كەشە پرەمەر-مينيستر كارىم ءماسىموۆ قىتاي كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى, قكپ وك حاتشىسى ليۋ يۋنشان باستاعان قىتاي حالىق رەسپۋبليكاسى دەلەگاتسياسىمەن كەزدەستى, دەپ حابارلادى پرەمەر-ءمينيستردىڭ ءباسپاسوز قىزمەتى.
كەزدەسۋدە ەكىجاقتى ساۋدا-ەكونوميكالىق جانە شەكارا بويى قىزمەتتەستىگىن, سونداي-اق قازاقستان مەن قحر اراسىنداعى وڭىرلىك ءىس-قيمىلداردى ودان ءارى تەرەڭدەتۋ ماسەلەلەرى بويىنشا پىكىر الماسىلدى.
تاراپتار قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ پەن قحر توراعاسى حۋ تسزينتاو اراسىندا قول جەتكىزىلگەن قازاقستان-قىتاي ستراتەگيالىق ءارىپتەستىگىن ودان ءارى نىعايتۋ جونىندەگى ۋاعدالاستىقتىڭ تابىستى جۇزەگە اساتىنىنا سەنىم ءبىلدىردى.