتاماسىز ەتۋ ءۇشىن بيىلعى ونىمنەن رەسپۋبليكا بويىنشا 2,0 ملن. تونناعا دەيىنگى كولەمدە ازىق-ءتۇلىكتىك بيداي ساتىپ الاتىن بولىپ شەشىلدى. جامبىل وبلىسى بويىنشا ازىق-ت ۇلىكتىك بيداي ساتىپ الۋ كۆوتاسى 33,7 مىڭ توننانى قۇرايدى.
كوسەمالى ساتتىباي ۇلى, جامبىل وبلىسى.