اكىمدەر ەسەبىنىڭ ورىندالۋى قالاي؟

ءسىز نە دەيسىز؟ قازاقستان رەسپۋبليكاسى پرەزي­دەنتى­نىڭ “جەرگىلىكتى اتقارۋشى ور­گانداردىڭ باسشىلارىنىڭ تۇرعىن­دار­مەن ەسەپ بەرۋ كەزدەسۋلەرىن وتكىزۋ تۋرالى” 2005 جىلعى 6 ساۋىردەگى جار­لىعىنا سايكەس وبلىستا بيىلعى جىلدىڭ 18 قاڭتارى مەن 12 اقپانى ارا­لىعىندا بارلىق دەڭگەيدەگى اكىم­دەردىڭ ەسەپ بەرۋ كەزدەسۋلەرى بولىپ ءوتتى. ونىڭ ءبىرشاماسىنا ءوزىمىز دە قاتىسىپ, ماقالالار جازعانبىز. جاق­سى ءبىر داستۇرگە اينالعان وي قورىتۋ الاڭدارىندا تۇرعىندار تاراپىنان كوپتەگەن ۇسىنىس-تىلەكتەر ايتىلعانىن بىلەمىز. بۇل ءوڭىر احۋالىن ودان ءارى جاقسارتۋدان تۋعان سۇرانىستىڭ وسكەندىگىن اڭعارتادى. ۋادەنىڭ ورىندالۋى, جاعدايدىڭ ەتەك الىسى قاي دەڭگەيدە؟ “ەگەمەن قازاقستاننىڭ” ءتىلشىسى باقبەرگەن امالبەك اقمولا وبلىسى اكىمى اپپاراتىنىڭ باسشىسى بولات جۇپىنوۆقا: – ءسىز بۇعان نە دەيسىز؟ – بارلىعى 695 كەزدەسۋ وتكىزىلىپ, وعان 79447 ادام قاتىستى. سونىڭ ءىشىن­دە 2111 ادام مىنبەرلەردەن ءسوز الىپ, 1761 ۇسىنىس-تىلەك ەنگىزدى. مۇنىڭ باسىم كوپشىلىگى, ياعني 98,9 پايىزى الەۋمەتتىك تۇرعىداعى ماسە­لەلەر. بىزدە اكىم عانا ەمەس, ونىڭ كومانداسى تۇگەل ەسەپ بەرەتىندىكتەن, سۇراقتاردىڭ 1662-سىنە سول زاماتتا تۇسىنىك بەرىلىپ, كوپتەگەن ماسەلەلەر قولما-قول شەشىمىن تاپتى. ال, ەڭ وزەكتى دەگەن 99 سۇراق ارنايى باقى­لاۋعا الىنىپ, ولاردىڭ ورىندالۋ بارىسىنا كۇنى بۇگىنگە دەيىن تۇراقتى مونيتورينگ جۇرگىزىلىپ كەلەدى. ماسەلە نەگىزىنەن قارجىعا ءتى­رە­لە­تىندىكتەن, بارلىق ۇسىنىستاردى قارجىلاندىرۋدىڭ ءارتۇرلى كوزدەرى ايقىندالدى. وسىنىڭ ناتيجەسىندە ەل يگىلىگىنە جاراتىلعان دۇنيەلەر از ەمەس. ايتالىق, اۋدان ورتالىعى ار­شا­لىنىڭ ميتچەنكو كوشەسىن, اس­ترا­حان اۋدانى ورتالىق قونىسىنىڭ ىشكى جولدارىن جوندەپ, اباتتان­دى­رۋعا وبلىستىق بيۋدجەتتەن ارقاي­سى­سىنا 10 ميلليون تەڭگەدەن ءبولىندى. سونداي-اق, ارناساي اۋىلىنداعى دارىگەرلىك امبۋلاتوريا ۇيىمدىق تەحنيكامەن جاراقتاندىرىلدى. اتباسار قالاسىندا حالىقتى اۋىز سۋمەن ۇزدىكسىز قامتاماسىز ەتۋ ماق­ساتىندا تەرەڭگە قويىلاتىن سورعى­لار ساتىپ الىندى. وعان اۋداندىق بيۋدجەتتىڭ 3541 مىڭ تەڭگە قاراجاتى جاراتىلدى. رەسپۋبليكالىق بيۋدجەتتەن 40,2 ميلليون تەڭگە قارجى ءبولىنۋىنىڭ ارقاسىندا اقكول اۋدانىنداعى الەك­سەەۆ ورمان شارۋاشىلىعى ەلدى مەكەنىن ەلەكتر قۋاتىمەن قامتا­ما­سىز ەتۋ, سونداي-اق, “الەكسەەۆ ەلەكتر جەلىلەرى” نىسانىنىڭ قۇرىلىسىن اياقتاۋ ماسەلەسى شەشىمىن تاپتى. قورعالجىن اۋدانىندا قۇنى 142 ميلليون تەڭگەلىك امانكەلدى اۋىل­دىق مەكتەبى سالىنىپ, وسى اۋدان­داعى گيم­نازيا قۇرىلىسىنا بولىنگەن 27,8 ميل­ليون تەڭگە قارجىنىڭ يگەرىلۋى قام­تاماسىز ەتىلدى. جار­قايىڭ اۋدا­نى­نىڭ كوستىچەۆ ورتا مەكتەبى, شوي­ىندىكول جانە باران­كول نەگىزگى مەك­تەپتەرىنىڭ وقۋشى­لارى جاڭا وقۋ جىلىن كوتەرىڭكى كوڭىلمەن باستادى. ءىرى كاسىپورىندار, بيزنەس قاۋىم­داستىعى مەن شارۋا قوجالىقتارى دا ەل تىلەگىن ورىنداۋدان قالىس قال­ماي­دى. ءبىر عانا مىسال ايتايىن. اق­مولا وبلىستىق تەلەكوممۋنيكاتسيا ديرەك­تسيا­سىنىڭ قارجىسى ەسەبىنەن ەرەي­مەن­تاۋ اۋدانىنىڭ يزوبيل­نىي, جاقسى اۋدانىنىڭ نوۆوكيەۆ­كا, تا­راسوۆكا, كالينين, ساندىقتاۋ اۋدا­نىنىڭ بوگورودكا اۋىلدارىندا سان­دىق تەلەفون ستانسالارى ورناتىلدى. تۇتاستاي العاندا, العاشقى جار­تى جىلدىقتا ۇسىنىس-تىلەكتەردىڭ 25,2 پايىزى تولىق ورىندالدى. ال, 5,1 پايىزىنىڭ ورىندالۋ مەرزىمى كەشەۋىلدەپ وتىر. بۇل جونىندە ناقتى شا­رالار قولدانىلاتىن بولادى. جالپى, وسى ماسەلەلەرگە قاتىستى نە­عۇرلىم تولىعىراق اقپارات العىسى كەلگەن جەرلەستەرىمىزدىڭ وبلىس اكىمى­نىڭ سايتىن پايدالانۋىنا بولادى. اقمولا وبلىسى.