مەملەكەت باسشىسى نۇرسۇلتان نازارباەۆ كسرو مەملەكەتتىك سىيلىعىنىڭ لاۋرەاتى, قازاقستان رەسپۋبليكاسىنىڭ حالىق جازۋشىسى ءابدىجامىل نۇرپەيىسوۆتى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
كەزدەسۋ بارىسىندا قازاقستان مادەنيەتىن دامىتۋداعى وزەكتى ماسەلەلەر مەن وسكەلەڭ ۇرپاقتى پاتريوتتىق رۋحتا تاربيەلەۋدەگى قالامگەرلەردىڭ ءرولى تالقىلاندى.
* * *
مەملەكەت باسشىسى نۇرسۇلتان نازارباەۆ مادەنيەت ءمينيسترى مۇحتار قۇل-مۇحاممەدتى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
م.قۇل-مۇحاممەد پرەزيدەنتتى قازاقستاندا تۇرىپ جاتقان بارلىق ەتنوستاردىڭ ءتىلىن ساقتاي وتىرىپ, ۇلتتىق بىرلىكتى نىعايتۋدىڭ ماڭىزدى فاكتورى رەتىندە مەملەكەتتىك ءتىلدىڭ تولىق اۋقىمدا قولدانىلۋىن قامتاماسىز ەتۋگە ءتيىستى تىلدەردى قولدانۋ مەن دامىتۋدىڭ 2011-2020 جىلدارعا ارنالعان مەملەكەتتىك باعدارلاماسى جوباسىنىڭ نەگىزگى باعىتتارى تۋرالى حاباردار ەتتى.
مينيستر سونداي-اق “مادەني مۇرا” باعدارلاماسىنىڭ ورىندالۋ بارىسى, اتاپ ايتقاندا, عىلىمي-قولدانبالى زەرتتەۋلەردى ىسكە اسىرۋ, ارحەولوگيالىق قازبالاردى جۇرگىزۋ, تاريحي جانە مادەني ەسكەرتكىشتەردى رەستاۆراتسيالاۋ تۋرالى باياندادى.