ادىلەت مينيسترلىگىنىڭ زياتكەرلىك مەنشىك قۇقىعى كوميتەتى قاراعاندى وبلىسىنىڭ ادىلەت دەپارتامەنتىمەن بىرىگىپ, قاراعاندى قالاسىندا “اۆتورلىق جانە ساباقتاس قۇقىقتاردى قورعاۋدىڭ كەيبىر ماسەلەلەرى” تاقىرىبىندا وڭىرلىك سەمينار وتكىزدى.
سەمينار جۇمىسىنا قۇقىق قورعاۋ, كەدەن, ادىلەت ورگاندارى مەن جەرگىلىكتى اتقارۋشى ورگانداردىڭ جانە قوعامدىق ۇيىمداردىڭ وكىلدەرى, قۇقىق يەلەنۋشىلەر, سونداي-اق اۆتورلىق قۇقىق پەن ساباقتاس قۇقىقتار وبەكتىلەرىن پايدالانۋشىلار قاتىستى.
سەميناردىڭ ماقساتى عىلىم, ادەبيەت جانە ونەر تۋىندىلارىن كوممەرتسيالىق نەگىزدە پايدالاناتىن تۇلعالاردىڭ قۇقىقتىق سانا دەڭگەيىن ارتتىرۋ, سونداي-اق اۆتورلىق جانە ساباقتاس قۇقىقتاردى قورعاۋدىڭ وزەكتى ماسەلەلەرىن شەشۋ جولىندا تۇرعان كەدەرگىلەردى انىقتاۋ بولدى.
زياتكەرلىك مەنشىك قۇقىعى كوميتەتى توراعاسىنىڭ ورىنباسارى ش.ابدىرەەۆا اتاپ وتكەندەي, ءبىز جاڭا تەحنولوگيالار اقپاراتتى تاراتۋعا جاڭا مۇمكىندىكتەر بەرەتىن جاڭا عاسىردا ءومىر سۇرەمىز. وكىنىشكە قاراي, وسى تەحنولوگيالاردى پايدالانعان كەزدە اۆتورلاردىڭ قۇقىقتارىنا قىسىم جاساۋ فاكتىلەرى ورىن الۋدا. ەڭ دۇرىسى – تۋىندى كوپشىلىك قاۋىمعا كىشكەنتاي شىعىنعا جانە قىسقا مەرزىمدە قولجەتىمدى بولاتىن اۆتورلىق قۇقىق وبەكتىلەرىن اقپاراتتىق اعىندا پايدالانۋ.
حالىقارالىق شارتتار مەن كەلىسىمدەر اۆتورلىق قۇقىق سالاسىنداعى قازاقستاننىڭ مىندەتتەرىن كوزدەيدى. وسىعان وراي, ءبىزدىڭ الدىمىزدا تۇرعان مىندەت – تۋىندىلارعا قۇقىقتاردى ءتيىمدى قورعاۋدى قامتاماسىز ەتىپ, قۇقىق يەلەنۋشىلەر مەن پايدالانۋشىلار اراسىندا وركەنيەتتى قارىم-قاتىناس قۇرۋعا ىقپال جاساۋ.
سەمينارعا قاتىسۋشىلار وزدەرىن تولعاندىرىپ جۇرگەن سۇراقتارعا تولىق جاۋاپ الدى, سونداي-اق عىلىم, ادەبيەت جانە ونەر تۋىندىلارىنا اۆتورلاردىڭ قۇقىقتارىن قامتاماسىز ەتۋ ماسەلەلەرىندە ودان ءارى ىنتىماقتاستىقتى نىعايتۋ جولدارىن بەلگىلەدى.
“ەگەمەن-اقپارات”.