3 قىركۇيەكتە قازاقستاننىڭ بۇكىل اۋماعى انتيتسيكلون ىقپالىندا بولىپ, كۇن جاۋىن-شاشىنسىز, الا بۇلتتى بولادى. ءتۇن مەزگىلىندە سولتۇستىكتىڭ كەيبىر جەرلەرىندە تەمپەراتۋرا كۇرت تومەندەيدى.
اقمولا, جامبىل, باتىس قازاقستان, قاراعاندى وبلىستارىنىڭ, تۇنگىلىك الماتى, اقتوبە وبلىستارىنىڭ كەي جەرلەرىندە جەلدىڭ جىلدامدىعى سەكونتىنە 15-23 مەترگە دەيىن جەتەدى. وڭتۇستىك قازاقستان, شىعىس قازاقستان, تۇندە اتىراۋ جانە قىزىلوردا وبلىستارىنىڭ كەي جەرلەرىندە شاڭدى بوران كوتەرىلىپ, جەلدىڭ جىلدامدىعى سەكونتىنە 15-23 مەترگە جەتەدى. اقمولا, پاۆلودار, قاراعاندى وبلىستارىنىڭ كەي جەرلەرىندە تۇندە اۋا تەمپەراتۋراسى 0-2 گرادۋسقا تومەندەپ, سولتۇستىك قازاقستان وبلىسىندا تۇندە تۇمان تۇرىپ, تەمپەراتۋرا 0-2 گرادۋس بولادى.
ماڭعىستاۋ, اتىراۋ, باتىس قازاقستان وبلىستارى مەن اقتوبە وبلىسىنىڭ كەي جەرلەرىندە قاتتى ىستىق بولادى دەپ كۇتىلۋدە.
قازاقستاننىڭ وڭتۇستىگى مەن ورتالىعىندا, باتىس ءوڭىرىنىڭ كەي جەرلەرىندە, شىعىس پەن وڭتۇستىك-شىعىستا وتە جوعارى ءورت قاۋپى ساقتالادى.
تاياۋ تاۋلىكتەردە وڭتۇستىكتىڭ تاۋلى وزەندەرىندە, رەسپۋبليكانىڭ وڭتۇستىك شىعىسى مەن شىعىسىندا سۋ دەڭگەيىندە ءوزگەرىستەر ورىن الادى. ىلە وزەنىندە قاپشاعاي سۋ قويماسىنا قۇيىلاتىن سۋ اعىسىنىڭ باسەڭدەۋى بايقالاتىن بولادى.